Rome 15:14 - MUKANDA WA MYIDI MUKULU

¹⁴ Bana hetu, meme mene ndi mushindike ne: nudi bena muoyi muimpe. Nudi bamanye bionsu binudi ne bua kumanya. Nudi ne bukole kabidi bua kubelangana nkayenu.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Ne meme bianyi kabidi, bana betu, ndi ngitabushishibua ne, Nuenu mene nudi bûle tente ne buimpe, bûshibua tente ne lungenyi luonso, nudi bamanye mua kudimushangana.

Rome 15:14 ပူးပေါင်းရင်းမြစ်များ

1 Korente 1:5

Bualu panudi badisange ne Kristu, nudi bapete mapa onsu, nangananga dipa dia kumanya malu onsu, ne dia kualongesha.

1 Korente 12:8

Muntu kampanda udi upeta kudi Mueyelu dipa dia kuakula ne meji. Mukuabu udi upeta kudi Mueyelu wa momumue dipa dia kuakula bilondeshile dimanya diende.

1 Korente 13:2

Nansha meme ne dipa dia kumanyisha bantu malu avua Mvidi Mukulu mungambile, nansha meme mumanye malu onsu, ne adi masokome menemene, nansha meme ne ditaba dia mua kutentemuna nadi mikuna, meme tshiyi ne dinanga, ndi tshianana.

1 Korente 8:1

Tuyayi ku lukonku lunuvua bangele bua minyinyi ivuabu balambule mvidie: Ndi ngitaba binudi nuamba ne: “Bonsu tudi bamanye malu.” Kadi dimanya edi didi diela muntu mulu. Amu dinanga didi dibakolesha mu ditaba.

1 Korente 8:10

Bualu muntu udi ne ditaba ditekete, udi mua kukumona wewe, udi wamba ne: ndi mumanye malu, udia mu nzubu wa kutendelela mvidie. Diba adi kuena umusaka bua adie munyinyi uvuabu balambule, udi kondu kende ka munda kabenga anyi?

1 Korente 8:7

Kadi bantu bonsu kabena bamanye bualu ebu to. Bamue badi bibidile ditendelela mvidie. Nanku too ne ku lelu, padibu badia minyinyi eyi, badi amu bela meji ne: tudi tunemeka mvidie ayi. Ke mudi kondu kabu ka munda kabapisha, padibu badia tshiakudia tshia nanku.

2 Korente 8:7

Nudi babanji mu bionsu: mu ditaba, mu dipa dia kuakula, mu dimanya dia malu, mu disuminyina dia mishindu yonsu, mu dinanga dinudi batunange nadi. Ke mutudi basue bua nudileje kabidi babanji mu dienza dia mudimu ewu wa kalolu.

Efeze 5:9

Bualu amu ku butoke, ke kudi kupatuka bulenga, buakane, ne bulelela, bua mishindu yonsu.

Filipe 1:11

Diba adi amu malu enu mimpe, avua Yezu Kristu muenze nenu, bua kutumbisha ne kunemeka Mvidi Mukulu, neikale biuma bienu.

Filipe 1:7

Ndi ngenda nenu bonsu mu muoyi. Nanku bindi ngumvua bualu buenu bidi amu pa bualu. Nansha lelu mundi mu lukanu, nansha diba dimvua ndumbuluila Lumu lua Disanka, njadika bulelela bualu, nudi amu nudisanga nanyi mu dinanga divua Mvidi Mukulu mundeje.

Kolose 3:16

Muaku wa Kristu wase miji munda muenu muawu muonsu mudiwu. Longeshanganayi, belanganayi, ne meji onsu anudi nawu. Ne muoyi wenu mujima, imbilayi Mvidi Mukulu misambu, mitendu ne tusala, mudi Mueyelu wa Tshijila unusaka, kabidi ne muoyi wa dianyisha.

1 Tesalonike 5:11

Nanku nukoleshangane ku muoyi, nuambuluishangane, anu munukadi nuenza amu.

1 Tesalonike 5:14

Bana hetu, tudi tunusengelela ne: belayi bena lulengu. Kankamikayi bena buowa, ambuluishayi badi kabayi ne dikanda, ikalayi ne lutuulu kudi bantu bonsu.

2 Tesalonike 1:11

Ke patudi tunulombela, katuyi tupungila. Tudi tulomba Mvidi Mukulu wetu, bua anuenze bantu bakanyine muoyi udiye munubikidile. Tudi tulomba bua akumbaje ku bukole buende bilenga bionsu binudi nuipatshila, ne malu mimpe onsu adi ditaba dienu dinusaka bua kuenza.

2 Timote 1:5

Ndi mvuluka ditaba diebe, didi kadiyi ne lubombu. Kakuebe wa bakaji Loyize, ne mamuebe Enike, bakavua nadi kumpala kuebe. Ndi mushindike ne: wewe kabidi udi nadi.

Filemone 1:21

Pandi nkufundila apa, ndi mujadike ne: newenze tshindi mukulombe. Ndi mumanye ne: neutshikumbaje, upitshishe kabidi.

Ebrewu 5:12

Matuku a bungi mmamane kupita, nukavua mua kuikala balongeshi. Kadi nutshidi nukengela banulongeshe malu a kumpala a miaku ya Mvidi Mukulu. Pa mutu pa kudia biakudia bikole, nutshidi nukengela kunua mabele.

Ebrewu 6:9

Kadi, bana hetu basuibue, nansha tuakula nanku, tudi batekemene bikole kunudi, bamanye ne: nudi nuenda mu njila muimpe wa lupandu.

2 Petro 1:12

Ke pandi nnuvuluija malu aa matuku onsu, nansha nuenu bamane kuamanya, bashindame mu bulelela bunudi bapete.

1 Yone 2:21

Nanku tshiena nnufundila, bualu nudi bapange bulelela to. Ndi nnufundila, bualu nukadi babumanye. Nudi bamanye kabidi ne: bulelela kabuena mua kulela dishima nansha dimue.