Rome 1:21 - MUKANDA WA MYIDI MUKULU

²¹ Bualu badi bamanye Mvidi Mukulu, kadi kabena bamunemeka. Kabena bamuela tuasakidila mudibu ne bua kuela Mvidi Mukulu nansha. Kadi meji abu adi matatakana. Mioyi yabu ya bupote idi miwule tente ne miidima.

Mukanda wa Nzambi Dihungila Dikulukulu ne Dihungila Dihia-dihia 2003

²¹ Bualu bua hakamanyabo Nzambi, kabakamutumbisha bu Nzambi, kabakamusakidila; kadi meshi akelabo akalua a hatuhu, ne mitshima yabo mijibale yakalua mîdima.

Rome 1:21 ပူးပေါင်းရင်းမြစ်များ

Genese 6:5

Maweja-Nangila kumona ne buenzayi bua bantu budi buenda buvulangane pa buloba, meji adibu bela matuku onsu adi anu mabi.

Genese 8:21

Mulambu kununkilawu Maweja-Nangila mupuya muimpe. Kununganaye wamba ne: “Nansha bantu bikale anu ne meji mabi biangatshile ku buana buabu, kadi tshiena ntshipa buloba kabidi bua buenzayi bua muntu. Tshiena mua kubutula bionsu bidi ne muoyi musangu muibidi bu mumvua muenze emu.

1 Bakalenga 20:23

Balombodi ba mu bukalenga bua bena Siriya, kuambilabu mukalenga wabu ne: — Mvidi Mukulu wa bena Izrayele udi Mvidi Mukulu wa ku mikuna, ke padi bena Izrayele batupite bukole. Kadi, tuye kuluangana nabu mu mpata, netubapite bukole bulelela.

2 Bakalenga 17:15

Bavua babenga mikenji ya Mvidi Mukulu, babenga kabidi ne ndondu uvuaye mutue ne bankambua babu, ne mibelu iwaye mubamanyishe. Bavua balamate anu mvidie ya tshianana, batua eku ne eku, bidikija muvuabu benza kudi bisamba bivuabu nabi mutumba, bivua Maweja-Nangila mubakandike bua kababidikiji to.

Misambu 50:23

Muntu udi ungela tuasakidila, ke udi untumbisha! Udi untumikila, ke undi mpandisha!

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Misambu 86:9

Wakafuka bisamba bionsu, nebifike bua kukukukuila, ne kukutumbisha wewe Maweja-Nangila.

Muambi 7:29

Tshintu tshimue tshindi mumanye ntshietshi: Mvidi Mukulu uvua mufuke muntu muakanangane ku bionsu. Kadi muntu ewu kudibuejakaja mu malu a bungi.

Yeshaya 60:2

Midima idi imbuikile buloba. Bantu badi benda mu miidima ya bufuku. Kadi wewe, Maweja-Nangila udi ukukenkesha, bu diba ditshidi dipatukilaku. Butumbi buende nebumuenekele pa mutu pebe.

Yirmeya 16:19

— Maweja-Nangila, wewe udi umpesha bukole. Wewe udi undama. Mu tshikondu tshia dikenga, ndi mua kunyemena kuudi. Bantu ba bisamba bikuabu nebafike kuudi wewe, bafuma ku nshikidilu wa buloba. Diba adi nebambe ne: “Bankambua betu bavua anu ne mvidie ya dishima. Mvidie yabu ivua anu lupepele, kayivua mua kuambuluisha muntu nansha umue.

Yirmeya 17:9

— Udi mua kumanya muoyi wa muntu nnganyi? Muoyi wende udi usama, kabayi mua kuondapa. Udi udinga bantu, kabayi mua kujingulula.

Yirmeya 2:5

Maweja-Nangila udi unukonka ne: Bankambua benu bavua bammone ne bualu bubi kaayi? Bakandekela bua tshinyi? Bakambenga amu bua kutendelela mvidie ya tshianana. Nanku bobu kabidi badi bantu ba tshianana!

Yirmeya 9:14

Nanku, meme Maweja-Nangila wa bukole buonsu Mvidi Mukulu wa bena Izrayele ndi ngamba ne: Nendishe bantu aba biakudia bia bululu, nembanuishe mayi mabi adi ne lulengu.

