Rome 3:4 - MUKANDA WA MYIDI MUKULU

⁴ Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Nasha kakese! Nzambi ikale amena bulelela, kadi muntu yonso ikale nmona mashimi, bu muakafundabo ne, Bua wewe ubingishibue mu mei ebe, Ne bua wewe utambe mu dilumbulula diebe.

Rome 3:4 ပူးပေါင်းရင်းမြစ်များ

Yobe 36:3

Bantu badi kule bavua bangambila bindi ndongesha, bua mmone mua kubingisha Mvidi Mukulu Mumfuki wanyi.

Yobe 40:8

Udi ubenga mundi nkosa nsambu anyi? Udi musue kumpisha bua wewe kubinga anyi?

Misambu 100:5

Bualu Maweja-Nangila udi ne malu makane, dinanga diende kadiena ne ndekelu, bulelela buende budi bushala bikondu bionsu.

Misambu 116:11

Mvua ndubakana ngamba ne: “Kakuena muntu undi mua kutekemena!”

Misambu 119:160

Muaku onsu uudi wamba, udi amu pa wowo, mapangadika ebe onsu adi makane, adi kabidi bua kashidi.

Misambu 138:2

ndi ela panshi mu nzubu webe wa tshijila. Mvidi Mukulu wa kashidi, ndi nkutumbisha bua bulenga buebe ne bulelela buebe, bualu uvua muvuluke dilaya diebe, mutuvua katuyi batekemene.

Misambu 51:4

Ungumushe bubi buonsu, untokeshe ku tshilema tshianyi.

Misambu 62:9

— Nuenu bonsu, bantu ba Mvidi Mukulu, tekemenayi amu kudiye. Numupuile ntatu yenu. Yeye ke muaba utudi mua kunyemena.

Mika 7:20

Neuleje ndelanganyi ya Abrahame ne ya Yakobe, dinanga diebe didi kadiyi dijika, bu muuvua mulaye bankambua betu ku kale.

Matayi 11:19

Kadi Muana wa muntu kufika, muikale udia, unua. Ke kumuambabu ne: “Ewu mmudiavi, munu wa maluvu, mulunda wa balambuishi ba bitadi, ne wa bena buenzayi!” Kadi midimu idi Mvidi Mukulu wenza, idi ileja meji mimpe adiye nawu.

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Yowanane 3:33

Udi witaba bidiye wamba udi ujadika nanku mudi Mvidi Mukulu wamba malu malelela.

Rome 11:1

Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

Rome 11:11

Nanku ndi ngebeja kabidi ne: diba divua bena Yuda balenduke, bavua badishinda bua kulala panshi kashidi anyi? Nansha kakese! Kadi bua tshilema tshivuabu benze, bantu ba bisamba bikuabu kupeta lupandu, bua bena Yuda babakuatshile lubabu,

Rome 3:31

Nanku bualu bua ditaba tudi tunyanga mushinga wonsu wa mikenji anyi? Nansha kakese! Ke mutudi tuangata mikenji ne mushinga wayi menemene.

Rome 6:15

Kadi bualu ebu budi bishi? Tuye kuenza malu mabi, bualu katuena kabidi ku bumfumu bua mikenji, kadi amu bua dinanga divua Mvidi Mukulu mutuleje anyi? Nansha kakese!

Rome 6:2

Nansha kakese! Tudi bafue bua bubi. Nanku mmunyi mutudi mua kutungunuka kabidi ne dienza dia malu mabi?

Rome 7:13

Kadi tshintu tshimpe tshidi mua kumpetesha lufu anyi? Nansha kakese! Amu bubi ke budi bunkebela lufu. Buvua budimuenesha mudibu bubi menemene. Buvua bubuela mu tshidi tshimpe, bua kunkebela lufu. Ke muvua bubi budileja bu bualu bubi menemene, bualu bua meyi ne mikandu.

Rome 7:7

Kadi tshitudi mua kuamba kabidi ntshinyi? Mikenji idi mulongu umue ne bubi anyi? Nansha kakese! Kadi mikenji ivua mimmanyishe mudi bubi. Bualu tshivua mua kujingulula mudi lukuka, bu mikenji kayiyi miambe ne: “Kualakanyi to.”

Rome 9:14

Nanku netuambe tshinyi? Netuambe ne: Mvidi Mukulu mmuena kansungasunga anyi? Nansha kakese!

1 Korente 6:15

Nudi bamanye ne: mibidi yenu idi bidimba bia mubidi wa Kristu. Ndi mua kuangata tshidimba tshia mubidi wa Kristu, kutshienza tshidimba tshia mubidi wa mukaji muena tshiendenda anyi? Nansha kakese!

2 Korente 1:18

Mvidi Mukulu, udi ne diyi dimue, udi mua kujadika ne: tshiena mua kumulaya bualu mukana, kububenga munda.

Ngalate 2:17

Nanku patudi tuitaba Kristu, bua Mvidi Mukulu atubingishe petu, bidi bimueneka se: tuetu bena Yuda kabidi, tudi benji ba malu mabi, amu bu bantu ba bisamba bikuabu. Nanku Kristu mmuanyishe malu mabi anyi? Nansha kakese!

Ngalate 2:21

Tshiena mubenge bua Mvidi Mukulu annange nansha. Kadi pikala Mvidi Mukulu utubingisha, bualu tudi tukumbaja mikenji, nanku Kristu kavua ne bua kufua nansha.

Ngalate 6:14

Kadi meme tshiena musue kuditambishila ku tshintu tshikuabu, anu ku mutshi mutshiamakane wa Mfumu wetu Yezu Kristu. Bu mudibu bapopele Kristu pa mutshi mutshiamakane, bia panu bionsu mbifue bualu buanyi. Meme kabidi ndi mufue bua bia panu.

Dielulula 32:4

Maweja-Nangila udi ne bukole bu lubuebue. Bionsu bidiye wenza, bidi bimpe. Bidiye wamba, bidi bilelela. Bidiye ulaya, udi ubikumbaja. Udi wenza amu malu mimpe.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

Tite 1:2

Ke mudibu mua kutekemena muoyi wa kashidi, udi Mvidi Mukulu, udi kayi ushima, mudianze kutulaya kumpala kua bidimu bionsu.

Ebrewu 6:18

Kudi malu abidi adibu kabayi mua kushintulula, malu abidi adi Mvidi Mukulu kayi mua kuvila. Nanku malu abidi aa adi atukolesha bikole ku muoyi, bua tumone mua kutekemena ne muoyi mujima bivuabu batulaye.

1 Yone 5:10

Nanku muntu udi witaba Muana wa Mvidi Mukulu, udi ne dijadika adi munda muende. Kadi udi kayi witaba Mvidi Mukulu, udi muvuije Mvidi Mukulu muena dishima, bualu kena witaba bidi Mvidi Mukulu ujadika bualu bua Muanende.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

Didimanyisha 3:7

— Fundila mutumibue wa Tshisumbu tshia bena ditaba ba mu Filadelfiya ne: “Wa Tshijila ne wa diyi dimue, udi mulame nsapi ya mukalenga Davide, ukangula tshiibi, munga muntu kayi mua kukanga; utshikanga, munga muntu kayi mua kutshikangula, udi wamba ne: