Rome 2:25 - MUKANDA WA MYIDI MUKULU

²⁵ Paudi utumikila mikenji, dikuteka panshi nedikuambuluishe. Kadi paudi kuyi utumikila mikenji, udi amu bu muntu udibu kabayi bateke panshi.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ Bua ditengula didi dikukuatshisha biwikala wenza mikenshi; kadi biwikala mushihi wa mikenshi, ditengula diebe diakulua bu kadi ditengula.

Rome 2:25 ပူးပေါင်းရင်းမြစ်များ

Yirmeya 4:4

Bu mudibu bamane kunuteka panshi, nuikale kabidi nanku mu mitshima yenu, bualu buanyi meme Maweja-Nangila. Nuenu bena Yuda, nuenu bena Yerushalayime, nuikale bantu ba tshijila, badi banyi meme Maweja-Nangila. Nuenu kanuyi benze nanku, tshiji tshianyi netshiteme bu kadilu bua buenzavi buenu. Nekabutule bintu bionsu. Kakuena muntu udi mua kujima kapia aku.

Bienzedi 7:51

Nuenu bantu ba mutu mukole, ba muoyi mupape, kanuena nuitaba ku lubila lua Mvidi Mukulu! Nudi amu nutombokela Mueyelu wa Tshijila! Muvua bankambua benu benza, ke munudi nuenza amu!

Rome 2:13

Bualu bantu badi basankisha Mvidi Mukulu ki mbadi bateleja mikenji patupu, kadi amu badi batumikila bidiyi ibafundila.

Rome 2:23

Udi uditambisha, bualu udi mumanye mikenji. Kadi kuena unemeka Mvidi Mukulu, paudi wenza bidi mikenji ibenga!

Rome 2:26

Pikala muntu uvuabu kabayi bateke panshi, utumikila mikenji, Mvidi Mukulu kena mua kumulumbuluisha bu muntu uvuabu bateke panshi anyi?

Rome 2:27

Muntu udibu kabayi bateke panshi mu mubidi wende, kadi udi ukumbaja mikenji, neakulumbuluishe wewe udi kuyi ukumbaja mikenji, nansha wewe mumanye mikenji ivuabu bafunde, nansha bamane kukuteka panshi mene.

Rome 2:28

Bualu muena Yuda wa menemene, ki mmuntu udi umueneka amu bu muena Yuda nansha; ki ngudibu bateke panshi mu mubidi wende, amu mushindu udi bantu mua kumona to.

1 Korente 7:19

Nansha bakuteke panshi, nansha kabayi bakuteke panshi, ki mbualu to. Tshidi ne bualu nkutumikila mikenji ya Mvidi Mukulu.

Ngalate 6:13

Bantu aba badi batekangana panshi, kabena balonda mikenji mikuabu. Badi basue bua banuteke panshi, bua bamone mua kuditambisha ne: tuetu ke bavua babenzeje nanku.

Ngalate 6:15

Nansha bakuteke panshi, nansha kabayi bakuteke panshi, kabiena ne bualu. Tshikole Mvidi Mukulu anuenze bantu bapiabapia.

Dielulula 30:6

Maweja-Nangila Mvidi Mukulu wenu nkayende nealengeje mioyi yenu, ne ya ndelanganyi yenu, bua numunange ne muoyi mujima, ne bukole buenu buonsu, bua nuenu kushala ne muoyi.