Rome 11:23 - MUKANDA WA MYIDI MUKULU

²³ Pikala bena Yuda balekela kubenga Mvidi Mukulu, nebabalamike tshiakabidi ku mutshi muaba uvuabu kale. Bualu Mvidi Mukulu udi ne bukole bua kubalamika tshiakabidi ku mutshi.

Mukanda wa Nzambi Dihungila Dikulukulu ne Dihungila Dihia-dihia 2003

²³ Ne bobo kabidi, bikalabo kabai bananukila mu buhidia buabo, nebalamakashibue ka mutshi kabidi; bualu bua Nzambi udi ne bukole bua kubalamakashaku kabidi.

Rome 11:23 ပူးပေါင်းရင်းမြစ်များ

Zekâya 12:10

Nempeshe ndelanganyi ya Davide, ne bena mu Yerushalayime, muoyi wa luse. Nebantendelele. Nebatangile kundi, bavuluka muntu uvuabu basompole. Nebamudile, bu mudibu badila muana wa balume umue mumane kufua. Nebase miadi mikole, bu mudibu basa miadi padi muanabute mufue.

Matayi 23:39

Ndi nnujadikila ne: kutuadija ku mpindiewu, kanuakummona kabidi, too ne panuela mbila ne: “Udi uvua mu dina dia Maweja-Nangila, Mvidi Mukulu amuele lupemba!”

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 11:24

Wewe muntu wa tshisamba tshikuabu, udi ditamba divua muaba wadi ku mutshi wa olive uvua muitu. Bavua bakose ditamba adi, badilamika ku bukole pa muaba uvua kauyi wadi, ku mutshi wa olive uvuabu bakune mu budimi. Bena Yuda ke matamba avua muaba wawu ku mutshi wa olive uvuabu bakune mu budimi. Nanku mudimu wa kubalamika tshiakabidi ku mutshi ukavua wabu mmutekete menemene.

2 Korente 3:16

Kadi Mukanda wa tshijila udi wamba ne: “Padi muntu umonangana ne Maweja-Nangila, badi bumusha tshilamba.”

Ebrewu 3:19

Nenku tudi tumona ne: kabena babuela mu muaba ewu wa dikisha, bualu kabavua bitabe.