Rome 5:3 - MUKANDA WA MYIDI MUKULU

³ Nanku nansha tuetu mu makenga, tudi amu tusanka. Bualu tudi bamanye ne: dikenga didi dipetesha lutulu,

Mukanda wa Nzambi Dihungila Dikulukulu ne Dihungila Dihia-dihia 2003

³ Bualu bukuabo kabidi, tutumbile bietu mu ntatu, tumanye ne, Ntatu idi yenzesha ditantamana,

Rome 5:3 ပူးပေါင်းရင်းမြစ်များ

Abakuke 3:18

Kadi nansha nanku, ndi nsanka, bualu Maweja-Nangila udi ungambuluisha, ndi nsanguluka, bualu udi unsungidila.

Luke 21:19

Nenupande amu panuikala nunanukila.

Bienzedi 5:41

Bapostolu kumuka mu Tshipangu, benda basanka, bualu Mvidi Mukulu uvua mubamone ne: mbakane kumvua bipendu bua dina dia Yezu.

Rome 5:11

Ki ngamu nanku to! Kadi tudi mua kuditumbisha kabidi munda mua Mvidi Mukulu, bualu bua Mfumu wetu Yezu Kristu, uvua mupingaje mpindiewu diumvuangana pankatshi petu ne Mvidi Mukulu.

Rome 8:23

Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.

Rome 9:10

Ki mbionsu to. Bana ba balume babidi ba Rebeka bavua ba tatu umue, ke nkambua wetu Izake.

2 Korente 4:17

Makenga atudi tumvua matuku aa adi amu makese, adi apita kabidi lubilu. Kadi neatupeteshe lumu luvule ludi lushala kashidi, ludi ne mushinga mupite wa makenga aa.

2 Korente 8:19

Bena ditaba kabidi bayua bamusungule bua kutufilaye ku luendu, bua atuambuluishe mu mudimu ewu wa kalolu utudi tukuata, bua kutumbisha Mfumu, kabidi bua kuleja mutudi basue kuambuluisha bakuabu.

Efeze 3:13

Ke pandi nnulomba bua kanuteketshi mu maboku, bua mabika ne mala andi mmona bualu buenu. Neanupeteshe diakalenga ne lumu.

Filipe 1:29

Bualu Mvidi Mukulu mmunupe dipa dia nuenu kukuatshila Kristu mudimu. Kanuena amu ne bua kumuitaba nkayaku, kadi nudi ne bua kukenga kabidi bualu buende.

Yakobe 1:12

Muntu udi ulama ditaba padibu bamuteta, mmuena diakalenga. Yeye mumane kuleja muoyi mukole, neapete nsala wa kalumbandi. Nsala awu ke muoyi udi Mvidi Mukulu mulaye bonsu badi bamunanga.

1 Petro 3:14

Nudi amu bena diakalenga, nansha banukengesha bua malu mimpe anudi nuenza. Kanutshinyi bantu. Kanupampakanyi.