Osheya 9:9 - MUKANDA WA MYIDI MUKULU

⁹ Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bakudinyanga ne tshinyangu tshikole, bu muakenzabo mu matuku a Gibea. Yeye neavuluke bubi buabo, neabakengeshe bua malu mabi abo.

Osheya 9:9 ပူးပေါင်းရင်းမြစ်များ

Ekesode 32:7

Maweja-Nangila kuambila Moshe ne: — Tuluka lukasa, bualu bantu bauvua mupatule mu Ejipitu mbenze bualu bubi bupite.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 31:6

Nuenu bena Izrayele, pinganayi kudi Maweja-Nangila, unuvua balengulule bikole.

Yirmeya 14:10

Maweja-Nangila udi wamba ne: “Eyowa, bantu abu mbasue kuendakana miaba yonsu, banshiya meme.” Kadi ebi kabiena bisankisha Maweja-Nangila. Nenku tshiena mua kupua malu mabi abu muoyi. Nembanyoke.

Yezekiyele 21:28

Bena mu Yerushalayime badi bela meji ne: “Bivua muena lubuku mumanyishe mukalenga wa bena Babilone kabiena mua kuenzeka to, bualu dilaya divuabu batulaye didi ditalama bimpe.” Kadi mukalenga wa bena Babilone udi ubavuluija mudibu batombokela Maweja-Nangila, kabidi mudibu ne bua kuya nabu mu bupika.

Osheya 10:9

Maweja-Nangila udi wamba ne: Nuenu bena Izrayele, bituadije ku Ngibeya, kunuvua benze amu malu mabi, buenzayi buenu kabuena bujika to. Nanku, ki mbimpe kuluisha bantu babi abu, too ne ku Ngibeya anyi?

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.

Osheya 5:8

Mu Ngibeya, elayi mpungi ya mvita. Mu Rama, elayi mpungi kabidi. Mu Betele-Awene, elayi lubila: bantu bambule bia mvita. Nuenu bena tshisamba tshia Binyamine, dimukayi, nudi mu njiwu!

Osheya 7:2

Kabena bela meji ne: meme Maweja-Nangila ndi mumanye bionsu bidibu benza. Mpindiewu, bubi buabu mbubajingile bu mionji. Ndi mmona bionsu abi.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 9:8

Muambi, nsentedi wa bena Efrayime, Mvidi Mukulu udi nende. Kadi, badi bamuteya, miaba yonsu idiye upitshila. Mu ditunga dia Mvidi Mukulu wende, muambi udi amu umona bena lukuna.

Sefanya 3:7

Pashishe meme kuela meji ne: Yerushalayime neannemeke, neavuluke mibelu yanyi, neayitabe! Nanku, tshiakumubutula to, tshiakukumbaja bimvua mumukanyine nabi. Kadi bantu badi basombamu; badi lukasa lukasa amu bua kuenza malu mabi.”

Balombodi 19:12

Mfumuende, muena Levi, kubenga, wamba ne: — Nansha kakese, katuena mua kuya mu tshimenga tshia bantu benyi, mudi kamuyi bena Izrayele to. Tutungunuke ne luendu too ne ku Ngibeya.

Balombodi 19:16

Dilolu adi, mukulumpe mukuabu uvua ufuma ku budimi, kufikaye muaba awu. Uvua wa ku buloba bua mikuna bua Efrayime. Kadi uvua musombele mu Ngibeya, tshimenga tshia bena Binyamine.

Balombodi 19:22

Kadi pavua benyi abu badia, basanka mu nzubu, bena buenzayi ba mu Ngibeya kunyungulula nzubu awu, kukokola ku tshiibi. Kuambilabu mukulumpe muena nzubu ne: — Patula muntu mulume uudi muakidile kuebe eku. Tudi basue ikale mukajetu.

Balombodi 20:43

Bena Izrayele kuela bena Binyamine munkatshi. Kubalondakajabu, benda babashipela mu njila, kabayi mua kubashila muaba, too ne ku muaba mukuabu uvua luseke lua kudi diba dipatukila lua Ngibeya.