Rome 2:5 - MUKANDA WA MYIDI MUKULU

⁵ Kadi udi ne muoyi mupape. Kuena musue kudilengeja. Ke muudi udikebela dinyoka dipite bunene, dituku diamueneka tshiji tshia Mvidi Mukulu, diakosaye nsambu pa yoyi.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Bualu bua tshitshu tshiebe ne mutshima webe wa buhidia, wewe udi udibutshila tshishi tô ne ku dituku dia tshishi ne dia dibuluibua dia kulumbulula kuakane kua Nzambi.

Rome 2:5 ပူးပေါင်းရင်းမြစ်များ

2 Kulondolola 30:8

Kanuenji buenzayi bua bankambua benu to. Itabayi Maweja-Nangila, pinganayi muaba wende wa tshijila uvuaye mujidile bua kashidi. Nushale bantu ba Maweja-Nangila Mvidi Mukulu wenu. Nanku bu muvuaye munufikile munda bikole, tshiji tshiende netshituye.

2 Kulondolola 36:13

Mukalenga Nebukadnesare uvua mulombe mukalenga Sedekiya bua amuitabe, aditshipe, atele dina dia Maweja-Nangila. Kadi, nansha Nebukadnesare muenze nanku, Sedekiya uvua amu mumutombokele. Uvua ne tshitunu, mubenge mushidishe, kayi musue kupingana kudi Maweja-Nangila Mvidi Mukulu wa bena Izrayele.

Yobe 21:30

Padi dikenga difika, kadiena dikuata muena malu mabi. Tshiji tshia Mvidi Mukulu katshiena tshimulenga to.

Misambu 110:5

Maweja-Nangila udi ku diboku diebe dia balume. Neazaze bakalenga dituku dikalaye ne tshiji,

Misambu 95:8

“Kanubengi mua kumvua, bu muakenza bankambua benu ku Meriba, diba dia bualu buvua buenzeka ku Masa mu tshipela.

Ekesode 14:17

Nempeshe bena Ejipitu muoyi mukole wa tshitunu bua banulonde. Pashishe meme nendeje butumbi buanyi. Nembutule mukalenga wa bena Ejipitu ne tshiluilu tshiende tshijima, matempu ne badi babanda pa tubalu.

Ekesode 32:34

Wewe ndaku, ufikishe bantu muaba umvua mukuambile, mutumibue wanyi neakulombole. Kadi diba dingafika, ndi ne bua kubanyoka bikole bua tshilema tshidibu benza etshi.

Ekesode 8:15

Benji ba bilengulengu bamone nanku, kuambilabu mukalenga wa bena Ejipitu ne: — Ebi bidi bienzeka ku bukole bua Mvidi Mukulu. Kadi mukalenga wa bena Ejipitu uvua anu ne tshitunu. Kubengaye diyi dia Moshe ne Arone bu muvua Maweja-Nangila mudianjile kuamba.

Nsumuinu 1:18

Kadi bantu ba nanku badi baditeya nkayabu; bifufu biabu neabenzele bobu mene bibi.

Nsumuinu 11:4

Biuma kabiena bituambuluisha dituku didi Mvidi Mukulu ukosa nsambu. Amu udi ulamata Mvidi Mukulu ke udi upanduka ku lufu.

Nsumuinu 28:14

Muntu udi utshina kuenza bibi udi ne diakalenga. Muntu udi upapisha muoyi wende neapete dikenga.

Nsumuinu 29:1

Muntu udi uteka mutu mukole padibu bamubela, dimue neabutuke kakuyi tshidi tshikandika.

Muambi 12:14

Bualu Mvidi Mukulu nealumbuluishe muntu yonsu pa malu ende onsu, nansha mempe nansha mabi, nansha masokome mene.

Yeshaya 48:4

Kadi ndi mukumanye, muudi muena tshitunu, muudi tshisamba tshidi tshitomboka, tshisamba tshia mutu mukole bu tshiamu.

Yirmeya 40:3

Mpindiewu Maweja-Nangila mmuenze tshionsu tshivuaye mumanyishe, bualu nuvua bena tshibawu. Kanuvua bitabe tshivuaye munuambile. Ke padi malu awu onsu manuenzekele.

Yezekiyele 11:19

Nennupeshe bonsu muoyi wa mushindu umue. Nembueje munda muenu lungenyi lupialupia. Nengumushe muoyi unudi nawu mupape bu dibue. Nennupingajile muoyi wa kalolu.

Yezekiyele 3:7

Kadi bena Izrayele kabena mua kukuteleja to. Bualu kabena basue kunteleja meme. Badi bantu ba tshitunu, badi ne muoyi mupape.

Danyele 5:20

Kadi tatuebe kuditambisha, kuwula tente ne kapetu. Nanku bakamumbusha mu nkuasa wende wa bukalenga, kumunyenga ne lumu luvuaye nalu.

Osheya 13:12

Buenzayi bua bena Efrayime, mbamane kubufunda. Bimanyinu bia bubi buabu, mbiteka muaba musunguluke.

Amosa 3:10

Maweja-Nangila udi wamba ne: “Bena Samariya kabena bamanye kuenza bualu buimpe nansha bumue. Badi bunguija mu nzubu yabu ya bukalenga, biuma bipeta mu buivi ne dishipangana.”

