Rome 1:3 - MUKANDA WA MYIDI MUKULU

³ Uvua mulukumbaje kudi Muanende Mfumu wetu Yezu Kristu, uvuabu balele ne mubidi wa muntu mu diku dia mukalenga Davide;

Mukanda wa Nzambi Dihungila Dikulukulu ne Dihungila Dihia-dihia 2003

³ bualu bua Muana wandi Mulume, wakaledibua bu mudi buntu buandi kudi tunkanuniuna tua Davidi,

Rome 1:3 ပူးပေါင်းရင်းမြစ်များ

Genese 3:15

Nenteke lukuna pankatshi pebe ne mukaji, pankatshi pa ndelanganyi yebe ne yende. Kabidi muana wa ku ndelanganyi ya mukaji neaboze mutu webe, wewe pebe neumusume ku tshikankanya.

Misambu 2:7

— Meme mukalenga. Ndi nnumanyisha mukenji mupeta kudi Maweja-Nangila. Mmungambile ne: “Wewe ke muananyi. Biangatshile lelu, meme ndi tatuebe.

Yirmeya 33:26

Nanku, nudi mua kuitaba ne: ndi mubenge ndelanganyi ya Yakobe ne ya muntu wanyi Davide anyi? Nudi mua kuitaba ne: munkatshi muabu tshiakuangata kabidi bamfumu badi balombola tshisamba tshia Abrahame, tshia Izake ne tshia Yakobe anyi? “Kabiena nanku to! Kadi ndi mubanange bushuwa, nembapeshe kabidi diakalenga.”

Amosa 9:11

Maweja-Nangila udi wamba ne: “Tshimenga tshia Davide, tshidi bu nzubu mumane kupuka. Kadi dituku dikuabu, nengasulule tshimenga. Nengibakulule bitupa bia tshimana tshiatshi, bivuabu bashimbule mu mvita. Nendongolole nzubu yonsu bimpe, tshimenga tshipete lumu luatshi lua kale.

Matayi 1:1

Mena a bankambua ba Yezu Kristu, muana wa ku ndelanganyi ya Davide ne ya Abrahame, adi nunku:

Matayi 1:16

Yakobe kulela Yozefe, bayende wa Mariya, mamuende wa Yezu, udibu binyika ne: Kristu.

Matayi 1:6

Ishayi kulela mukalenga Davide. Davide ne mukaji wa Uriya kulela Shelomu.

Matayi 12:23

Bantu bonsu bavua bakatshila bivua Yezu wenza, bebejangana ne: — Muntu awu udi mua kuikala Muana wa Davide anyi?

Matayi 15:22

Ke mukaji wa bena Kenaane, uvua musombe mu buloba abu, kufika kudi Yezu, wela lubila lukole ne: — Mfumu, Muana wa Davide, mfuilaku luse! Muananyi wa bakaji kena bimpe to! Mbamu-kengeshe kudi mukishi mubi.

Matayi 26:63

Kadi Yezu uvua amu mupuwe. Ke mutuangaji munene kukonka Yezu ne: — Mu dina dia Mvidi Mukulu udi ne muoyi, ndi nkulomba bua utuandamune, uditshipe. Udi Kristu, Muana wa Mvidi Mukulu anyi?

Matayi 27:43

Uvua mutekemene kudi Mvidi Mukulu. Nanku bu Mvidi Mukulu umunanga bushuwa, amusungidile mpindiewu! Bualu uvua ujadika ne: “Ndi Muana wa Mvidi Mukulu.”

Matayi 3:17

Ke diyi kumvuika mu diulu, diamba ne: — Ewu ke Muananyi undi munange. Yeye ke udi unsankisha bikole.

Matayi 9:27

Yezu kumuka muaba awu. Bampofu babidi kumulonda, benda bela mbila ne: — Muana wa Davide, utufuile luse!

