Rome 2:22 - MUKANDA WA MYIDI MUKULU

²² Udi wamba ne: kanuena mua kuenda buendenda. Kadi wewe udi wenda buendenda bua tshinyi? Udi upepeja nwidie, kadi udi wiba bidi mu nzubu ya nwidie bualu kaayi?

Mukanda wa Nzambi Dihungila Dikulukulu ne Dihungila Dihia-dihia 2003

²² Wewe udi ubambila ne, kanuendi masandi, udi wenda masandi, anyi? Wewe udi ukenuka mpingu, udi uhaula bia mu ntempelo, anyi?

Rome 2:22 ပူးပေါင်းရင်းမြစ်များ

Misambu 50:17

Kuena muanyishe mibelu yanyi. Udi ubenga bindi ngamba.

Yirmeya 5:7

Wewe Yerushalayime, ndi ne bua kukufuila luse bua tshinyi? Bana bebe mbambenge. Badi batela mvidie ya tshianana padibu baditshipa. Meme kubapesha bintu bionsu bua badie bukute. Kadi bobu kuenda anu tshiendenda. Badi basomba diba dionsu anu mu nzubu wa mukaji muena tshiendenda.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Yezekiyele 22:11

Banga badi banyanga nzubu wa bende pa kuangata mukaji wa bende. Bakuabu badi bangata ku bukole mukaji uvua muana musele; nansha bana babu ba bakaji ba tatuabu, nansha ba mamuabu, benda nabu tshiendenda.

Malaki 1:14

Muntu udi ne nyama mimpe mu bimuna biende, undaya nyama muimpe, kadi undinga, undambula nyama udi ne tshilema, mmuena diakabi. Bualu meme ndi mukalenga munene udi bisamba bionsu bitshina. Meme Maweja-Nangila wa bukole buonsu udi njadika nanku.

Malaki 1:8

Panudi nundambula nyama mufofame mesu, utebuka, nansha usama, nudi nuenza bimpe anyi? Meme Maweja-Nangila wa bukole buonsu ndi nnukonka ne: Nuenu balambule mulombodi wa buloba nyama wa mushindu ewu, udi mua kusanka anyi? Neanusankishe pende anyi?

Malaki 3:8

Ndi nnuandamuna ne: ‘Panudi nudinga Mvidi Mukulu, nudi nuenza bimpe anyi? Kadi nuenu nudi amu nundinga!’ Nudi nunkonka ne: ‘Tudi tukudinga munyi?’ ‘Nudi nundinga mu tshia dikumi tshia binudi nupeta, ne mu milambu.

Matayi 12:39

Yezu kubandamuna ne: — Bena lelu mbantu babi, badi batombokela Mvidi Mukulu! Kadi badi amu balomba tshishima! Kadi kabena babenzela tshishima nansha. Nebabaleje amu tshishima tshia muambi Yona.

Matayi 16:4

Bena lelu, nansha bobu bantu babi, badi kabayi bitaba Mvidi Mukulu, badi amu balomba tshishima. Kadi kabakubaleja tshishima tshikuabu to, amu tshia Yona. Yezu kubashiya nanku, kuya.

Marke 11:17

Pashishe kubalongeshaye wamba ne: — Mu Mukanda wa tshijila mbafunde ne: “Nebabikile nzubu wanyi ne: nzubu udi bantu ba bisamba bionsu mua kutendelela.” Kadi nuenu nudi bamuenze muaba udi bivi mua kusokomena!

Bienzedi 19:37

Nudi bavue ne bantu aba: ki mbapawule nzubu yetu ya nwidie, kabena nansha bapepeja nwidie mukaji wetu.

Rome 12:9

Udi ne dinanga, kikadi ne mpala ibidi. Abenge malu mabi, ananukile ne dienza dia malu mimpe.

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.