Osheya 9:2 - MUKANDA WA MYIDI MUKULU

² Kadi ntete ya bukula idibu bashipula, ne mafuta adibu bakama, kanuakubiangata to. Maluvu a mvinyo mapiamapia anudi batekemene, nenumvue anu mupuya wawu.

Mukanda wa Nzambi Dihungila Dikulukulu ne Dihungila Dihia-dihia 2003

² Tshishihuidi ne tshikaminu kabiena bibadisha kabidi, nebahange nvinyo mihia-mihia.

Osheya 9:2 ပူးပေါင်းရင်းမြစ်များ

Genese 50:10

Bafika mu Ngorene-Atade, dishiya dia musulu wa Yardene, kujukulabu miadi mikole. Yozefe kuenza madilu a tatuende matuku muanda mutekete. Tshibilu tshivua tshinene.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Osheya 2:12

Eyowa, neuwule mukaji awu bilamba, babayende batangile. Muntu kena mua kunkandika to.

Osheya 2:9

Neenze muende muonsu bua kupeta babayende abu, kadi kakubasangana kabidi to. Pashishe neambe ne: “Mbimpe mpingane kudi bayanyi wa kumpala, bualu kudiye mvua ne disanka, dipite dindi nadi mpindiewu!”

Amosa 5:11

Nudi nukengesha udi kayi bukole, numunyenga ntete ivuaye munowe. Nanku kanuakulala mu nzubu mipiamipia, inuvua base ne mabue. Kanuakunua maluvu a mvinyo anuvua bapete, ku mionji misunguluke inuvua bakune.

Agayi 1:9

Nuvua batekemene biakudia bia bungi, nuenu kunowa bikese. Binuvua baye nabi mu nzubu yenu, meme kubiela mupuya, kutangalakabu Meme Maweja-Nangila wa bukole buonsu, ndi nnukonka ne: Ndi muenze nanku bua tshinyi? Ndi nnuamba ne: Ndi muenze nanku, bualu nudi balekele nzubu wanyi ashale munyanguke, nukuate mudimu bikole amu bua kulengeja yenu nuenu.

Agayi 2:16

makenga avua manukuate. Pavua muntu uya ku diyeba, bua kuangata bibombi makumi abidi bia ntete ya kuenza bukula, uvua upeta amu bibombi dikumi. Pavua muntu uya ku tshipanza tshia maluvu a nwinyo, bua kupongolola milangi makumi atanu, uvua amu upongolola milangi mukumi abidi.