Rome 4:11 - MUKANDA WA MYIDI MUKULU

¹¹ Kunyima kua matuku mavule bakateka Abrahame panshi, bua bikale bu tshimanyinu tshidi tshileja ne: Mvidi Mukulu mmumutue tshitampi, bualu mmumubingishe amu bua ditaba, pavuabu kabayi banji kumuteka panshi. Nenku Abrahame udi tatu wa bantu bonsu badi bitaba Mvidi Mukulu, nansha kabayi babateka panshi, kabidi badi Mvidi Mukulu ubingisha.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Wakangata tshimanyinu tshia ditengula bu tshimanyishilu tshia buakane bua ku ditabusha diakadiye nʼadi hakadiye kai mutengula, bua yeye kuikala nkambua wa bonso badi bitabusha, nasha bobo kabai batengula kabidi, bua buakane bubadibue kudibo;

Rome 4:11 ပူးပေါင်းရင်းမြစ်များ

Genese 17:24

Abrahame mumane kukumbaja bidimu makumi tshitema ne tshitema, kumutekabu pende panshi.

Misambu 47:9

Mvidi Mukulu udi uludika bisamba bionsu, musombe mu nkuasa wende wa tshijila.

Ekesode 12:13

Mashi adi ku muelelu wa biibi bia nzubu inudi nusomba awu, neikale tshimanyinu tshidi mua kunupandisha. Pambamona mashi awu, nempite mu njila tshiyi imubutula to. Nanku nembutule anu bena Ejipitu.

Ekesode 31:13

Ambila bena Izrayele mikenji eyi ne: — Dituku dia Dikisha dishale tshivulukilu pankatshi petu nenu ne ndelanganyi yenu, bua nuenu kumanya ne: Meme, Maweja-Nangila ke udi munusungule.

Ekesode 31:17

Dituku edi nedikale tshimanyinu tshia diumvuangana didi pankatshi panyi ne bena Izrayele. Bualu meme Maweja-Nangila mvua mufuke diulu ne buloba mu matuku asambombu, meme kuikisha dituku dia muanda mutekete.

Yezekiyele 20:12

Mvua muele diyi kabidi bua banemeke dituku dia Dikisha, bua kuleja diumvuangana didi pankatshi panyi nabu, bua kubavuluija kabidi ne: meme Maweja-Nangila ndi mubajidile bua bangenzele mudimu.

Yezekiyele 20:20

Nujidile dituku dianyi dia Dikisha bua kuleja mutudi batue nenu ndondu, ne bua nuenu kuvuluka ne: meme ndi Maweja-Nangila Mvidi Mukulu wenu.

Matayi 16:16

Simone Petro kuandamuna ne: — Wewe udi Kristu, Muana wa Mvidi Mukulu udi ne muoyi.

Matayi 8:11

Ndi nnujadikila ne: bantu bavule nebafume luseke ludi diba dipatukila, ne ludidi dibuelela, basombe ne Abrahame, Izake, ne Yakobe mu Bukalenga bua mu diulu.

Luke 19:9

Ke Yezu kumuambila ne: — Lelu wewe ne bena diebe bonsu nudi bapete lupandu. Bualu wewe kabidi udi muntu wa ku ndelanganyi ya Abrahame.

Yowanane 3:33

Udi witaba bidiye wamba udi ujadika nanku mudi Mvidi Mukulu wamba malu malelela.

Yowanane 3:36

Muntu udi witaba Muana udi ne muoyi wa tshiendelele. Kadi udi kayi utumikila Muana kakuikala ne muoyi ewu. Mvidi Mukulu utshidi umufikila munda.

Yowanane 6:35

Ke Yezu kubambila ne: — Meme ndi diampa dia muoyi. Muntu udi ulua kundi kakufua nzala to. Udi ungitaba kakufua nyota nansha.

Yowanane 6:40

Eyowa, tshidi Tatu wanyi musue ntshiotshi etshi: bua bonsu badi bamona Muana, bamuitaba, bapete muoyi wa tshiendelele, kabidi bua mbabishe ku lufu, bapete muoyi dituku dia nshikidilu.

Yowanane 6:47

Ndi nnujadikila ne: muntu udi witaba, udi ne muoyi wa tshiendelele.

Yowanane 8:33

Bobu kumuandamuna ne: — Tuetu tudi ndelanganyi ya Abrahame. Katuena banji kuikala bapika ba muntu nansha. Mmunyi muudi utuamba ne: Nenuikale bantu badikadile?

