Rome 3:22 - MUKANDA WA MYIDI MUKULU

²² Mvidi Mukulu udi ubingisha bantu kumpala kuende amu bua ditaba diabu mu Yezu Kristu. Bonsu badi bitaba Yezu Kristu, udi ubenzela nanku, bualu bonsu badi mushindu umue.

Mukanda wa Nzambi Dihungila Dikulukulu ne Dihungila Dihia-dihia 2003

²² Buakane mene bua Nzambi bua ku ditabusha dia mu Yesu Kilisto kudi bonso badi bamuitabusha; bualu bua kakuena ditahuluka.

Rome 3:22 ပူးပေါင်းရင်းမြစ်များ

Yeshaya 61:10

Ndi ngela Maweja-Nangila tuasakidila muanyi muonsu. Ndi ntumbisha Mvidi Mukulu wanyi ne musangelu, bualu dingambuluisha diende didi bu tshivualu tshidiye umvuadika. Lupandu ludiye untuadila, ludi bu tshinkutu tshidiye umbuikila. Ndi ne disanka bu dia musedianganyi mupiamupia, udi wasa tshifulu tshia tshibilu, nansha bu dia nsongakaji udi ubuela mu dibaka, uvuala bilengejilu biende.

Yirmeya 23:6

Pabuelaye mu bukalenga, kabakukengesha kabidi bena Yuda kudi baluishi babu. Bena Izrayele nebasombe talalaa. Nebinyike mukalenga awu ne: ‘Maweja-Nangila ke musungidi wetu!’ ”

Danyele 9:24

Mbapeshe tshisamba tshiebe ne tshimenga tshia tshijila tshiudi musombe bidimu makumi muanda mutekete, bua bajikije ditomboka diabu, balekele malu mabi, bafuilangane luse, bakose nsambu pa yoyi kashidi. Nanku malu adi Mvidi Mukulu uleja, adi bambi bambe, neakumbane. Nebajidile tshiakabidi nzubu wa Mvidi Mukulu wa tshijila.

Luke 15:22

Kadi tatu kuambila bena mudimu bende ne: “Ambulujayi, tualayi tshilamba tshimpe; numuvuadiketshi. Numuele kakanu ku munu. Numutuadile bisabata, numuelebi.

Bienzedi 11:12

Mueyelu wa Tshijila kungambila bua kuya nabu, tshiyi ngelakana. Bana betu basambombu, bandi mufike nabu apa, kuya kumfila mu Kezareya. Tufika, tuetu kubuela bonsu mu nzubu mua Korneliyuse.

Bienzedi 15:9

mMumushe kansungasunga konsu munkatshi muetu nabu. Ke padiye mujimije mibi yabu, bualu bavua bitaba.

Bienzedi 3:16

Muntu ewu unudi bamona, kabidi bamanye, udi wenda ku bukole bua dina dia Yezu, ne bua ditaba divuaye nadi pa dina adi. Bu muvuaye muitabe Yezu, ke padiye wenda bimpe kashidi, bu munudi bamumona mujukilamu.

Rome 1:17

Bualu Lumu lua Disanka ludi luleja mudi Mvidi Mukulu ubingisha bantu ku mesu kuende, amu bua ditaba nkayadi. Biangatshile ku ntuadijilu too ne ku ndekelu njila wa kulonda udi amu wa ditaba. Bualu Mukanda wa tshijila udi wamba ne: “Udi ubinga ku mesu kua Mvidi Mukulu bua ditaba, neikale ne muoyi.”

Rome 10:12

Nanku kakuena dishilangana pankatshi pa bena Yuda ne bantu ba bisamba bikuabu. Bonsu badi ne Mfumu wa momumue, udi upesha bonsu badi bamubikila bilenga biende.

Rome 10:4

Bualu Kristu mumane kufika. mikenji ya Moshe kayena kabidi njila wa kuya kudi Mvidi Mukulu to. Nanku mpindiewu badi Mvidi Mukulu ubingisha, ke bonsu badi bitaba.

Rome 2:1

Nanku wewe udi ulumbuluisha bakuabu, kuena mubinge, nansha wewe nnganyi ne nnganyi. Bualu paudi ulumbuluisha bakuabu, wenza kabidi malu adibu benza, udi udipisha wewe nkayebe.

Rome 3:30

bualu Mvidi Mukulu udi amu umuepele. Neabingishe bena Yuda amu ku ditaba, ne bantu ba bisamba bikuabu kabidi amu ku ditaba.

