Rome 2:27 - MUKANDA WA MYIDI MUKULU

²⁷ Muntu udibu kabayi bateke panshi mu mubidi wende, kadi udi ukumbaja mikenji, neakulumbuluishe wewe udi kuyi ukumbaja mikenji, nansha wewe mumanye mikenji ivuabu bafunde, nansha bamane kukuteka panshi mene.

Mukanda wa Nzambi Dihungila Dikulukulu ne Dihungila Dihia-dihia 2003

²⁷ Udi kai mutengula bu mu tshilele, bienzeye mikenshi, kena ukuhisha wewe, udi mushihi wa mikenshi ne mei a mikenshi ne ditengula, anyi?

Rome 2:27 ပူးပေါင်းရင်းမြစ်များ

Matayi 3:15

Kadi Yezu kumuandamuna ne: — Kuanji kubenga to. Tuetu benze bionsu ebi, netukumbaje tshidi Mvidi Mukulu ulomba. Nanku Yowanane kuanyisha.

Bienzedi 13:22

Mvidi Mukulu mumane kubenga Shawule, kutekaye Davide, bua ikale mukalenga wabu. Mvidi Mukulu kuamba ne: “Ndi musungule Davide, muana wa Ishayi, muntu wa pa muoyi wanyi. Neakumbaje bionsu bindi musue.”

Rome 13:10

Muntu udi unanga mukuabu, kena umuenzela bualu bubi nansha bumue. Patudi tunangangana, tudi tukumbaja mikenji yonsu mu bujima buayi.

Rome 2:15

Badi baleja mudi malu adi mikenji yamba mafunde mu mioyi yabu. Kondu kabu ka munda kabidi kadi kabamanyisha nanku. Meji adibu bela adi abaleja misangu idibu benza bimpe, ne misangu idibu benza bibi.

Rome 2:20

muudi muludiki wa badi kabayi bamanye malu, mulongeshi wa bana. Bualu udi mujadike ne: pandi mumanye mikenji ya Mvidi Mukulu, ndi mumanye malu onsu anu mudiwu mu bulelela.

Rome 2:25

Paudi utumikila mikenji, dikuteka panshi nedikuambuluishe. Kadi paudi kuyi utumikila mikenji, udi amu bu muntu udibu kabayi bateke panshi.

Rome 2:26

Pikala muntu uvuabu kabayi bateke panshi, utumikila mikenji, Mvidi Mukulu kena mua kumulumbuluisha bu muntu uvuabu bateke panshi anyi?

Rome 2:29

Kadi muena Yuda mulelela ke udi muena Yuda mundamunda muende, ke udibu bateke panshi mu muoyi wende. Mbamuteke nanku kudi Mueyelu wa Mvidi Mukulu, kabiyi bilondeshile mikenji mifunda nansha. Muena Yuda wa bushiwa awu neapete lumu luende kudi Mvidi Mukulu, ki nkudi bantu to.

Rome 3:30

bualu Mvidi Mukulu udi amu umuepele. Neabingishe bena Yuda amu ku ditaba, ne bantu ba bisamba bikuabu kabidi amu ku ditaba.

Rome 8:4

Mvidi Mukulu uvua muenze nanku, bua tukumbaje bidi mikenji itufundila, tuetu badi kabayi balonda kabidi bidi buntu buetu bujinga, kadi bidi Mueyelu wa Tshijila musue.

1 Korente 7:19

Nansha bakuteke panshi, nansha kabayi bakuteke panshi, ki mbualu to. Tshidi ne bualu nkutumikila mikenji ya Mvidi Mukulu.

2 Korente 3:6

Bualu Yeye mmutuenze bena mudimu ba ndondu mupiamupia. Mu ndondu awu, Mvidi Mukulu kena mutupe mikenji idibu bafunde nansha, kadi mmutupe Mueyelu wende. Mikenji idibu bafunde idi itufikisha ku lufu, kadi Mueyelu udi utufikisha ku muoyi.

Ngalate 5:14

Bualu paudi “unanga muntu nebe, bu muudi mudinange,” udi ukumbaja mikenji yonsu.

Efeze 2:11

Kabavua banulele bena Yuda. Bena Yuda bavua banuamba ne: “ki mbabateke panshi.” Kadi bobu mene bavua babateka panshi amu mushindu udi bantu batekangana panshi. Nenku, vulukayi munuvua kale.

2 Timote 3:15

Bualu bituadije ku buana buebe, udi mumanye Mikanda ya tshijila, idi mua kukupa meji adi mua kukufikisha ku lupandu, paudi witaba Yezu Kristu.

Ebrewu 11:3

Ku ditaba ke kutudi bajadike ne: bintu bionsu mbabifuke ku muaku wa Mvidi Mukulu. Nanku bitudi tumona mbifume ku bitudi katuyi tumona.