Rome 10:14 - MUKANDA WA MYIDI MUKULU

¹⁴ Kadi mudibu mua kumubikila kabayi banji kumuitaba mmunyi? Mudibu mua kumuitaba kabayi banji kumvua bamutela mbishi? Mudibu mua kumvua bamutela, muntu kayi umumanyisha, mmunyi?

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Munyi muamutendekenabo kabai banze kumuitabusha? Munyi muamuitabushabo kabai banze kunvua lumu hiandi? Munyi munvuabo lumu luandi kabai ne muambidi.

Rome 10:14 ပူးပေါင်းရင်းမြစ်များ

Yona 1:16

Biitshi ba buatu bamone nanku, kutshinabu Maweja-Nangila bikole. Kumulambulabu nyama. Kumulayabu mua kumuenzela mudimu.

Yona 1:5

Nanku, bitshi ba buatu kukuatshika bowa bukole. Muntu yonsu uvua ulomba wende nwidie, wela mbila, bua tshipepele tshibutame. Pashishe kuimanshabu bintu bionsu bivua mu buatu mu mayi manene, bua buatu bupepele. Kadi Yona uvua anu mulale tulu tukole mu bibeya bia muinshi mua buatu.

Matayi 20:7

Bobu kumuandamuna ne: “Bualu muntu ki mmutuangate ku mudimu to.” Ke yeye kubambila ne: “Nanku nuenu kabidi nuye kukuata mudimu mu budimi buanyi bua nwinyo.”

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 9:36

Muntu kuandamuna ne: — Mfumu, ungambile ne: Muana wa muntu nnganyi mene, bua mmone mua kumuitaba.

Bienzedi 19:2

Kubakonkaye ne: — Nuvua bapete Mueyelu wa Tshijila, diba dinuvua batuadije kuitaba Yezu anyi? Kumuandamunabu ne: — Katuena nansha banji kumvua batela ne: Mueyelu wa Tshijila udiku to!

Bienzedi 8:31

Muntu awu kumuandamuna ne: — Nenujingulule bishi, pandi tshiyi ne udi mua kubinjunguluila? Kulombaye Filipe bua abande mu ditempu, asombe pamue nende.

Rome 1:5

Kudiye ke kudi Mvidi Mukulu mumpeshe dipa dia kuikala mupostolu, bua meme kusaka bantu ba bisamba bionsu, bua bitabe Lumu lua Disanka, batumikile Mvidi Mukulu, bua dina dia Yezu dipete lumu.

Efeze 2:17

Nanku Kristu mmufike bua kumanyisha bantu Lumu lua Disanka, ludi lufila bupole kudi bantu bonsu, kunudi nuenu bantu ba bisamba bikuabu batua kabayi pabuipi ne Mvidi Mukulu, ne kudi bena Yuda batua pamue nende.

Efeze 4:21

Bulelela, nuvua bumvue bamba, banulongesha malu ende. Nanku nudi ne bua kulonda njila mulelela wa Yezu.

Dielulula 30:13

Mikenji eyi kayena dishiya dia Mayi manene, bua nuenu kuamba ne: “Muntu wasabuka mayi bua kutuangatshilayi bua tuetu kuyimanya, kuyikumbaja nnganyi?”

2 Timote 4:17

Kadi Mfumu uvua pabuipi nanyi. Uvua munkoleshe mu maboku, bua mmone mua kukobola Lumu lua Disanka amu mudilu, kulumvuija bantu bonsu ba bisamba bikuabu. Mvidi Mukulu mmumpandishe mukana mua nyama wa ntambue.

Tite 1:3

Mpindiewu tshikondu tshiakumbanyi tshidiye utumanyisha muoyi awu, mu Lumu lua Disanka lundi meme ne bua kukobola ku bukenji bupeta kudi Mvidi Mukulu, Musungidi wetu.

Ebrewu 11:6

Kadi muntu kena mua kusankisha Mvidi Mukulu padiye kayi ne ditaba. Bualu muntu udi usemena pabuipi ne Mvidi Mukulu udi ne bua kuitaba ne: Mvidi Mukulu udiku, udi ufuta badi bamukeba.

Yakobe 5:15

Panudi ntendelela ne ditaba, Mvidi Mukulu neapandishe mubedi, amupingajile bukole bua mubidi, ajimije mibi yende.