Rome 11:1 - MUKANDA WA MYIDI MUKULU

¹ Nanku ndi ngebeja ne: Mvidi Mukulu mmubenge bantu bende anyi? Nansha kakese! Bualu meme mene ndi muena Izrayele, wa ku ndelanganyi ya Abrahame, muena tshisamba tshia Binyamine.

Mukanda wa Nzambi Dihungila Dikulukulu ne Dihungila Dihia-dihia 2003

¹ Nunku ndi ngamba ne, Nzambi wakumusha bantu bandi, anyi? Nasha kakese! Bualu bua meme kabidi, ndi Muena Isalele, kankanunuina ka Abalahama ka mu tshisamba tshia Benyamina.

Rome 11:1 ပူးပေါင်းရင်းမြစ်များ

2 Bakalenga 23:27

Ke Maweja-Nangila kuamba ne: — Bu mumvua mumane kubenga kale bua kumona bantu ba mu bukalenga bua Izrayele kumpala kuanyi, ke mundi kabidi mbenga bua kumona bantu ba mu bukalenga bua Yuda kumpala kuanyi. Ndi musue kubenga Yerushalayime, tshimenga tshimvua musungule. Ndi musue kubenga kabidi ne nzubu wa Mvidi Mukulu ewu umvua mumane kulaya bua kusombamu.

Misambu 94:14

Maweja-Nangila kena ubenga bantu bende, kena ulekela bumpianyi buende.

Osheya 9:17

— Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Luke 20:16

Neafike, neabashipe, neapeshe bafutshidi bakuabu budimi buende. Bantu bumvua miaku ayi, kuambabu ne: — Abi kabienzeki nansha!

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Bienzedi 26:4

Bena Yuda bonsu mbamanye mumvua mukole mu buana, nsomba amu munkatshi mua bana betu, ne mu Yerushalayime.

Rome 11:11

Nanku ndi ngebeja kabidi ne: diba divua bena Yuda balenduke, bavua badishinda bua kulala panshi kashidi anyi? Nansha kakese! Kadi bua tshilema tshivuabu benze, bantu ba bisamba bikuabu kupeta lupandu, bua bena Yuda babakuatshile lubabu,

Rome 3:4

Nansha kakese! Nansha bantu bonsu bikale bena dishima, Mvidi Mukulu udi ne bua kuikala muena diyi dimue. Ke mudi Mukanda wa tshijila wamba ne: “Badi ne bua kumanya muudi ukumbaja biudi wamba, muudi ubinga padibu bakeba kukulumbuluisha.”

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

2 Korente 11:22

Badi bena Ebrewu menemene anyi? Meme kabidi! Badi bena Izrayele anyi? Meme kabidi! Badi bantu ba ku ndelanganyi ya Abrahame anyi? Nansha meme!

Filipe 3:5

Bualu bavua banteke panshi, pamvua mukumbaje lumingu lujima. Ndi muena Izrayele mufukila. Ndi wa mu tshisamba tshia bena Binyamine. Ndi muena Ebrewu menemene. Bua bidi bitangila dikumbaja dia mikenji, mvua Muparushe.

1 Samuele 12:22

Maweja-Nangila kakunulekela to. Bualu yeye nkayende ke uvua munusungule bua nuikale tshisamba tshia bantu bende. Maweja-Nangila neavuluke lumu luende lunene.