Yezekiyele 14:5

Diandamuna dianyi, nedinyingalaje bena Izrayele bavua bambenga, banange amu mvidie yabu ya bukoya.”

Yezekiyele 20:25

Meme kubapesha kabidi mikenji, kadi kayivua mibenzele bimpe to. Mvua mubapeshe meyi avua kaayi abapesha muoyi.

Osheya 2:8

Kadi meme Maweja-Nangila nenjikile mukaji awu njila ne lupangu lua meba. Nemmuele mu tshimana bua kamonyi njila wa kupitshila.

Yowanane 3:19

Telejayi mudi tshilumbu pa buloba: butoke mbufike pa buloba, kadi bantu kunanga bikole miidima kumpala kua butoke, bualu badi benza malu mabi.

Bienzedi 26:18

bua ubatabaje; ubumushe mu miidima, babuele mu butoke; ubapatule ku bumfumu bua diabolu, babuele mu bumfumu bua Mvidi Mukulu. Nanku bobu bangitabe, nebabajimijile mibi yabu. Nebabuele mu tshisumbu tshia bantu ba Mvidi Mukulu.”

Rome 1:19

Mvidi Mukulu udi ubanyoka, bualu bia Mvidi Mukulu bidi bantu mua kumanya bidi bimueneka ku mesu kuabu. Mvidi Mukulu nkayende mmubalejebi patoke.

Rome 1:28

Bu muyuabu babenga kumanya Mvidi Mukulu, Mvidi Mukulu mmubafile ku butshimbakane, bua kuenzabu bivuabu kabayi mua kuenza.

Rome 11:10

Upofamije mesu abu, kabamonyi kabidi tshintu. Nyongoboja nyima yabu kashidi.”

Rome 15:9

mMufike kabidi bua bantu ba bisamba bikuabu batumbishe Mvidi Mukulu bua luse luende. Ke padi Mukanda wa tshijila wamba ne: “Ke pandi nkutumbisha munkatshi mua bisamba bikuabu, nsaka misambu ya kutumbisha nayi dina diebe.”

Dielulula 28:29

Nenuendakane munda munya, nubabata bintu bu mpofu. Midimu yenu kayakutungunuka to. Bantu nebanukengeshe bikole, nebanyenge bintu bionsu binudi nabi, muntu nansha umue kayi mua kunuakuila.

2 Timote 3:2

Bualu bantu nebadinange. Nebanange bubanji. Nebaditembe, baditambisha, bapenda Mvidi Mukulu. Nebatombokele baledi babu. Kabakuvuluka kabidi bantu bavua babenzele bimpe. Kabakunemeka bidi bia tshijila.

1 Petro 1:18

Nudi bamanye muvuabu banupikule ku nsombelu wa patupu, uvua bankambua benu banushile. Ki mbanupikule ku bintu bia lupitapita, bu mudi tshiamu tshia mpawungi, nansha tshiamu tshitoke tshia mushinga mukole.

1 Petro 2:9

Kadi nuenu nudi tshisamba tshisungula. Nudi batuangaji ba Mukalenga, tshisamba tshia tshijila, bantu ba Mvidi Mukulu. mBanusungule bua kumanyisha bantu malu a dikema adi Mvidi Mukulu muenze. Bualu uvua munubikile bua nupatuke mu miidima, nubuele mu butoke buende bupite buimpe.

Didimanyisha 14:7

Uvua wamba ne diyi dikole ne: “Tshinayi Mvidi Mukulu, mutumbishayi! Bualu diba didiye ulumbuluisha bantu ndimane kukumbana. Kukuilayi Mufuki wa diulu, wa buloba, wa mayi manene, ne wa mpokolu ya mayi.”

Didimanyisha 15:4

Maweja-Nangila, wabenga kukutshina nnganyi? Wabenga kukunemeka udiku anyi? Bualu Wewe nkayebe udi wa tshijila. Bisamba bionsu nebikukukuile, bualu bantu bonsu badi bamona patoke malu mimpe audi wenza.”