Rome 4:16

Nanku Abrahame uvua mupete dilaya amu bua ditaba, bua dikale dipa didi Mvidi Mukulu upa tshianana. Ke padi dilaya edi ne mushinga mu ndelanganyi yonsu ya Abrahame, kadiyi amu bua badi bakumbaja mikenji, kadi kabidi bua badi bitaba Mvidi Mukulu mushindu uvua Abrahame mumuitabe. Abrahame udi tatu wetu bonsu,

Rome 8:1

Nanku mpindiewu kabena bapisha kabidi badi badisanga ne Yezu Kristu.

Rome 9:30

Nenku netuambe bishi? Bantu bavua kabayi bena Yuda, kabayi bakeba kubinga ku mesu kua Mvidi Mukulu, Mvidi Mukulu mmubabingishe kumpala kuende bua ditaba.

1 Korente 12:13

Buonsu buetu, bena Yuda nansha bantu ba bisamba bikuabu, bapika nansha bantu badi benza malu mudibu basue, bavua batutue mu mayi, bua tuetu kuenza mubidi umue ku bukole bua Mueyelu wa Tshijila. Mbatuwuje kabidi bonsu ne Mueyelu umuepele ewu.

1 Korente 4:7

Kadi muudi mua kuditemba bu udi mupite bakuabu mmunyi? Bionsu biudi nabi, kuena mubipete kudi Mvidi Mukulu anyi? Kadi muudi mua kuditemba bua bionsu abi, bu muntu udi mudipetelebi mmunyi?

Ngalate 2:16

Kadi tudi bamanye ne: Mvidi Mukulu udi ubingisha muntu, amu bua padiye witaba Yezu Kristu, ki mbua padiye ulonda mikenji ya Moshe nansha. Ke patuvua bitabe Yezu Kristu, tuetu kabidi bena Yuda, bua Mvidi Mukulu atubingishe bualu bua ditaba dietu mu Kristu, ki mbua patuvua bakumbaje mikenji. Bualu Mvidi Mukulu kakubingisha muntu nansha umue, bua padiye ukumbaja mikenji.

Ngalate 2:20

Nanku udi ne muoyi ki mmeme to. Kadi Kristu udi ne muoyi munda muanyi. Muoyi undi nawu mpindiewu panu, ndi nawu, bualu ndi ngitaba Muana wa Mvidi Mukulu, uvua munnange, mufue kabidi bualu buanyi.

Ngalate 3:22

Kadi Mikanda ya tshijila idi yamba ne: “Bantu bonsu mbapika ba bubi.” Nanku bidi Mvidi Mukulu ulaya, nebabipete amu kudi Kristu, padibu bamuitaba.

Ngalate 3:28

Nanku nansha wewe muena Yuda nansha muntu wa tshisamba tshikuabu, nansha wewe mupika nansha muntu udi udienzela malu mudiye musue, nansha wewe mulume nansha mukaji, ebi bionsu kabiena ne bualu. Nudi nuenza bonsu tshintu tshimue, panudi badisange ne Kristu.

Efeze 3:12

Pamue ne Kristu, utudi tuitaba, tudi mua kusemena kudi Mvidi Mukulu, kumutekemena muetu muonsu.

Filipe 3:9

kudisanga nende tshishiki. Tshitshiena mudiele mulu ne: ndi muntu muimpe, bualu ndi ndama mikenji. Kadi ndi muimpe, bualu ndi ngitaba Yezu Kristu. Bualu Mvidi Mukulu ke udi utubingisha, patudi tuitaba.

Kolose 3:11

Nanku nansha wewe muena Yuda nansha muntu wa bisamba bikuabu, nansha bantu bakuteka panshi nansha kabayi bakuteka, nansha wewe muntu mushidimuke nansha mushadile ku bonsu, nansha wewe mupika, nansha muntu udi udienzela malu mudiye musue, ebi bionsu kabiena ne bualu. Mudi amu Kristu, udi munda mua bonsu, ukuata mudimu mu bionsu.

Yakobe 2:23

Ke miaku ya mu Mukanda wa tshijila kukumbanayi ne: “Abrahame uvua mutekemene kudi Mvidi Mukulu. Ke muvua Mvidi Mukulu mumubingishe bua ditaba diende.” Ke Mvidi Mukulu kumuinyika ne: “Mulunda wanyi.”