Rome 4:2 - MUKANDA WA MYIDI MUKULU

² Bu Abrahame mubinge ku mesu kua Mvidi Mukulu bua bivuaye muenze, uvua mua kuditambisha. Kadi kena mua kuditambisha kumpala kua Mvidi Mukulu nansha.

Mukanda wa Nzambi Dihungila Dikulukulu ne Dihungila Dihia-dihia 2003

² bualu bua bikala Abalahama mubingishibue ku bienzedi, udi ne tshia kuditumbisha nʼatshi, kadi kenku mesu kua Nzambi.

Rome 4:2 ပူးပေါင်းရင်းမြစ်များ

Genese 12:18

Mukalenga wa bena Ejipitu kubikidisha Abrame, kumukonka ne: — Tshiudi mungenzele ntshinyi? Bua tshinyi kuena mungambile ne: Sarayi mmukajebe?

Genese 12:20

Pashishe mukalenga wa bena Ejipitu kutuma diyi bua bantu bende bumushe Abrame mu ditunga pamue ne mukajende ne bionsu bivuaye nabi.

Yezekiyele 8:9

Mvidi Mukulu kuamba ne: — Buelela mu tshimana, umone malu mabi mapite andi meme mubenge, kadi adi bantu aba benza muaba ewu.

Rome 15:17

Nanku ndi ndisanga ne Kristu, nditemba bua mudimu wanyi undi nkuatshila Mvidi Mukulu.

1 Korente 1:29

Nanku muntu nansha umue kena mua kuditemba kumpala kua Mvidi Mukulu.

1 Korente 1:31

Ke padi Mukanda wa tshijila wamba ne: “Udi ujinga kuditemba, aditembe bua bidi Mvidi Mukulu muenze.”

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

1 Korente 9:16

Tshiena mua kuditemba, bua pandi mmanyisha bantu Lumu lua Disanka nansha. Bualu mbujitu budi bungomekela. Tshiyi ntangalaja Lumu lua Disanka, ndi muena diakabi.

2 Korente 11:12

Nengenze amu mundi ngenza mpindiewu. Bualu tshiena musue bua bapostolu benu ba kalanda musenga abu bambe ne: “Tudi tukuata mudimu mushindu wa momumue ne Polu.”

2 Korente 11:30

Bu meme ne bua kuditambisha, nenditambishe bua butekete buonsu bundi nabu.

2 Korente 5:12

Katuena basue kuditemba tshiakabidi kunudi. Kadi tudi tujinga kunupetesha tshikondu tshinudi mua kuditemba bualu buetu. Ke munudi mua kupuwisha badi baditemba bua bidi bimueneka, kabayi bamanye bidi mu muoyi wa muntu.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Efeze 2:9

Lupandu kaluena lufuma ku midimu yenu. Nanku muntu nansha umue kena mua kuditemba.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Yoshua 24:2

Yoshuwa kubambila bonsu ne: — Telejayi tshidi Maweja-Nangila, Mvidi Mukulu wa bena Izrayele, wamba: “Ku kale, bankambua benu bavua base dishiya dia musulu munene wa Perate, batendelelamu mvidie ya bantu benyi. Bankambua benu abu bavua bena diku dia Tera, tatuende wa Abrahame, ne wa Nakore.