Rome 10:11

Ke padi Mukanda wa tshijila wamba ne: “Yonsu udi umuitaba, kakufua bundu.”

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Rome 10:6

Kadi umvuayi mudibu bamba bua bantu badi bakeba kubinga ku mesu kua Mvidi Mukulu bua ditaba: “Kudiedi lukonku mundamunda ne: Wabanda mu diulu nnganyi?” (mbuena kuamba ne: bua kutulula Kristu panshi).

Rome 3:22

Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Rome 3:26

Kadi mu tshikondu tshia mpindiewu, udi uleja mushindu udiye ubingisha bantu ku mesu kuende. Bualu Yeye mene udi musue kubinga, kabidi udi musue kuhingisha bonsu badi bitaba Yezu Kristu.

Rome 3:30

bualu Mvidi Mukulu udi amu umuepele. Neabingishe bena Yuda amu ku ditaba, ne bantu ba bisamba bikuabu kabidi amu ku ditaba.

Rome 4:10

Bine abi mbienzeke diba kayi? Divuabu bamane kumuteka panshi anyi divuabu kabayi banji kumuteka panshi? Ki ndivuabu bamane kumuteka panshi nansha, kadi kumpala!

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

Rome 9:33

mudi Mukanda wa tshijila wamba ne: “Tangilayi, ndi nteka mu Siyone dibue didi ditetula bantu, lubuebue ludi lubaponesha. Kadi udi umuitaba, kakufua bundu nansha.”

Rome 9:6

Kadi tshiena musue kuamba ne: bivua Mvidi Mukulu mulaye, kena mubikumbaje nansha. Bualu bantu ba ku ndelanganyi ya Izrayele, kabena bonsu bena Izrayele balelela to.

2 Korente 1:22

ututua tshitampi tshiende bua kuleja ne: tudi bende, utupa kabidi Mueyelu wa Tshijila bu tshieya tshia bionsu bidiye utulamina.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Ngalate 3:29

Nanku panudi bantu ba Kristu, nudi ndelanganyi ya Abrahame. Nenupete bivua Mvidi Mukulu mulaye.

Ngalate 3:7

Ke munudi numona ne: ndelanganyi menemene ya Abrahame mbantu badi bitaba.

Ngalate 5:5

Kadi tuetu ku bukole bua Mueyelu wa Tshijila, udi ukuata mudimu patudi tuitaba, tudi bindile, batekemene se: Mvidi Mukulu neatubingishe.

Ngalate 6:16

Bonsu badi balonda njila ewu, ndi mbajingila ne: Mvidi Mukulu abapeteshe bupole, abafuile luse, bobu ne bena tshisamba tshia Mvidi Mukulu bonsu.

Efeze 1:13

Nuenu kabidi diba dinuvua bumvue muaku mulelela, Lumu lua Disanka ludi lunupetesha lupandu, nuvua bitabe Kristu. Diba adi Mvidi Mukulu uvua munupe Mueyelu wende uvuaye mulaye, munutue tshitampi tshiende, bua kunuleja munudi bantu bende menemene.

Efeze 4:30

Kanubungamiji Mueyelu wa Tshijila wa Mvidi Mukulu. Mueyelu udi tshitampi tshia Mvidi Mukulu, tshidi tshileja munudi bantu bende. Mueyelu udi ujadika kabidi ne: dituku nedifike didi Mvidi Mukulu unupikula kashidi ku bubi buonsu.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Ebrewu 11:7

Amu bua ditaba, Nowa kuteleja bivua Mvidi Mukulu mumuambile bua malu avua ne bua kuenzeka, avuaye kayi muanji kumona. Kuitabaye Mvidi Mukulu, kuenza buatu. Nanku yeye ne bena diku diende kupanda. Ke muvuaye udiwula bena panu, ubinga ku mesu a Mvidi Mukulu bualu uvua witaba.

2 Petro 1:1

Meme Simone Petro, mupostolu ne muena mudimu wa Yezu Kristu, ndi mfundila bonsu bavua bapete ditaba dia mushinga mukole dia mushindu umue ne ditudi nadi. Nudi badipete ku disua dilenga dia Mvidi Mukulu wetu ne dia Musungidi Yezu Kristu.

Didimanyisha 9:4

Kuyikandikabu bua kayinyangi bisosa, nansha mitshi, nansha biakudia bia pa madimi; kadi ikengeshe amu bantu bavuabu kabayi batue tshitampi tshia Mvidi Mukulu pa mpala.