Osheya 9:11 - MUKANDA WA MYIDI MUKULU

¹¹ Lumu lua bena Efrayime nelujimine, bu mudi nyunyi ya mishamisha ibuka, ijimina. Kabena mua kulela bana, kabena mua kuenda ne difu munda, kabena nansha mua kuimita.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Butumbi bua Bena Efelayima nebûmuke kudibo bu mudi nyunyu ubuka, nunku kakuena kuikala kulela kua bana, kakuena kuikala mukashi ne difu, kakuena kuikala kuimita kua difu.

Osheya 9:11 ပူးပေါင်းရင်းမြစ်များ

Genese 41:52

Kuinyikaye muana muibidi ne: Efrayime, wamba ne: “Mvidi Mukulu mmumpe lulelu mu ditunga edi, dimvua musombe mu dikenga dinene.”

Genese 49:22

Yozefe udi bu mutshi udi udiunda bimpe, utoloka ku mpokolu wa mayi. Matamba awu adi alepa, apita bimana bia nzubu.

2 Samuele 6:23

Mikale, muana wa Shawule, kavua mulele muana too ne ku lufu luende!

Yobe 18:5

Kadi, anu muendu wa muntu mubi ke udi ujima! Ndimi ya kapia kende kayakukenka kabidi to.

Misambu 58:8

Bapueke ne mayi. Buume bu bisosa bidibu badiata.

Muambi 6:3

Muntu udi mua kulela bana lukama, kulala kabidi panu bidimu bivule. Kadi bionsu ebi nebimuenzele tshinyi padiye kayi ne diakalenga matuku onsu adiye ulala panu, kabidi padi bantu kabayi mua kumujika bimpe? Ndi ngamba ne: muana wa tshibika mmumupite ku diakalenga.

Yeshaya 17:3

Bukalenga bua Efrayime kabuakuikala kabidi ne bena mvita. Bena Damase kabakuikala kabidi ne mukalenga to. Bantu badi bashala ne muoyi mu Damase, nebikale bakese, mudi bena Izrayele mene. Maweja-Nangila muena bukole buonsu, ke udi ujadika nanku awu.

Osheya 10:5

Bena Samariya badi batendelela mvidie wa kana ka ngombe ka mpawungi kadi ku Betele-Awene. Batendeledi ba mvidie awu, ne bantu badi badiamba ne: tudi batuangaji, badi benza madilu manene kumpala kuende. Bantu abu badi batumbisha mvidie awu, kadi butumbi buende bumane kujimina.

Osheya 4:7

Batuangaji bonsu mbangenzele bibi, kabena batumikila mikenji imvua mubambile. Mbambenge meme Maweja-Nangila, uvua butumbi buabu, bua kutendelela mvidie ya patupu.

Osheya 5:9

Dituku dia kunyoka bantu, bena Efrayime nebabutuke bonsu, ditunga diabu nedishale anu tshipela. Bionsu bindi mmanyisha bena Izrayele, nebienzeke, kamuyi mpata.

Osheya 9:14

— Maweja-Nangila paudi musue kunyoka bena Efrayime, neubanyoke mushindu kaayi? Bakaji babu bikale ba nkumba, kabayi mua kuamusha bana.

Amosa 1:13

Teleja tshidi Maweja-Nangila wamba ne: “Ndi ndumbuluisha bena Amone, mbapisha bua malu mabi mavule, kadi nangananga, bualu mu mvita ivuabu baluangana mu ditunga dia Ngilaade, bua kutentamuna mikalu ya buloba buabu, bakapanda mafu a bakaji bavua nawu. Nanku tshiena mua kubafuila luse nansha! Nenkumbaje bindi mujadike ne:

Luke 23:29

Bualu matuku neafike, bantu nebambe ne: “Diakalenga ndia bankumba, ndia badi kabayi balela, kabayi banji kuamusha bana.”

Dielulula 28:18

Maweja-Nangila kakunupa bana ba bungi. Kanuakuikala ne biakudia bia bungi. Ngombe yenu, mikoku ne mbuji kabiakuvulangana to.

Dielulula 28:57

Newoshe muanende mutekete utshidiye ulelelaku, nansha nkishabende mene, disu dia lonji. Bualu matuku adibu bamutshintshimike awu, mukaji awu kena ne tshintu tshikuabu tshia kudia to. Neakebe mua kudia munyinyi wa bana bende abu mu musokoku, matuku adibu banukengesha mu bimenga bienu.

Dielulula 33:17

Yozefe apete lumu! Udi mukole bu ngombe mulume, udi ne nsengu ibidi bu ya nyama wa mbowa, ya kutshimuna nayi bisamba bikuabu, kubipata too ne ku ndekelu wa buloba. Lusengu lumue ke bantu binunu ne binunu ba bena Efrayime, lukuabu ke bantu nkama ne nkama ba bena Menashe.”