Luke 1:35

Mutumibue kumuandamuna ne: — Mueyelu wa Tshijila neukutulukile. Bukole bua Mvidi Mukulu Muena kulu nebukubuikile bu mundidimbi. Nanku muana uwalela neikale wa tshijila. Nebamuinyike Muana wa Mvidi Mukulu.

Luke 1:69

Kutupatuilaye Musungidi wa bukole, mu ndelanganyi ya mukalenga Davide, muntu wende.

Yowanane 1:14

Muaku kudienza muntu. Kusombawu munkatshi muetu. Uvua muwule ne dinanga kabidi ne bulelela. Tuetu kumona butumbi buawu. Butumbi ebu ke budi Muana mulela umue upeta kudi Tatuende.

Yowanane 1:34

Ke Yowanane kuamba ne: “Mvua mumone nanku. Ke mundi njadika ne: Muntu awu ke Muana wa Mvidi Mukulu.”

Yowanane 1:49

Nanku Natanayele kumuambila ne: — Mulongeshi, udi Muana wa Mvidi Mukulu, udi mukalenga wa bena Izrayele!

Yowanane 10:30

Tatu ne meme tudi tshintu tshimue.

Yowanane 10:36

Nanku meme, Mvidi Mukulu mmunsungule, muntume pa buloba. Mmunyi munudi nungamba ne: udi usendeka Mvidi Mukulu, pandi njadika ne: ndi Muana wa Mvidi Mukulu?

Yowanane 20:28

Tomase kumuandamuna ne: — Mfumu wanyi ne Mvidi Mukulu wanyi!

Yowanane 20:31

Kadi bidibu bafundamu mbabifunde bua nuitabe ne: Yezu udi Meshiya, Muana wa Mvidi Mukulu. Kabidi panudi numuitaba, nenupete muoyi kudiye.

Yowanane 5:25

Ndi nnujadikila ne: tshikondu tshidi kumpala, ntshimane kufika mene, tshidi bantu bafue bumvue diyi dia Muana wa Mvidi Mukulu. Badi badiumvue nebikale ne muoyi.

Yowanane 7:42

Mbafunde mu Mikanda ya tshijila ne: Meshiya neikale wa ku ndelanganyi ya Davide. Neatumine mu Betleyeme, mu musoku uvua Davide usomba.

Bienzedi 2:30

Kadi yeye uvua muambi. Uvua mumanye ne: Mvidi Mukulu mmundaye uditshipa ne: nenteke umue wa ku ndelanganyi yebe mu nkuasa webe wa bumfumu.

Bienzedi 3:13

Kabiena nanku to! Mvidi Mukulu wa Abrahame, wa Izake, ne wa Yakobe, Mvidi Mukulu wa bankambua betu, mmuleje patoke butumbi budi muntu wende Yezu nabu. Nuenu kumufila kudi bamfumu, kumubenga kumpala kua Pilate. Kadi Pilate uvua musue kumulekela.

Bienzedi 8:36

Baya too, kufikabu muaba uvua mayi. Muena Kushe kuambila Filipe ne: — Ke mayi aa. Tshidi tshikandika bua kuntuamu ntshinyi? [

Bienzedi 9:20

Diakamue kutuadijaye kulongesha mu nzubu ya kutendelela, ujadika ne: Yezu udi Muana wa Mvidi Mukulu.

Rome 1:9

Mvidi Mukulu undi nkuatshila mudimu ne muoyi wanyi onsu, bualu ndi ndongesha Lumu lua Disanka lua Muanende, mmumanye ne: bualu bundi ngamba mbulelela. Udi mumanye kabidi mundi nnuvuluka diba dionsu,

Rome 4:1

Nanku netuambe bishi bua nkambua wetu Abrahame? Tshivuaye mupete ku bivuaye muenze ntshinyi?

