Rome 5:17 - MUKANDA WA MYIDI MUKULU

¹⁷ Bushuwa, lufu luvua ne bumfumu, anu bualu bua tshilema tshia muntu umue, tshienza kudi muntu umuepele. Kadi kudi Yezu Kristu nkayende ke kutudi tupetela bipite bungi: bualu kudiye bantu bonsu nebikale ne muoyi, nebadie bumfumu. Ke bonsu bavua Mvidi Mukulu muleje dinanga dipite bunene, bavuaye mubingishe patupu ku luse luende.

Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Bualu bua bikala lufu luakakokesha bua muntu umue bualu bua bushihi bua mikenshi bua muntu umue, bantu badi bangata kuhumukila kua ngasa ne kua diha dia buakane nebatambe kukokesha mu muoyo kudi umue, Yesu Kilisto.

Rome 5:17 ပူးပေါင်းရင်းမြစ်များ

Genese 2:17

Kadi kuena mua kudia bimuma bia mutshi wa kujingulula malu mempe ne malu mabi. Dituku divuadia bimuma bia mutshi awu, tshiebe ndufu.”

Genese 3:19

Neupete tshiakudia tshiebe anu ku tshisululu tshia mu mpala muebe, too ne pawapingana mu buloba bundi mukufuke nabu. Udi lupuishi, newandamuke kabidi lupuishi.

Genese 3:6

Mukaji umona ne: mutshi uvua muimpe kumona, bimuma biawu bimpe bua kudia, bifuana kupa muntu lungenyi, kupolaye tshimuma, kudia. Tshikuabu kupeshaye bayende, awu pende kudia.

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Matayi 25:34

Nenku mukalenga neambile bantu badi ku diende dia balume ne: “Vuayi, nuenu badi Tatu wanyi muele lupemba. Angatayi Bukalenga buvuabu banulongoluele, katshia bafuka bukua panu.

Yowanane 10:10

Muivi udi ufika amu bua kuiba, kushipa ne kubutula. Meme ndi mulue bua bantu bapete muoyi, baupete wa bungi.

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

Rome 5:15

Kadi bubi bua Adame katuena mua kubufuanyikija ne bunene bua dinanga didi Mvidi Mukulu mutuleje amu ku luse luende. Bushuwa bonsu mbafue bua bubi bua muntu umuepele ewu. Kadi dinanga dia Mvidi Mukulu didi dipita bubi ku bunene. Nanku dipa didiye mupeshe bantu bonsu amu ku luse luende patupu kudi muntu umuepele, Yezu Kristu, didi dipita kabidi bubi ku bunene.

Rome 5:20

Mikenji mmifike bua bubi buvulangane. Kadi muaba uvua bubi butampakana, dinanga dia Mvidi Mukulu divua dipita kuelangana kabidi.

Rome 6:14

Bualu malu mabi kaena mua kuikala ne bumfumu pambidi penu nansha. Kanuena ku bumfumu bua mikenji, kadi nudi ku bumfumu bua dinanga divua Mvidi Mukulu mutuleje.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 8:39

nansha makole a mulu, nansha a pa buloba, nansha tshifukibua tshikuabu, kashidi kakuena tshintu nansha tshimue tshidi mua kutupandulula ne Mvidi Mukulu uvua muleje mu Yezu Kristu Mfumu wetu mudiye utunanga.

1 Korente 15:49

Nanku bu mutuvua bafuane muntu uvuabu benza ne buloba, netufuanangane ne udi mufuma mu diulu.

1 Korente 4:8

Nudi nuela meji ne: nukadi ne bionsu binudi nujinga anyi? Nukadi bena biuma anyi? Nuenu nukadi bakalenga, tuetu tushala bantu ba patupu anyi? Mvua musue bua nuikale bakalenga bushuwa, bua tuetu kabidi tudie nenu bukalenga!

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

1 Timote 1:14

Nanku Mfumu wetu kunnanga ne dinanga dipite bunene. Kumpeshaye ditaba ne dinanga, bitudi tupeta patudi tudisanga ne Yezu Kristu.

2 Timote 2:12

Bituikala bumvue makenga ne lutuulu, netudie nende bumfumu; Bituamuvila, Yeye kabidi neatuvile;

Yakobe 2:5

Bana hetu basuibue, telejayi: Mvidi Mukulu mmusungule bapele ba panu, bua bikale bena biuma mu ditaba, bapete Bukalenga buvua Mvidi Mukulu mulaye badi bamunanga.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 1:6

mMutuenze bakalenga ne batuangaji, bua tukuatshile Tatuende Mvidi Mukulu mudimu. Yezu Kristu udi ne butumbi, kabidi ne bukole, mu nkama ne nkama ya bidimu! Amene.

Didimanyisha 20:4

Pashishe meme kumona nkuasa ya butumbi. Bavua basombamu, bavua bapete bumfumu bua kulumbuluisha bantu. Meme kumona kabidi bantu bavuabu bashipe, bualu bavua bajadike malu malelela avua Yezu mumanyishe, bajadike ne muaku wa Mvidi Mukulu. Bantu aba kabavua bakukuile nyama, nansha tshimfuanyi tshiende. Kabavua babatue tshitampi tshia nyama pa mpala, nansha pa tshianza to. Kufululukabu, kudiabu bukalenga pamue ne Kristu bidimu tshinunu.

Didimanyisha 20:6

Bantu bavua bafululuka musangu wa kumpala awu mbena diakalenga, badi Mvidi Mukulu muele lupemba mushindu musunguluke! Lufu luibidi kaluena lubakuata to. Nebakuatshile Mvidi Mukulu ne Kristu mudimu wa butuangaji. Nebadie bukalenga pamue ne Kristu bidimu tshinunu.

Didimanyisha 22:5

Butuku kabuakuikala kabidi to. Kabakukengela munya, nansha muendu. Bualu Maweja-Nangila Mvidi Mukulu neabakenkeshile butoke buende. Nebadie bumfumu kashidi.

Didimanyisha 3:21

Badi batshimuna, nenganyishe bua basombe pabuipi nanyi mu nkuasa wanyi wa butumbi, bu mumvua meme mutshimune, nsomba pabuipi ne Tatu wanyi mu nkuasa wende wa butumbi.