Osheya 9:13 - MUKANDA WA MYIDI MUKULU

¹³ Bena Efrayime bavua bu mitshi ya mabue, mikuna mu buloba buimpe. Kadi lelu bakadi bafila bana bavuabu balela, kudi bashipianganyi.

Mukanda wa Nzambi Dihungila Dikulukulu ne Dihungila Dihia-dihia 2003

¹³ Bu munakadianjila kumona, bana ba balume ba Bena Efelayima badi ne bua kukuatshibua kudi bena nvita, ne Bena Efelayima nebikale ne bua kuhatula bana babo bua bakuabo babashihe.

Osheya 9:13 ပူးပေါင်းရင်းမြစ်များ

2 Bakalenga 15:16

Pashishe, Menaheme kuluisha tshimenga tshia Tapuwa, kushipa bena tshimenga atshi, kunyangakaja ditunga, biangatshile ku tshimenga tshia Tirsa too ne ku tshimenga tshia Tapuwa. Uvua uluisha tshimenga atshi, bualu kabavua bamunzuluile biibi to. Nanku, kupandaye bakaji bonsu bavua bimite mafu munda.

Yobe 27:14

Padi bana badibu balele bakola, badi babashipa mu mvita. Kabakuikala ne biakudia bikumbane.

Yirmeya 7:15

Kabidi nennubenge bu mumvua mubenge bana benu, bena Efrayime.”

Yirmeya 9:21

Wewe Yirmeya, ubambile kabidi malu makuabu andi meme Maweja-Nangila ngamba ne: “Bitalu bia bantu bidi bitala panshi bu bufuke bua kulukisha madimi. Bantu badi bafue anu bu miepu idi banowi bakose. Kadi kakuena muntu udi mua kuyipumbulula.”

Muadi 2:22

Wewe kubikila bena mutumba bamvua ntshina bikole, mudibu babikila bantu dituku dia disanka. Maweja-Nangila, dituku diuvua mufike munda, kakuvua muntu nansha umue uvua munyeme, nansha uvua mushale ne muoyi. Bana bamvua mukoleshe, bamvua mukongoluele mu maboku ne dinanga, muluishi kubashipa bonsu.

Yezekiyele 27:3

tshidi ku tshibuelelu tshia mayi manene, tshienda mushinga pamue ne bantu ba bungi badi basombela miaba mikuabu ku muelelu wa mayi. Umanyishe Tire ne: meme Maweja-Nangila Mvidi Mukulu ndi nkuambila ne: “Wewe Tire, udi uditemba ne: ndi muimpe be!

Osheya 10:14

Nanku, diyoyi dia mvita, nediumvuike munkatshi muenu. Bimenga bienu bionsu, bivuabu bakoleshe ne bimana, nebabiupule, anu muvua mukalenga Shalmane mupule Bete-Arbele, muzaze bamamu musangu umue ne bana bavuabu balele.

Osheya 13:8

Ndi nnubunda, mudi nyama wa nkashama wenza, padibu bamunyenga muana. Nennusunsule tshiadi tshienu. Nebanudie kudi mbua. Nyama ya tshisuku neyisunsule bitalu bienu.

Osheya 14:1

Nebanyoke bena Samariya bua buenzayi buabu, bualu mbatombokele Mvidi Mukulu wabu. Nebafue mu myita ne bana babu, nebatundule bakaji babu badi ne mafu.

Osheya 9:16

Bena Efrayime mbamane kupeta dikenga. Badi bu miji idi yuma, bu mutshi udi kauyi ukuama bimuma. Nansha bakaji babu balela bana, nengumushe bana abu, badibu bananga, mu buloba.

Amosa 7:17

“Mukajebe neenze mudimu wa ndumba mu tshimenga tshienu etshi. Bana bebe ba balume ne ba bakaji, nebabashipe mu mvita. Bantu bakuabu nebabanyangane mpangu ne madimi biudi nabi. Wewe mene neufuile kua bende, mu buloba budi ne mikiya. Bena Izrayele, nebaye nabu ku bupika, mutantshi mule ne diabu ditunga.”