Rome 9:3

Bualu ndi njinga bua Mvidi Mukulu antshipe meme, angumushe kudi Kristu, bu biobi mua kulengelela bana hetu, bena tshisamba tshianyi.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

1 Korente 1:9

Mvidi Mukulu uvua munubikile, bua nuenu kudisanga ne Muanende Mfumu wetu Yezu Kristu mu nsombelu wenu mujima, udi ukumbaja bionsu bidiye ulaya.

1 Korente 10:18

Tangilayi bena Izrayele: badi badia bidi bantu balambula, badi badisanga ne Mvidi Mukulu udibu balambula bintu abi.

Ngalate 4:4

Kadi pakafika tshikondu tshivua Mvidi Mukulu mujadike, kutumaye Muanende. Bavua bamulele kudi mukaji. Uvua ne bua kukumbaja kabidi mikenji ya bena Yuda.

1 Tesalonike 1:10

Nudi bindile Muanende Yezu, uvuaye mubishe ku lufu, udi ne bua kutuluka mu diulu. Yeye mene ke udi utusungidila ku tshilumbuluilu tshia Mvidi Mukulu tshikadi pabuipi.

1 Timote 2:5

Mvidi Mukulu udi umuepele. Mudi kabidi mutuangaji umuepele pankatshi pa Mvidi Mukulu ne bantu, ke muntu Yezu Kristu.

1 Timote 3:16

Eyowa, muntu nansha umue kena mua kuela mpata ku bualu bunene busokome bua ditaba dietu! Uvua mudileje panu mu butekete bua muntu. Mueyelu wa Tshijila kumubingisha. Batumibue ba Mvidi Mukulu kumumona. Bantu kulongesha bualu buende mu bisamba bikuabu. Kumuitababu pa buloba. Kumuambulabu mu diulu.

2 Timote 2:8

Mesu ebe ikale amu kudi Yezu Kristu, wa ku ndelanganyi ya Davide, uvuabu babishe ku lufu, mudi Lumu lua Disanka lundi ndongesha luamba.

1 Yone 1:3

Bituvua bamone, bituvua bumvue, tudi tunumanyishabi ne nuenu kabidi, bua nudisange netu mu bobumue butudi nabu ne Tatu, kabidi ne Muanende Yezu Kristu.

1 Yone 3:23

Ke mukenji udiye utuelela: tuitabe Muanende Yezu Kristu, tunangangane kabidi, muvua Kristu mututumine diyi

1 Yone 3:8

Muntu utshidi utungunuka ne dienza bibi, udi muntu wa diabolu, bualu diabolu mmuenze bibi biangatshile ku ntuadijilu. Kadi Muana wa Mvidi Mukulu mmumueneke panu, bua kubutula bidi diabolu muenze.

1 Yone 4:15

Padi muntu ujikula ne: Yezu udi Muana wa Mvidi Mukulu, Mvidi Mukulu udi ushala munda muende, yeye kabidi udi ushala munda mua Mvidi Mukulu.

1 Yone 5:1

Muntu yonsu udi witaba ne: Yezu udi Kristu, udi muana wa Mvidi Mukulu. Muntu yonsu udi unanga tatu, udi unanga kabidi ne bana bende.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.

1 Yone 5:5

Udi mua kutshimuna bukua panu nnganyi? Amu muntu udi witaba ne: Yezu udi Muana wa Mvidi Mukulu.

2 Yone 1:7

Bena dishima bavule mbatangalake munkatshi mua bantu. Kabena bitaba ne: Yezu Kristu mmudienze muntu menemene. Muntu udi wenza malu a nanku mmuena dishima, kabidi mMuluishi wa Kristu.

Didimanyisha 2:18

— Fundila mutumibue wa mu Tshisumbu tshia bena ditaba ba mu Tiyatira ne: “Muana wa Mvidi Mukulu udi ne mesu akenka bu kapia katema, makasa abalakana bu tshiamu tshikunze tshivuabu bengulule, bafinunuje, udi wamba ne: