Rome 11:4 - MUKANDA WA MYIDI MUKULU

⁴ Kadi Mvidi Mukulu uvua mumuandamune tshinyi? Kumuandamunaye ne: “Ndi mudilamine bantu binunu muanda mutekete, bavua kabayi batendelela nwidie Baale.”

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi diandamuna dia Nzambi didi dimuambila tshinyi? Udi Wamba ne, Bua bualu buanyi nakadishila balume binunu muanda mutekete badi kabai batue binu hanshi kudi Bâla.

Rome 11:4 ပူးပေါင်းရင်းမြစ်များ

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

1 Bakalenga 19:10

Eliya kuandamuna ne: — Maweja-Nangila Mvidi Mukulu wa bukole buonsu, ndi mukunange bikole. Nanku tshitshiena musue kumona bionsu bidi bena Izrayele benza to. Bualu bena Izrayele mbanyangakaje ndondu webe, mbupule bilambuilu biebe, mbashipe bambi bebe. Ndi mushale anu meme nkayanyi. Kadi badi bakeba kunshipa ne meme!

1 Bakalenga 19:18

Kadi munkatshi mua bena Izrayele, nenshiye bantu bakuabu binunu muanda mutekete ne muoyi, mmumue ne: bonsu badikabayi banji kukukuila mvidie Baale, kabayi banji kutua mpingu ayi mishiku.

Yeshaya 4:3

Nenku bonsu bavua bapanduke mu Yerushalayime, basombe pa mikuna mu Siyone, nebabinyike ne: “Bantu ba Tshijila ba Maweja-Nangila.” Bantu aba ke bavua Maweja-Nangila mufunde mu mukanda wende, bua kusombabu mu Yerushalayime.

Yirmeya 19:5

Bavua balongoluela mvidie Baale muaba wa kumutendelela, bua kumuoshilapu bana babu milambu. Kadi meme tshivua mutume diyi, bua benze bualu bua nanku to! Tshivua nansha mubuambe. Tshivua nansha mubuelele meji.

Osheya 13:1

Pavua bena Efrayime bakula, bantu bonsu bavua batshina. Bobu ke bavua bamfumu, mu bukalenga bua bena Izrayele. Kadi, bavua benza bibi, batendelela mvidie Baale. Ke tshivua tshibafikisha ku lufu.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Sefanya 1:4

“Nennyoke badi basomba mu Yerushalayime, ne bantu bonsu badi mu Yuda. Nengumushe muaba ewu, bionsu biwabu batendelela nabi Baale. Nansha batuangaji ba nwidie ewu, kabena mua kubavuluka kabidi to.

Dibadika 25:3

Kumvuanganabu nangananga bua kutendelela mvidie wa Baale, uvua ku mukuna wa Peyore. Maweja-Nangila kubafikila munda bikole.

Dielulula 4:3

Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

Balombodi 2:13

Ke bena Izrayele kubenga Maweja-Nangila, bua kuya kutendelela mvidie Baale ne Astarte.