Rome 1:9 - MUKANDA WA MYIDI MUKULU

⁹ Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bualu bua Nzambi, undi nkuatshila mudimu mu nyuma wanyi mu lumu luimpe lua Muana Wandi, udi mumanyi wanyi bu mundi tshî ndekela kunutela misangu yonso mu mitendelelu yanyi,

Rome 1:9 ပူးပေါင်းရင်းမြစ်များ

Yobe 16:19

Eyowa, mu diulu mudi muntu udi ujadika malu anyi, udi undumbuluila, mutue ku tshianyi.

Marke 1:1

Mukanda ewu udi mbangilu wa Lumu lua Disanka lua Yezu Kristu, Muana wa Mvidi Mukulu.

Luke 18:1

Pashishe bua kulongesha balongi bende mudibu ne bua kutendelela diba dionsu, kabayi batekesha mu maboku, Yezu kubelela lusumuinu ne:

Bienzedi 12:5

Pavua Petro mu lukanu, bena ditaba bavua batendelela Mvidi Mukulu muabu muonsu, bamuakuila.

Bienzedi 19:21

Malu onsu aa mamane kupita, Polu kupangadika mua kupitshila mu Masedoniya ne mu Akaya, bua kuya mu Yerushalayime, wamba ne: — Pangafika ku Yerushalayime, nenye kabidi ne ku Rome.

Bienzedi 24:14

Kadi tshindi nkujadikila tshidi nunku: ndi ngenzela Mvidi Mukulu wa bankambua betu mudimu, ndonda njila mupiamupia, udibu bamba ne: mmubi. Kadi ndi ngitaba bionsu bidibu bafunde mu mikanda ya mikenji, ne ya bambi.

Bienzedi 27:23

Butuku ebu, mutumibue wa Mvidi Mukulu undi ngitaba, nkuatshila mudimu, mmummuenekele.

Bienzedi 3:26

Mvidi Mukulu mmusungule muntu wende; mmudianze kumutuma kunudi, bua nulekele kulonda njila yenu mibi, nupete diakalenga.

Rome 9:1

Ndi ngamba malu malelela. Ndi wa Kristu, nanku tshiena nshima to. Kondu kanyi ka munda kabidi kadi kanjadikila ku bukole bua Mueyelu wa Tshijila ne: bindi ngamba bidi bilelela ne:

2 Korente 1:23

Ndi mbikila Mvidi Mukulu, bua ajadike bindi ngamba mpindiewu — eyowa, meme mushime, anshipe! — Nanku ndi ngamba ne: tshi vua musue kupingana ku Korente, amu bua kunuenzela bimpe.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

Ngalate 1:20

Bindi nnufundila ebi mbilelela. Ndi njadika ku mesu a Mvidi Mukulu ne: tshiena nshima.

Efeze 6:18

Kanupu muoyi bua kutendelela Mvidi Mukulu. Nulombe bua anuambuluishe. Tendelelayi diba dionsu mudi Mueyelu wa Tshijila unusaka. Tabalayi, lombelayi bantu bonsu ba Mvidi Mukulu, kanuyi nulekela.

Filipe 1:3

Ndi ngela Mvidi Mukulu wanyi tuasakidila misangu yonsu indi nnuvuluka.

Filipe 1:4

Diba dionsu dindi ntendelela Mvidi Mukulu bualu buenu, ndi ngumvua disanka.

Filipe 2:22

Nudi bamanye muvua Timote muleje patoke mudiye muntu wa muoyi umue. Bu mudi muana wambuluisha tatuende, ke mudiye ungambuluisha mu mudimu wa kutangalaja Lumu lua Disanka.

Filipe 3:3

Bualu badibu bateka panshi menemene mu bulelela ntuetu, ki mbobu nansha. Bualu tuetu tudi tutendelela Mvidi Mukulu ku bukole bua Mueyelu wende. Tudi tuditemba amu bua Yezu Kristu. Katuena tutekemena ku bidi bantu benza.

1 Tesalonike 1:2

Matuku onsu tudi tuela Mvidi Mukulu tuasakidila bualu buenu buonsu, tunuvuluka mu malomba etu, katuyi tupungila.

1 Tesalonike 3:10

Munya ne butuku tudi tumulomba, tumusengelela, bua tumonangane nenu mpala ne mpala, tukumbaje malu a ditaba dienu atshidi mashale.

1 Tesalonike 5:17

Nutendelele, kanuyi nupungila.

1 Timote 2:7

Ke padibu bantume bu mupostolu ne mulongeshi, bua kufikisha bena bisamba bikuabu ku ditaba ne ku bulelela. Tshiena nshima to. Ndi ngamba malu mudiwu.

2 Timote 1:3

Ndi ngela Mvidi Mukulu tuasakidila. Ke Yeye undi nkuatshila mudimu ne muoyi mujima, muvua bankambua banyi benze. Ndi mmuela tuasakidila, pandi nkuvuluka munya ne butuku mu ditendelela dianyi, tshiyi mpungila.

Filemone 1:4

Filemone musuibue, misangu yonsu indi ntendelela Mvidi Mukulu, ndi nkuvuluka, ngela Mvidi Mukulu tuasakidila.

1 Samuele 12:23

Meme Samuwele, tshiena musue kuenzela Maweja-Nangila bibi to. Misangu yonsu nengikale ndomba Maweja-Nangila bualu buenu. Ndi anu nnuleja njila muimpe, mululame.