Rome 13:9 - MUKANDA WA MYIDI MUKULU

⁹ Bualu mikenji ya ne: “Kuendi buendenda, kushipi muntu, kuibi, kualakanyi tshintu tshia mukuenu,” ne mikuabu yonsu idi nudisange mu mukenji umuepele udi wamba ne: “Nanga mukuenu, muudi udinanga.”

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua mikenshi ei ne, Kuendi masandi, kushihi muntu, kuibi, kukumi mutshima kudi bintu bia makuabo, ne bikalaku mukenshi wonso mukuabo, wowo udi musungulula mu dî edi ne, Sua mukuenu bu mûdi mudisue.

Rome 13:9 ပူးပေါင်းရင်းမြစ်များ

Lewitiki 19:18

Kanudisombuedi ne bana benu, kanujilanganyi nabu. Muntu yonsu wa kunudi anange muanabu, bu mudiye mudinange. Bualu Meme ndi Maweja-Nangila.

Lewitiki 19:34

Kadi, nusombe nende bu muena ditunga. Numunange, munudi nudinanga. Nuvuluke ne: nuvua benyi mu ditunga dia Ejipitu. Meme ndi Maweja-Nangila Mvidi Mukulu wenu.

Matayi 22:39

Mukenji muibidi, wa bunene bua momumue, udi nunku: “Unange mukuebe, bu muudi mudinange wewe.”

Marke 10:19

Udi mumanye mikenji ya ne: “Kushipi muntu; kuendi buendenda; kuibi; kuena mua kushiminyina muntu bualu; kuangatshi bintu bia bantu bakuabu ku dishima; unemeke tatuebe ne mamuebe.”

Marke 12:31

Mukenji muibidi udi ne: “Unange muntu nebe bu muudi mudinange wewe mene.” Kakuena mukenji mukuabu udi mupite mikenji ibidi eyi nansha.

Luke 10:27

Muntu awu kumuandamuna ne: — “Nanga Maweja-Nangila Mvidi Mukulu webe muebe muonsu, ne muoyi webe mujima, ne bukole buebe buonsu, kabidi ne lungenyi luebe luonsu. Nanga kabidi mukuebe muudi mudinange wewe mene.”

Luke 18:20

Udi mumanye meyi ne mikandu: “Kubueledi mukaji wa bende mu nzubu, kushipi muntu, kuibi, kushiminyinyi muntu bualu, unemeke tatuebe ne mamuebe.

Ngalate 5:13

Bana hetu, Mvidi Mukulu mmunubikile, bua nudisunguile tshinudi basue kuenza. Tshiena musue kuamba ne: nudisunguile amu majinga mabi adi anusankisha mu buntu buenu. Kadi nunangangane, nuambuluishangane.