Rome 1:18

Bualu Mvidi Mukulu udi ufikila munda mu diulu, bua bubi buonsu ne malu mabi onsu, bidi bantu benza ku buenzavi buabu, bakandika bulelela bua kabukuatshi mudimu pa wowu.

Rome 11:25

Bana hetu, telejayi bualu bulelela busokome, bundi musue kunumanyisha, bua kanudiangatshi bu bena meji. Bena Izrayele bakuabu mbapapishe muoyi wabu. Kadi bualu ebu nebatungunuke amu too ne padi bisamba bikuabu bionsu bimane kupeta lupandu.

Rome 9:22

Bushuwa Mvidi Mukulu uvua musue kuleja tshiji tshiende, ne kumanyisha bantu bukole buende. Kadi uvua muanji kulengulula ne lutuulu luvule bantu bavuaye mufikile munda, bakafua bakumbanyine kubutuka.

2 Korente 5:10

Bualu bonsu tudi ne bua kumueneka kumpala kua Kristu, bua atulumbuluishe. Diba adi muntu yonsu udi ne bua kupeta bidiye ne bua kupeta bilondeshile malu, nansha mimpe nansha mabi, avuaye muenze patshivuaye mu mubidi wende.

Dielulula 2:30

Kadi mukalenga Sihone ewu kubenga bua tuetu kupitshila mu ditunga diende. Maweja-Nangila kumupesha muoyi wa tshitunu, bua numone mua kumunyenga ditunga dinudi mpindiewu.

Dielulula 32:34

Meme ndi Maweja-Nangila, teleja tshindi ndongolola mu musokoku, bua kukengesha baluishi benu.

2 Tesalonike 1:5

Ebi bionsu bidi bileja mudi Mvidi Mukulu ukosa nsambu pa yoyi, bualu makenga onsu aa neanuakaje, bua numone mua kubuela mu Bukalenga buende budibu banukengesha.

Ebrewu 3:13

Kadi nukoleshangane ku muoyi dituku dionsu. Bidi Mikanda ya tshijila yamba bitshidi bilelela buetu tuetu “lelu.” Nenku muntu wa kunudi, kapapiji muoyi wende, kanyishi bua mibi imudinge.

Ebrewu 3:15

Bualu Mukanda wa tshijila udi wamba ne: “Lelu panudi numvua diyi dia Mvidi Mukulu, kanupapiji mioyi yenu, bu tshikondu tshinuvua bamutombokele.”

Ebrewu 4:7

Ke padi Mvidi Mukulu mujadike tshiakabidi dituku didiye ubikila ne: “lelu.” Uvua muteke dituku edi kunyima kua bidimu bivule mukana mua Davide, mu miaku itukavua bamane kufunda kulu ne: “Lelu, panudi numvua diyi dia Mvidi Mukulu, kanupapiji mioyi yenu.”

Yakobe 5:3

Biamu bienu bia mpawungi, ne biamu bienu bitoke bia mushinga mukole mbikuate dimoma. Dimoma edi nedinupishe, dioshe mubidi wenu bu kapia. Tukadi matuku a nshikidilu. Nutshidi amu nukungija biuma!

Yoshua 11:20

Bualu Maweja-Nangila uvua usonsola bena ditunga adi bua bapete muoyi wa mvita, baluisha bena Izrayele. Ke muvua bena Izrayele ne bua kushipa bena ditunga adi, kabayi babafuila luse to, kubabutula bonsu butubutu, bu muvua Maweja-Nangila nkayende muambile Moshe.

2 Petro 2:9

Bualu Mfumu udi mumanye mua kupatula mu makenga bantu badi bamutumikila. Udi mumanye kabidi mua kulama bantu badi benza bibi, bua kubanyoka dituku dia kubalumbuluisha.

2 Petro 3:7

Kadi diulu ne buloba bia lelu bitshidiku, bualu Mvidi Mukulu mmubilame ku muaku wende awu. Kadi dituku didiye ulumbuluisha bantu, nebibutuke mu kapia, pamue ne bena buenzavi.

Yuda 1:6

Nuvuluke muvua batumibue ba Mvidi Mukulu bapetula muanzu uvuabu bapete, kabidi muvuabu bapatuka muaba uvuabu basombe. Ke mudi Mvidi Mukulu ubalama, basuika nkanu ya kashidi, mu miidima ya mu kandondu ka buloba, bua amone mua kubalumbuluisha dituku dinene dia Tshilumbuluilu.

Didimanyisha 2:21

Mvua muanji kumutangila mutantshi, bua adilengeje. Kadi kena musue kulekela malu ende a bundu to.

Didimanyisha 6:17

Bualu dituku dinene dia tshiiji tshiabu ndimane kufika. Udi mua kubafuila nkanana nnganyi?”

1 Samuele 6:6

Kanuenji tshitunu bu muvuabu benza kudi mukalenga wa bena Ejipitu ne bantu bende. Nuvuluke muvua Mvidi Mukulu ewu mukengeshe bena Ejipitu, too ne muavubu kuanyisha bua bena Izrayele bapatuke ku bupika.