Rome 4:13 - MUKANDA WA MYIDI MUKULU

¹³ Mvidi Mukulu uvua mulaye Abrahame ne ndelanganyi yende ne: nenupete buloba. Kavua mumulaye dilaya edi, bualu Abrahame uvua mukumbaje mikenji nansha, kadi amu bualu Mvidi Mukulu uvua mumubingishe bua ditaba divuaye nadi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bualu bua mulayi wa kuhianeye buloba kawakadi kudi Abalahama anyi kudi tunkanunuina tuandi bualu bua mikenshi; kadi wakadika bua buakane bua ku ditabusha.

Rome 4:13 ပူးပေါင်းရင်းမြစ်များ

Genese 12:3

Bonsu badi bakuela lupemba, nembele. Kadi bonsu badi bakutshipa, nembatshipe. Nengele bisamba bionsu bia pa buloba lupemba bualu buebe.

Genese 17:16

Ndi mmuela lupemba. Neakulelele muana wa balume. Neikale mamuende wa bisamba bia bungi. Bakalenga ba bisamba bishilangane nebapatukile ku ndelanganyi yende.

Genese 28:14

Ndelanganyi yebe neyivulangane bu lusenga lua pa buloba. Neyimuangalake nseke yonsu inayi ya buloba. Nengele bisamba bionsu bia pa buloba lupemba mu dina diebe ne dia ndelanganyi yebe.

Genese 49:10

Nsesu wa bukalenga neashale mu diku dia Yuda. Dikombu dia bumfumu nedishale kudi ndelanganyi yende, too ne pafika muena bukalenga, udi bantu bonsu ne bua kutumikila.

Misambu 2:8

Wewe mundombe bisamba bionsu, nenkupeshabi, bishale biebe. Bumfumu buebe nebufike ku ntengu ne ntengu ya buloba.

Misambu 72:11

Bakalenga bonsu nebamukukuile, bisamba bionsu nebimuenzele mudimu.

Bienzedi 13:32

Tuetu kabidi tudi tunumanyisha Lumu lua Disanka elu ne: bivua Mvidi Mukulu mulaye bankambua betu,

Rome 4:12

Udi kabidi tatu wa badibu bateke panshi, kadi badi kabayi batekemena amu ku diteka panshi diabu adi. Badi balonda njila wa ditaba uvua Abrahame mulonde, nansha pavuabu kabayi banji kumuteka panshi.

Rome 9:8

mBuena kuamba ne: ki mbana badibu balela ku bukole bua buntu buabu, badi bana ba Mvidi Mukulu to. Kadi amu bana badibu balela bilondeshile dilaya dia Mvidi Mukulu, ke badi ndelanganyi menemene ya Abrahame.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

Ebrewu 7:6

Melkisedeke kavua wa ku ndelanganyi ya Levi nansha. Kadi uvua muangate kudi Abrahame tshia dikumi tshia bintu bi vua-ye nabi. Muntu uvua Mvidi Mukulu mulaye dilaya, Melkisedeke uvua mumuele kabidi lupemba.