Rome 5:14 - MUKANDA WA MYIDI MUKULU

¹⁴ Kadi biangatshile ku tshikondu tshia Adame too ne ku tshia Moshe, lufu luvua amu ne bumfumu, nansha pambidi mene pa bantu bavua kabayi benze malu mabi mafuanangane ne avuabu benze kudi Adame, uvua mubenge kuitaba mikenji ya Mvidi Mukulu. Adame uvua tshimfuanyi tshia uvua ne bua kufika.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi lufu luakukokesha ku Adama tô ne ku Mose, ne ku bobo bine bakadi kabai benze malu mabi mafuane buhidia bua Adama: yeye ntshifuanyikishi tshia wakadi ha kulua.

Rome 5:14 ပူးပေါင်းရင်းမြစ်များ

Genese 19:25

Mvula awu kubutula bimenga bionsu bibidi, kushipa bantu, kunyanga ditunga ne madimi mene kashidi.

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

Genese 7:22

Nyama ne bantu bionsu bivua ne muoyi kufua pa buloba bujima.

Ekesode 1:22

Kadi mukalenga wa bena Ejipitu, kuambila bantu bende bonsu ne: — Muana wa balume yonsu udi bena Izrayele balele, numuele mu musulu wa Nile. Nulekele anu bana ba bakaji ne muoyi.

Ekesode 1:6

Kadi Yozefe ne bana babu bonsu bavua Yakobe mubuele nabu mu Ejipitu kufuabu.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Yona 4:11

Nanku, meme tshiena mua kufuila tshimenga tshinene tshia Ninive luse anyi? Mu tshimenga emu mudi bantu bapite pa binunu lukama ne makumi abidi, badi kabayi bamanye mua kudisunguluila bidi bibalengelela, mudi kabidi bimuna bipite bungi.

Rome 5:12

Padi muntu umue, Adame, mubueje bubi pa buloba, kabidi bubi bubueje lufu, nanku lufu ludi lukuata bantu bonsu, bualu bonsu bavua benze malu mabi.

Rome 5:17

Bushuwa, lufu luvua ne bumfumu, anu bualu bua tshilema tshia muntu umue, tshienza kudi muntu umuepele. Kadi kudi Yezu Kristu nkayende ke kutudi tupetela bipite bungi: bualu kudiye bantu bonsu nebikale ne muoyi, nebadie bumfumu. Ke bonsu bavua Mvidi Mukulu muleje dinanga dipite bunene, bavuaye mubingishe patupu ku luse luende.

Rome 5:21

Nenku bu muvua bubi bupetela bukole kudi lufu, ke mudi kabidi dinanga dia Mvidi Mukulu dipetela bukole, pa-vuaye mutubingishe kudi Mfumu wetu Yezu Kristu, bua kutufikisha kudiye ku muoyi wa tshiendelele.

Rome 8:20

Bualu bifukibua mbibuele ku bumfumu bua bidi kabiyi mua kubilengelela. Bifukibua kabivua binanga bua bienzeke nanku. Kadi Mvidi Mukulu mmubiteke nanku. Kadi ditekemena ditshidiku:

Rome 8:22

Bualu tudi bamanye ne: too ne lelu bifukibua bionsu bitshidi bitua mikemu, bikenga bu mukaji pa lulelu.

1 Korente 15:22

Bu mudi bantu bonsu bafue bualu mbadisange ne Adame, ke mudi bantu bonsu ne bua kubika ku lufu padibu badisanga ne Kristu.

1 Korente 15:45

Bualu Mukanda wa tshijila udi wamba ne: “Adame muntu wa kumpala uvua mupete muoyi,” kadi Adame wa ndekelu udiku ku bukole bua udi ufila muoyi.

Ebrewu 9:27

Muntu yonsu udi ne bua kufua musangu umue. Kunyima kua lufu, Mvidi Mukulu neamulumbuluishe.