Rome 13:6 - MUKANDA WA MYIDI MUKULU

⁶ Ke panudi nufuta bitadi, bualu bena mbulamatadi badi babilambuisha badi bakuatshila Mvidi Mukulu mudimu, bakeba kukumbaja bimpe mudimu wabu ewu.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bua bualu ebu nudi nulambula kabidi; bua bobo badi bakuatshi ba mudimu ba Nzambi balamata ku muanda eu mene.

Rome 13:6 ပူးပေါင်းရင်းမြစ်များ

2 Samuele 8:5

Pashishe bena Siriya ba mu Damase, kufika bua kuambuluisha Adadezere mu mvita. Kadi Davide kubatshimunaye kabidi. Kushipaye bantu ba kudibu binunu makumi abidi ne bibidi.

1 Kulondolola 18:14

Davide kushala mukalenga wa bena Izrayele bonsu. Uvua ulongolola malu amu bimpe, kayi ne kansungansunga.

Ezela 4:13

Kadi, Mukalenga, umanye ne: padi bena tshimenga etshi batshiasulula, babandisha bimana biatshi, nebalekele kulambula bitadi, nansha biobi bia mushindu kaayi. Nanku nebakepeshe bikole bungi bua biuma bidi bibuela mu mushete wa mukalenga munene.

Ezela 4:20

Ku kale mu tshimenga amu muvua bakalenga ba bukitu bavua balombola buloba bujima buvua ku luseke ludi diba dibuelela lua musulu wa Perate. Bavua balambuishamu bitadi, bafutshisha milambu mishilangane.

Ezela 6:8

Ndi nnuambila bua nuambuluishe bakulu ba bena Yuda bua kuenzulula nzubu wa Mvidi Mukulu. Nuikale nubafuta makuta onsu, pa bionsu bidibu batula bua nzubu ewu, bua mudimu uye anu kumpala. Makuta awu nga mu mushete wa bubanji bua mukalenga, anudi nupeta ku bitadi bidi bantu balambula mu buloba buenu.

Nehemya 5:4

Bakuabu bavua bamba ne: “Bua kulambula mukalenga wa bakalenga tshitadi, tudi ne bua kueyeka madimi etu, mionji yetu ya mvinyo, bua kupeta makuta.

Luke 23:2

Kutuadijabu kumusonguela kua Pilate, bamba ne: — Tudi basangane muntu ewu upambula bena ditunga. Udi ukandika bantu ne: kanufutshi tshitadi tshia mukalenga wa bakalenga. Udi udiamba kabidi ne: ndi Kristu, mukalenga wa ditunga.

Rome 12:8

Udi ne dipa dia kukolesha bakuabu ku muoyi, abakoleshe. Udi ne dipa dia kupa bakuabu bilenga bidiye nabi, abipeshangane ne kalolu konsu. Udi ulombola, alombole ne muoyi muimpe. Udi wambuluisha bakengi, abambuluishe ne musangelu.

Rome 13:5

Ke mutudi ne bua kutumikila bamfumu. Katuenji nanku amu bua Mvidi Mukulu alekele kutunyoka nansha. Kadi kondu ketu ka munda kabidi katusake ku dienza dia malu mimpe.

Rome 13:7

Nulambuile bonsu binudi ne bua kubalambuila. Nulambule tshitadi kudi udi utshilambuisha. Nufute binudi ne bua kuhita. Nutshine unudi ne bua kutshina. Nunemeke unudi ne bua kunemeka.