Rome 4:19 - MUKANDA WA MYIDI MUKULU

¹⁹ Ukavua ne bidimu bu lukama. Kadi uvua amu muitabe bikole, kayi uteketa, nansha diba di vuaye wela meji ku mubidi wende ukavua bu tshitalu, ne kudi Sara, muena kuende, uvua kayi mua kupeta muana.

Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Yeye kakateketa mu ditabusha diandi bakamanyeye ne, Mubidi wanyi mumane kufua (yeye wakadi bu bidimu lukama), ne Sala muikale nkumba.

Rome 4:19 ပူးပေါင်းရင်းမြစ်များ

Genese 17:17

Abrahame kudiela mutu panshi, useka wamba ne: “Muntu mukulumpe wa bidimu lukama, udi mua kulela muana bishi? Kabidi Sara udi ne bidimu makumi tshitema, neapete muana mushindu kaayi?”

Matayi 14:29

Yezu kumubikila ne: — Vuakunu! Petro kupatuka mu buatu, wenda pa mayi, mutangile kudi Yezu.

Matayi 14:31

Diakamue Yezu kolola tshianza, kumukuata, wamba ne: — Akia! Ditaba diebe ndikese be! Udi upampakana bua tshinyi?

Matayi 6:30

Mvidi Mukulu udi uvuadika bisosa, bidi lelu mu mpata, maloba babiosha. Nanku kena mua kunuvuadika nuenu bantu bilamba bimpe bipite anyi? Kadi ditaba dienu ndikese be!

Matayi 8:26

Yezu kubakonka ne: — Tshinudi nutshina ntshinyi? Ditaba dienu ndikese ditambe! Ke Yezu kujuka, kukanyina tshipepele, ne mayi a dijiba. Kubatamabi bataa.

Rome 14:21

Bidi bimpe kubenga kudia munyinyi, kubenga kunua maluvu, kuepuka bionsu, padibi mua kulenduisha muanenu.