Rome 11:16 - MUKANDA WA MYIDI MUKULU

¹⁶ Pikalabu balambula Mvidi Mukulu bia tshianyi bia ntete ya kuenza bukula, ntete mikuabu yonsu idi kabidi ya tshijila. Pikalabu balambula Mvidi Mukulu miji ya mutshi, matamba onsu neikale ende a tshijila.

Mukanda wa Nzambi Dihungila Dikulukulu ne Dihungila Dihia-dihia 2003

¹⁶ Bikala bintu bia kunowa bia kumudilu bia tshijila, bionso nebikale bia tshijila; bikala muji wa tshijila, matamba adi muomumue kabidi.

Rome 11:16 ပူးပေါင်းရင်းမြစ်များ

Genese 17:7

Ndi ntua ndondu ewu nebe kashidi, kabidi ne ndelanganyi yebe yonsu. Meme nennulame mu bikondu bionsu. Nengikale Mvidi Mukulu webe kabidi ne wa ndelanganyi yebe yonsu.

Ekesode 22:29

“Nundambule muanabute wa ngombe yenu, mikoku yenu, mbuji yenu. Muana wa balume wa bimuna abi, neashale kudi mamuende anu matuku muanda mutekete. Dituku dia muanda mukulu numundambule.

Ekesode 23:16

“Tshibilu tshibidi tshikala tshia kunowa bintu bia kumpala bia mu madimi enu. “Tshibilu tshisatu nuikala nutshienza ku ndekelu kua tshidimu, pajika dinowa dia bintu bia mu madimi enu.

Ekesode 23:19

“Bintu bia kumpala binudi nunowa mu madimi enu, nufike nabi mu nzubu wanyi, bualu ndi Maweja-Nangila Mvidi Mukulu wenu. “Panudi nulamba munyinyi wa muana wa mbuji, kanuedimu mabele a mamuende to.

Nsumuinu 3:9

Ela Maweja-Nangila tuasakidila, umulambule bia ku midimu yebe, umulambule bintu bia tshianyi.

Yirmeya 2:21

Meme Maweja-Nangila mvua munukune, mudibu bakune mionji ya mvinyo muimpe. Nuvua bu maminu mimpe amvua mukune mu buloba. Kadi nudi banyanguke bua tshinyi? Nukadi bu mionji ya mvinyo mibole, indi tshiyi mua kumanya kabidi to.

Yezekiyele 44:30

Batuangaji nebapete biakudia bia tshianyi bia mu madimi, ne bintu bionsu bidi bena Izrayele bantuadila mu nzubu wanyi. Bantu nebapeshe batuangaji bukula buimpe budibu nabu. Nanku, nembele lupemba.

Lewitiki 23:10

bua amanyishe bena Izrayele mikenji idi ilonda eyi ne: “Panudi bamane kufika mu ditunga dindi munupe, nuye kudi mutuangaji ne biakudia bia tshianyi bia mu madimi enu binudi nunowa.

Rome 11:17

Bena Izrayele badi bu mutshi wa olive, udibu balame mu budimi. Kukosabu matamba makuabu a mutshi awu. Wewe muntu wa ku bisamba bikuabu, udi bu ditamba dia mutshi wa olive uvua muitu. Wewe ke ditamba divuabu bakose ku mutshi wa olive awu, bua kudilamika ku mutshi wa olive uvuabu balame mu budimi, pa muaba wa matamba avuabu bakose. Ditamba adi mpindiewu didi dinua mayi ku miji ya mutshi uvuabu bakune mu budimi.

Rome 8:23

Kadi bifukibua kabiena bitua mikemu nkayabi nansha. Tuetu kabidi, bakadi bamane kupeta Mueyelu wa Tshijila bu dipa dia ntuadijilu dia Mvidi Mukulu, tudi tutua mikemu mundamunda, bindile ne: Mvidi Mukulu atuenze bana bende bua kashidi, atupikule mu bujima buetu.

1 Korente 7:14

Bualu mulume udi kayi muena ditaba, Mvidi Mukulu udi umuanyisha, bua padiye udisanga ne mukajende muena ditaba. Kabidi mukaji udi kayi muena ditaba, Mvidi Mukulu udi umuanyisha, bua padiye udisanga ne bayende muena ditaba. Bu biobi kabiyi nanku, bana badibu balela bavua mua kuikala ne mikiya, baledi kabayi mua kumonangana nabu. Kadi bana babu badi bantu ba tshijila, badi Mvidi Mukulu wanyisha.

Dielulula 18:4

Nubapeshe kabidi biakudia bia tshianyi bia pa madimi enu: ntete ya kuenza bukula, maluvu a mvinyo, ne mafuta. Nubapeshe kabidi ne miosa inudi nukosa ya mikoku ya kumpala.

Dielulula 26:10

Ke pandi ndambula Maweja-Nangila biakudia bia tshianyi bia mu ditunga didiye mumpe.” Pashishe muntu awu neateke tshisaka tshia biakudia atshi panshi kumpala kua nzubu wa Mvidi Mukulu, adiele panshi bua kukukuila Maweja-Nangila Mvidi Mukulu wenu.

Yakobe 1:18

Ku disua diende mmutupe muoyi ku muaku wende mulelela, bua tupete muaba wa kumpala munkatshi mua bifukibua biende bionsu.

Didimanyisha 14:4

Bobu abu kabavua basombe ne bakaji. Kabavua babuele mu dibaka. Badi balonda Muana wa mukoku kuonsu kudiye uya. Bavua babapikule, babumushe munkatshi mua bantu bakuabu, bua bikale milambu ya tshianyi, idibu balambula Mvidi Mukulu ne Muana wa mukoku.