Rome 13:12 - MUKANDA WA MYIDI MUKULU

¹² Butuku bukadi butshia. Munya ukadi pabuipi ne kutema. Nanku tubenge midimu idibu benza mu miidima. Tuvuale bia mvita bitudi mua kuluangana nabi mu munya.

Mukanda wa Nzambi Dihungila Dikulukulu ne Dihungila Dihia-dihia 2003

¹² Butuku budi buamba kutshia, munya wakusemena ha buihi, nunku tuvule bienzedi bia midima, tuluate bintu bia nvita bia munya.

Rome 13:12 ပူးပေါင်းရင်းမြစ်များ

Musambu wa Solomo 2:17

Ku dilolu padi panshi patalala, kuisu kutuadija kufiika, neupingane kundi, munanga wanyi. Unyeme lubilu bu kabuluku, nansha bu ngulungu muana, udi usomba mu mikuna mipanduluke.

Yeshaya 2:20

Dituku adi, mpingu ya tshiamu tshitoke ne tshia mpawungi, ivua bantu basonge bua kuyitendelela, nebayelele mpuku ne tupulukusu.

Yeshaya 30:22

Nenutangile mpingu, inudi balamike tshiamu tshitoke tshia mushinga mukole, nansha tshia mpawungi. Nenuyimanshe bu bintu bidi bipia mikiya. Nenuele lubila ne: “Umushayi bintu bibi ebi.”

Rome 13:14

Vualayi amu Mfumu wetu Yezu Kristu, numufuane. Kanusumpakanyi bua kusankisha buntu buenu ne bijingajinga biabu.

1 Korente 10:11

Makenga awu avua mabakuate bua kutulongesha bualu. Bayua batufundilewu bua kutubela. Bualu tudi mu tshikondu tshia nshikidilu.

1 Korente 7:29

Bana hetu, ndi musue kuamba nunku: matuku mmashale makese. Kutuadijila mpindiewu, bantu badi basele, basombe bu badi kabayi ne bakaji;

2 Korente 10:4

Bia mvita bitudi uluangana nabi, kabiena bia bantu ba panu. Kadi bidi bia mvita bikole bitudi bapete kudi Mvidi Mukulu, bitudi mua kubutula nabi nzubu ivuabu bakoleshe ne bimana. Tudi tu-vingutula nabi meji a dishima.

2 Korente 6:7

ku malu atudi tulongesha amu pa wowu, ne ku bukole butudi tupeta kudi Mvidi Mukulu. Nanku tshia mvita tshitudi tudisungidila natshi, nansha tshitudi tuluisha natshi bakuabu, ke malu mimpe atudi tuenza, adi Mvidi Mukulu ne bantu mua kuanyisha.

Efeze 4:22

Nudi ne bua kuvula muntu wenu wa kale awu, kulekela malu mabi anuvua benze. Muntu mukulukulu ewu udi ne majinga ende mabi, adi anufikisha ku kabutu.

Efeze 5:11

Kanubuelakanyi ne bantu badi benza malu mabi a patupu a mu midima. Kadi nuabenge patoke.

Efeze 5:8

Kale nuvua mu midima. Mpindiewu nudi mu butoke, bualu nudi badisange ne Mfumu. Enzayi malu adi bantu badi benda mu butoke ne bua kuenza.

Ebrewu 10:25

Katulekedi bisangilu bietu bu bakuabu bakadi ne tshibidilu tshia kubenga kubuelamu. Kadi tukoleshangane ku muoyi, tuenze nanku nangananga lelu unudi numona mudi dituku dia Mfumu disemena pabuipi.

Ebrewu 12:1

Tuetu kabidi, badi batunyunguluka kudi tshisumbu tshinene etshi tshia badi bitabe Mvidi Mukulu. Nenku tumbushayi malu onsu adi atupumbisha mua kutungunuka. Tulekele mibi idi itukuata lukasa. Tunyemene ne muoyi mushindame mu njila udibu batuleja.

Yakobe 1:21

Nanku bengayi bibidilu bibi bionsu, ne malu mabi a mishindu yonsu. Nuanyishe ne bupuekele muaku udi Mvidi Mukulu ukuna mu mioyi yenu, bualu udi mua kunusungidila.

Yakobe 5:8

Nuenu kabidi nulame lutuulu, nukoleshe muoyi, bualu dituku didi Mfumu ufika dikadi pabuipi.

1 Petro 2:1

Nanku nubenge malu mabi onsu: dishima, mpala ibidi, lubabu ne bijanu.

1 Petro 4:7

Nshikidilu wa bionsu ukadi pabuipi. Nusombe ne meji, batabale, bua numone mua kutendelela.

2 Petro 3:11

Bu mudi bionsu ne bua kubutuka nanku, nudi bumvue munudi ne bua kusomba panu. Nudi ne bua kuikala bantu ba tshijila, badi benza bidi Mvidi Mukulu musue.

2 Petro 3:9

Bamue bantu badi bela meji ne: Mfumu udi ujingakana bua kukumbaja bivuaye mulaye. Kadi kabiena nanku nansha. Udi ne lutuulu lua bungi bualu buenu. Bualu udi musue bua muntu nansha umue kajiminyi, kadi bua bonsu bapete diba dia kubenga malu mabi.

1 Yone 2:18

Bana banyi, nshikidilu ukadi pabuipi! Nukadi bumvue ne: Muluishi wa Kristu neafike. Kadi mpindiewu baluishi bavule ba Kristu bakadi bapatuke. Ke patudi bamanye ne: nshikidilu ukadi pabuipi.

Didimanyisha 1:3

Muntu udi ubala mukanda ewu, mmuena diakalenga. Bantu badi bateleja miaku ya kudi muambi wa Mvidi Mukulu ewu, bakumbaja bidibu bafunde muaba ewu, badi kabidi bena diakalenga! Bualu bionsu ebi nebikumbane amu mpindiewu.

Didimanyisha 22:10

Pashishe kungambaye ne: — Kusokoki miaku ya muambi idi mu mukanda ewu, bualu tshikondu tshidi bionsu ebi ne bua kuenzeka tshikadi pabuipi.