Rome 2:7 - MUKANDA WA MYIDI MUKULU

⁷ Bavua bananukila mu dienza dia malu mimpe ke bavua bakeba butumbi, lumu, ne bidi kabiyi bifua. Neabapeshe muoyi wa tshiendelele.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Badi bakeba butumbi ne buneme ne malu adi kâl manyanguka, ku dinanukila diabo mu mudimu muimpe, neabafute muoyo wa tshiendelele.

Rome 2:7 ပူးပေါင်းရင်းမြစ်များ

Yobe 17:9

Badi bamba ne: “Bantu badi bitaba Mvidi Mukulu, bananukile mu njila wabu, badi kabayi ne tshilumbu, bashale amu nanku.”

Misambu 27:14

— Tekemena Maweja-Nangila, kola muoyi, kutekeshi mu maboku, eyowa, tekemena Maweja-Nangila!

Misambu 37:3

Tekemena kudi Maweja-Nangila, enza bimpe, neushale mu ditunga, usombemu talalaa.

Misambu 37:34

Tekemena kudi Maweja-Nangila, ulame lutulu, ukumbaje mikenji yende. Neakuzangike, upete ditunga. Neumone mudiye ubutula bantu babi.

Yezekiyele 18:17

Kena wambuluisha benji ba bibi. Kena usombeshangana makuta bua kuvudija biuma biende ne dipeta dia makasa. Mu tshikosu, udi witaba meyi ne mikandu bimvua muele. Nanku muntu awu kakufua bua bilema bia tatuende to. Bulelela neikale ne muoyi.

Matayi 25:46

Bavua benza bibi aba, nebaye mu dinyoka dia tshiendelele. Bavua benza bimpe, nebaye mu muoyi wa kashidi.

Luke 21:19

Nenupande amu panuikala nunanukila.

Luke 8:15

Kadi bantu bakuabu, bidi bibenzekela bu mudi ntete idi imata mu buloba buimpe. Badi bateleja muaku wa Mvidi Mukulu, bawakidila ne muoyi muimpe, baukumbaja. Bu mudibu bananukila nanku, badi bakuama bimuma.

Yowanane 4:36

Muntu udi unowa ukadi upeta diende difutu. Udi usangisha ntete bua muoyi wa tshiendelele. Nanku udi ukuna ne udi unowa badi basanka popamue.

Yowanane 5:44

Nudi basue kutumbishangana, kadi kanuena nukeba butumbi budi bufuma kudi Mvidi Mukulu nkayende. Munudi mua kuitaba mbishi?

Rome 2:10

Kadi bonsu badi benza bimpe, Mvidi Mukulu neabapeshe butumbi, lumu ne bupole, bangabanga bena Yuda, pashishe bantu ba bisamba bikuabu kabidi.

Rome 6:23

Bualu difutu didi bubi butufuta ke lufu. Kadi dipa didi Mvidi Mukulu utupesha patupu ku luse luende, ke muoyi wa kashidi, patudi tudisanga ne Mfumu wetu Yezu Kristu.

Rome 8:18

Ndi mumone ne: mutudi tukenga lelu emu, katuena mua kumufuanyikija ne butumbi buatupesha Mvidi Mukulu.

Rome 9:23

Butumbi buende bunene uvua musue kuteleja kabidi tuetu bantu badiye ufuila luse, badiye mudianze kulongolola bua tubuele mu butumbi buende.

1 Korente 15:42

Ke bidi bienzeka diba didi bantu babike. Tshidibu bajika ntshintu tshidi tshibola kadi tshidi tshibika netshikale tshia kashidi.

1 Korente 15:50

Bana hetu, ndi njadika ne: bantu badi ne mubidi wa buntu, kabena mua kubuela mu bukalenga bua Mvidi Mukulu. Bidi bibola kabiena mua kupeta bidi bishala kashidi.

1 Korente 15:58

Nenku, bana hetu basuibue, shindamayi bikole, kanunyungi. Tungunukayi amu kutungunuka nuye kumpala. Nutungunuje mudimu wa Mfumu. Numanye ne: mudimu unudi nukuata badisange ne Mfumu kawena wa patupu.

Ngalate 6:9

Tuenze amu malu mimpe, katuyi tupungila, katuyi tuteketa mu maboku. Nanku pakumbana tshikondu, netunowe.

Efeze 6:24

Dinanga dia Mvidi Mukulu dikale munda mua bonsu badi bananga Mfumu wetu Yezu Kristu, dibafikisha ku muoyi wa kashidi.

Kolose 1:27

Mvidi Mukulu uvua musue kubamanyisha meji masokome mimpe, a mushinga mukole, adiye nawu bualu bua bantu bonsu. Adi nunku: Kristu udi munda muenu. Bualu buende nudi mua kutekemena ne: netudisange ne Mvidi Mukulu mu butumbi buende.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

2 Timote 1:10

Kadi mpindiewu mmutuleje dinanga diende patoke, padi Musungidi wetu Yezu Kristu mumueneke. Bualu Yezu Kristu mmushipe bukole bua lufu, mutumanyishe Lumu lua Disanka lua muoyi wa kashidi.

Ebrewu 2:7

Udi mumupuekeshe kuinshi kua batumibue bebe, wewe kumupa butumbi ne lumu,

Ebrewu 6:12

Katuena basue bua nuikale bena lulengu, kadi nulonde tshilejilu tshia badi bitaba, bananukila ne lutulu, bapeta tshivua Mvidi Mukulu mulaye.

Ebrewu 6:15

Abrahame kuindila ne lutulu. Ke muvuaye mupete tshivua Mvidi Mukulu mumulaye atshi.

1 Yone 2:25

Tshivua Kristu mene mulaye bua kutupa, ke muoyi wa kashidi.