Rome 4:18 - MUKANDA WA MYIDI MUKULU

¹⁸ Abrahame uvua muitabe, mutekemene kabidi bivuaye kayi mua kutekemena. Ke yeye kuenza “nkambua wa bisamba bi-vule,” bilondeshile bivua Mvidi Mukulu mumuambile ne: “Ndelanganyi yebe neyikale bungi bua momumue ne mitotu.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Bualu bua Abalahama, wakitabusha ne ditekemena, kai ne bualu bua kutekemena, bua kulueye nkambua wa bisamba bia bungi, bu mudi dî diakambabo ne, Ke muikale tunkanuniuna tuebe.

Rome 4:18 ပူးပေါင်းရင်းမြစ်များ

Nsumuinu 13:12

Kupanga kukumbajila muntu bualu, kudi kumutekesha ku muoyi. Dijinga didibu bakumbaja didi mpokolu wa muoyi.

Yezekiyele 37:11

Maweja-Nangila kuamba kabidi ne: — Yezekiyele, mifuba eyi idi ituleja mudi bena Izrayele. Bena Izrayele badi bamba ne: “Tudi bu mifuba miume nyonyonyo. Tshitudi mua kutekemena kabidi ntshinyi? Tshitudi mua kuenza kabidi ntshinyi?”

Luke 1:18

Kadi Zekarya kuebeja mutumibue ne: — Bionsu ebi nenjadike ne: mbilelela, ku tshinyi? Bualu meme nkadi mukulakaje. Mukajanyi kabidi ukadi tshikunda.

Bienzedi 27:25

Nanku, bana betu, koleshayi muoyi. Ndi mutekemene Mvidi Mukulu: neakumbaje bionsu bidiye mungambile.

Rome 4:17

mudi Mukanda wa tshijila wamba ne: “Meme kukuenza nkambua wa bisamba bivule.” Udi tatu wetu kumpala kua Mvidi Mukulu uvuaye muitabe. Ke Mvidi Mukulu udi ubisha bantu ku lufu; udi ushindika bidi kabiyiku bua bikaleku.

Rome 4:19

Ukavua ne bidimu bu lukama. Kadi uvua amu muitabe bikole, kayi uteketa, nansha diba di vuaye wela meji ku mubidi wende ukavua bu tshitalu, ne kudi Sara, muena kuende, uvua kayi mua kupeta muana.

Rome 5:5

Ditekemena adi kadiena ditushima to. Bualu Mvidi Mukulu mmumuangalaje dinanga diende mu mioyi yetu, ku bukole bua Mueyelu wa Tshijila uvuaye mutupeshe.

Rome 8:24

Bualu bavua batusungidile, kadi amu bua tushale batekemena. Padi bantu bamona bidibu batekemena, kabena batekemena kabidi to. Utshidi mua kutekemena tshidiye mumone nnganyi?

Ebrewu 6:19

Ditekemena adi didi diludika muoyi wetu, mudi luongu luludika buatu pa mayi. Didi dikole, didi dishindame munda muetu. Didi disompoke dia muamua dia tshilamba tshia nzubu wa Mvidi Mukulu wa mu diulu, bua kutufikisha muaba menemene wa tshijila.