Rome 10:2 - MUKANDA WA MYIDI MUKULU

² Bualu ndi mua kubajadikila ne: badi ne disuminyina dikole, bakeba kuenza tshidi Mvidi Mukulu musue. Kadi disuminyina diabu adi kadiena dishindamena pa dimanya dilelela nansha.

Mukanda wa Nzambi Dihungila Dikulukulu ne Dihungila Dihia-dihia 2003

² Bua ndi mumanyi wa bualu buabo ne, Badi ne lukunukunu kudi Nzambi, kadi kandua lungenyi lulelela.

Rome 10:2 ပူးပေါင်းရင်းမြစ်များ

2 Bakalenga 10:16

Yehu kuambila Yonadabe ne: — Tuye nebe, umone mundi ngenzela Maweja-Nangila mudimu ne muoyi mujima. Nanku, Yehu kuya ne Yonadabe mu ditempu diende.

Misambu 14:4

Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Nsumuinu 19:2

Muaba udi kauyi dimanya, disuminyina kadiena ne bua nsongu. Kudia lukasa nkupia mukana.

Yeshaya 27:1

Dituku adi, Maweja-Nangila neangate muele wende, muele munene, mutue, kabidi wa bujitu, bua kunyoka ne kushipa Leviyatane, tshidika tshidi tshienza bowa, nyoka wa mantonya, kayi kukuata ne tshianza.

Yowanane 16:2

Nebanuipate mu nzubu ya kutendelela ya bena Yuda. Kabidi tshikondu netshifike tshikata bantu badi banushipa bela meji ne: tudi tukuatshila Mvidi Mukulu mudimu.

Bienzedi 21:20

Bamane kumvua bionsu abi, kutumbishabu Mvidi Mukulu. Pashishe kuambilabu Polu ne: — Muanetu, udi mumone mukadi bena Yuda bitaba Yezu binunu ne binunu. Kadi buonsu buabu batshidi amu bakumbaje bimpe mikenji ya Moshe.

Bienzedi 21:28

bela mbila ne: — Bena Izrayele, tuambuluishayi! Monayi muntu udi ulongesha bantu bonsu miaba yonsu, bua bapepeje tshisamba tshia Izrayele, mikenji ya Moshe, ne nzubu wa Mvidi Mukulu ewu. Lelu mmubueje bantu ba bisamba bikuabu mu nzubu ewu! mMupishe muaba ewu wa tshijila mukiya!

Bienzedi 22:22

Bantu bavua bateleja Polu too ne ku miaku eyi. Ke kushishabu kuela mbila ne: — Muntu awu tshiende ndufu! Mushipayi! Tshidiye wenza pa buloba ntshinyi?

Bienzedi 22:3

— Ndi muena Yuda. mBandele mu Tarse wa mu Silisiya. Kadi ndi mukolele mu Yerushalayime emu. Ngamaliyele, ke uvua mundongeshe bimpe bitambe mikenji ya bankambua betu. Mvua mukuatshile Mvidi Mukulu mudimu ne disuminyina, amu munudi nuenu bonsu benza lelu.

Rome 10:1

Bana hetu, ndi njinga ne muoyi wanyi mujima, ndomba kudi Mvidi Mukulu, bua bena Yuda bapete lupandu.

Rome 10:3

Bualu kabavua bajingulula mushindu udi Mvidi Mukulu ubingisha bantu kumpala kuende nansha. Bavua bakeba kudibingisha nkayabu mushindu wabu. Nanku kabena bitabe mushindu udi Mvidi Mukulu ubingisha bantu nansha.

2 Korente 4:4

Diabolu, nwidie mubi wa pa buloba ebu, mmututubije lungenyi luabu. Ke padibu kabayi mua kuitaba Lumu lua Disanka, kabayi mua kumona bukenke budilu lutangalaja. Mu bukenke ebu butumbi bua Kristu budi bumueneka patoke. Mu Kristu mene Mvidi Mukulu udi umueneka.

2 Korente 4:6

Mvidi Mukulu uvua muambe ne: “Butoke bukenke mu miidima!” Ke muvuaye mukenkeshe butoke buende mu mioyi yetu, bua mmanye butumbi bua Mvidi Mukulu budi bubalakana pa mpala wa Kristu.

2 Korente 8:3

Ndi nnujadikila ne: bayua bafile bilondeshile dimona diabu, badipitshishe mene.

Ngalate 1:14

Mvua mukumbaje bimpe bitambe malu a ditaba dia bena Yuda, mupite bena mulongu wanyi bavule. Mvua musuminyine bibidilu bia bankambua, kakuyi wa kufuanangana nanyi.

Ngalate 4:15

Nuvua basanke be! Kadi disanka adi diepi? Ndi nnujadikila ne: bu biobi mua kuenzeka, diba adi nuenu bonsu nuvua mua kuditonkona mesu, kuampesha.

Filipe 1:9

Ke pandi ntendelela Mvidi Mukulu, nnulombela bua nuye kumpala mu njila wa dinanga, nupete kabidi lungenyi, ne meji mimpe,

Filipe 3:6

Mvua ne disuminyina dipite, nkengesha Tshisumbu tshia bena ditaba. Padibu batangila muntu udi ulama mikenji bu muntu muimpe, kakuvua muntu uvua mua kundiwula.

Kolose 4:13

Ndi mujadike se: udi unutatshila bikole, utatshila kabidi bena mu Lawodikiya, ne bena mu Iyerapolise.