Rome 10:8 - MUKANDA WA MYIDI MUKULU

⁸ Tshidibu basue kuamba ntshinyi? Mbambe ne: “Muaku wa Mvidi Mukulu udi pabuipi nebe. Udi mukana muebe, ne mu muoyi webe.” Muaku awu ke dilongesha ditudi tulongesha ne: nuitabe.

Mukanda wa Nzambi Dihungila Dikulukulu ne Dihungila Dihia-dihia 2003

⁸ Kadi buakane bua ka ditabusha budi buamba tshinyi? Dî edi didi ba buihi nʼebe, didi mukana muebe mene ne mu mutshima webe; edi ndî dia ditabusha ditudi tuambila bantu.

Rome 10:8 ပူးပေါင်းရင်းမြစ်များ

Yeshaya 57:19

nembeleshe mbila ya disanka. Nempandishe, bushuwa nempandishe bantu bonsu, badi kule ne badi pabuipi. Ke mundi ngamba meme, Maweja-Nangila.”

Bienzedi 10:43

Bambi bonsu badi bajadika bualu buende ne: muntu yonsu udi witaba Kristu, bukole bua dina diende nebumujimijile mibi yende.

Bienzedi 16:31

Polu ne Silase kuandamuna ne: — Itaba Mfumu Yezu. Nanku neupande, wewe ne nzubu webe.

Rome 10:17

Nenku ditaba didi difuma ku diteleja dia Lumu ludibu batumanyisha. Lumu alu ludi lufuma ku muaku uvua Kristu mene muambe.

Ngalate 3:2

Ndi musue kunuela lukonku amu lumue: nuvua bapete Mueyelu wa Mvidi Mukulu bua tshinyi? Bualu nuvua bakumbaje mikenji, anyi bualu nuvua bumvue Lumu lua Disanka, baluitabe?

Ngalate 3:5

Padi Mvidi Mukulu unupesha Mueyelu wende, wenza malu a kukema munkatshi muenu, udi wenza nanku, bua panudi bumvue Lumu lua Disanka, baluitabe, ki mbua panudi bakumbaje mikenji.

Efeze 5:26

Uvua muenze nanku bua tshikale Tshisumbu tshia bantu menemene ba Mvidi Mukulu. Uvua mutshisukule, mutshitue mu mayi, muambe muaku.

Dielulula 30:14

Kayena kule nansha kakese. Mikenji ya Mvidi Mukulu idi pabuipi nenu, idi mukana muenu, ne munda muenu. Nudi mua kuyikumbaja.

1 Timote 4:6

Paudi ulongesha bana hetu malu aa, newikale muena mudimu muimpe wa Yezu Kristu. Neuleje muudi ukeba tshiakudia tshiebe tshia muoyi, mu miaku ya ditaba, ne mu malongesha malelela avuabu bakulongeshe.

1 Petro 1:23

mBanulele tshiakabidi, ki nkudi batatu badi bafua, kadi kudi Tatu udi ne muoyi wa tshiendelele, ku muaku wa muoyi wa Mvidi Mukulu udi ushala kashidi.

1 Petro 1:25

Kadi muaku wa Maweja-Nangila udi ushala kashidi.” Muaku awu ke Lumu lua Disanka luvuabu banumanyishe.