Rome 1:25 - MUKANDA WA MYIDI MUKULU

²⁵ Badi bumusha bulelela budi butangila Mvidi Mukulu, bapingaja dishima. Badi batendelela bintu bidi Mvidi Mukulu mufuke, babikuatshila mudimu, pa mutu pa kutendelela Mubifuki, kumuenzela Yeye nkayende mudimu. Yeye mene atumbe kashidi! Amene.

Mukanda wa Nzambi Dihungila Dikulukulu ne Dihungila Dihia-dihia 2003

²⁵ bualu bua bakandamuna bushua bua Nzambi ku mashimi, ne bakatendelela tshintu tshifukibua ne bakatshikuatshishila mudimu ku mpala kua Mufuki watshi; udi biandi mutumbishibue tshiendelele. Amen.

Rome 1:25 ပူးပေါင်းရင်းမြစ်များ

Misambu 72:19

Tuele Mvidi Mukulu tuasakidila! Lumu luende ndunene! Butumbi buende bumueneke mu buloba bujima! Amene, eyo, bikale nanku!

Yeshaya 44:20

Bivua mua kuikala bimpe, batendelele nansha butu! Muoyi wabu mmubatshimbakaje, mubadinge. Mvidie wabu kena ubasungidila to. Kadi bobu mene kabena badiamba ne: “Bushuwa tshitudi natshi mu bianza, tshidi amu mvidie wa dishima.”

Yirmeya 13:25

Maweja-Nangila udi wamba ne: Yerushalayime, ke mudibu ne bua kukuenzela wewe kabidi. Bualu udi mundekele, mudifile kudi mvidie ya patupu. Teleja mundi musue kukunyoka.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Amosa 2:4

Teleja tshidi Maweja-Nangila wamba ne: “Ndi ndumbuluisha bena Yuda, mbapisha bua malu mabi mavule, kadi nangananga, bualu mbalengulule malu onsu amvua mubamanyishe. Mbadiate mikenji yanyi ku makasa. Bavua bapambuka mu njila, batendelela mvidie, ivua bankambua babu mene bakukuila. Nanku tshiena mua kubafuila luse! Nenkumbaje bindi mujadike ne:

Abakuke 2:18

Mpingu inudi badienzele bua kutendelela nwidie, neyinuambuluishe ku tshinyi? Idi amu bintu binudi nusonga, nansha nufula, kabiyi biakula, bidinga bantu. Mudibi mua kunuambuluisha mbishi?

Matayi 10:37

— Muntu udi unanga tatuende nansha mamuende bipite mudiye munnange meme, kena mungakanyine to. Muntu udi unanga muanende wa balume nansha wa bakaji bipite mudiye munnange meme, kena mungakanyine meme to.

Matayi 6:24

— Muntu nansha umue kena mua kuenzela bamfumu babidi mudimu to. Neanange umue, abenge mukuabu; nansha neitabe umue, adiule mukuabu. Kanuena mua kuenzela Mvidi Mukulu mudimu, kuenzela kabidi ne biuma musangu umue.

Yowanane 2:8

Yezu kubambila ne: — Mpindiessu, tuntayi mayi makese, nutuadile mulongolodi wa tshibilu. Kuyabu kumupesha.

Rome 1:18

Bualu Mvidi Mukulu udi ufikila munda mu diulu, bua bubi buonsu ne malu mabi onsu, bidi bantu benza ku buenzavi buabu, bakandika bulelela bua kabukuatshi mudimu pa wowu.

Rome 1:23

Pa mutu pa kukukuila Mvidi Mukulu wa butumbi udi kayi ufua, badi batendelela mpingu ya bantu badi bafua, ya nyunyi, ya nyama ya bidimba binayi, ne ya bilandadi.

Rome 9:5

Badi ba ku ndelanganyi ya bankambua. Kristu mu buntu buende udi wa ku tshisamba tshiabu. Yeye Mvidi Mukulu, udi ku mutu kua bionsu, atumbe kashidi. Amene.

2 Korente 11:31

Mvidi Mukulu, Tatuende wa Mfumu Yezu, mummanye ne: tshiena nshima to. Atumbe kashidi tshiendelele!

Efeze 3:21

Atumbe mu Tshisumbu tshia bena ditaba, ne mu Yezu Kristu, mu bikondu bionsu, kashidi ne kashidi! Amene.

1 Tesalonike 1:9

Bonsu badi balonda munuvua batuakidile bimpe patuvua bafike kuenu, munuvua babenge mvidie, bapingane kudi Mvidi Mukulu wa muoyi ne mulelela, bua kumukuatshila mudimu.

1 Timote 1:11

Dilongesha edi didi difuma ku Lumu lua Disanka lundi ne bua kukobola. Lumu lua Disanka elu ludi lutumanyisha butumbi bua Mvidi Mukulu, udi mpokolu wa diakalenga dietu.

1 Timote 1:17

Lumu ne butumbi bikale kashidi tshiendelele kudi Mukalenga wa kashidi, udi kayi ufua, kayi umueneka, udi Mvidi Mukulu umue epele! Amene.

2 Timote 3:4

Nebelangane bifufu bibi. Nebikale bantu ba tshiiji, bena lutambishi luvule. Nebanange milowu, pa mutu pa kunanga Mvidi Mukulu.

1 Yone 5:20

Tudi bamanye ne: Muana wa Mvidi Mukulu mmufike. mMutupeshe lungenyi, bua mmanye Mvidi Mukulu mulelela. Tudi mu bobumue ne Mvidi Mukulu mulelela kudi Muanende Yezu Kristu. Yezu Kristu ke Mvidi Mukulu mulelela. Yeye ke muoyi wa kashidi.