Osheya 9:10 - MUKANDA WA MYIDI MUKULU

¹⁰ Maweja-Nangila kuamba ne: Kale pamvua musangane bena Izrayele, bivua bu tumuma tua mvinyo, tudi muntu upeta mu tshipela. Mvua mumone bankambua benu, bu tshimuma tshia tshianyi, tshidibu bapeta ku mutshi wa mfiku. Kadi batshifikilaku ku Bete-Peyore kudifilabu kudi Baale-wa-bundu. Kushalabu bantu babi, bafuanangane ne Baale, munanga wabu mupiamupia.

Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Nakasangana Bena Isalele bu tumuma tua nvinyo tua mu tshihela, nakamona batatu benu bu tumuma tua ku mpala tua mutshi wa nfigi. Kadi bakahia ku Bâla-peô, bakadijidila kudi Bâla udi ubafuisha bundu, bakalua bena tshinyangu bu muakadi tshintu tshiakanangabo.

Osheya 9:10 ပူးပေါင်းရင်းမြစ်များ

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

2 Bakalenga 17:11

Bavua balambula milambu miaba yonsu ya kutendelela mvidie, bu muvua bisamba bikuabu bienza, bivua Maweja-Nangila muipate, bua kushila bena Izrayele ditunga. Bena Izrayele kuenza buenzayi, kufikisha Maweja-Nangila munda.

Misambu 115:8

Bantu badi bayifula, bikale bu yoyi! Bonsu badi bayitekemena, bayifuane!

Misambu 81:12

Kadi bantu banyi, kabena bumvua diyi dianyi, bena Izrayele badi bambenga.

Musambu wa Solomo 3:6

Nganyi udi ufuma nenku mu tshipela, bu divuba dia muinshi, divuba didi dinunka mupuya wa kamonya, dinunka manananshi a mipuya mishilangane, afuma ku matunga a bende.

Yeshaya 28:4

Bilongu bikadi bifubidila. Bivua ku tshifulu tshivua tshitangilangane ne tshibandabanda tshia madimi mimpe, nebabidiatakaje mu makasa. Tshimenga tshia Samariya netshikale bu tshimuma tshia mfiku, tshidi tshidianjila kuboba, tshikondu tshia kupola, katshiyi tshianji kukumbana. Muntu wa kumpala watshimona, udi utshipola diakamue, udia.

Yirmeya 11:13

Mu ditunga dia bena Yuda, tshimenga tshionsu tshidi ne watshi mvidie. Mu musesu onsu wa mu Yerushalayime mudi amu tshilambuilu tshia kulambula mvidie Baale udi utukuatshisha bundu.”

Yirmeya 24:2

Bimuma bia mu tshisaka tshia kumpala bivua bimpe bitambe, bivua bu bia ku ntuadijilu bia ku tshikondu tshia kupola bimuma. Bimuma bia mu tshisaka tshibidi bivua bibole, kabayi mua kubidia to.

Yirmeya 3:24

Biangatshile ku buana buetu, mvidie mubi Baale mmumane kubutula biakudia bionsu bivua baledi betu bapete, bimuna binene ne bikese, bana babu ba balume ne ba bakaji.

Yirmeya 3:25

Tulalayi panshi bua bundu. Bundu butubuikile! Bualu tudi benzele Maweja-Nangila Mvidi Mukulu wetu bibi, ne tuetu ne baledi betu. Biangatshile ku buana buetu too ne mpindiewu, katuena bateleje bivua Maweja-Nangila Mvidi Mukulu wetu mutuambile.

Yirmeya 31:2

Maweja-Nangila udi wamba ne: Meme ndi mfuila bantu banyi luse. Nensangishe mu tshipele bonsu bavua muele kauyi mushipe. Nanku bena Izrayele nebapingane kuabu, basombe mu bupole.

Yirmeya 5:31

Bambi, badi bamba malu mu dina dia mvidie ya tshianana. Batuangaji badi bakeba amu kudisankisha nkayabu. Bantu banyi bena Izrayele badi banyisha bionsu ebi. Kadi, ku nshikidilu nenuenze tshinyi?

Yezekiyele 20:8

“Kadi bena Izrayele kuntombokela, kubenga kungitaba. Muntu nansha umue kavua mubenge mvidie ya dishima ivuaye utendelela. Kavua muimanshe mpingu ya bena Ejipitu. Diba adi meme kushindika ne: nembanyoke ne tshiji. Nkavua musue kubabutuila mu Ejipitu mene.

Osheya 11:1

Maweja-Nangila udi wamba ne: “Patshivua bena Izrayele bana batekete, meme mvua mubanange. Mvua mbabikila ne: mbana banyi. Meme kubapatula mu Ejipitu.

Osheya 13:5

Meme ke uvua munulame, panuvua mu tshipela, mu ditunga divua ne munanga.

Osheya 2:15

Nemmunyoke nanku, bua matuku avuaye ulambula mvidie Baale ne mvidie mikuabu. Uvua udilengeja ne tukanu, kabidi ne mabue a mu nshingu, ukeba balume ba kuenda nabu tshiendenda. Kadi uvua umpua muoyi. Meme Maweja-Nangila, ndi ngamba nanku.

Osheya 4:14

Kadi, tshiena nnyoka bana benu ba bakaji, badi benda tshiendenda, nansha bakaji ba bana benu ba balume, badi batomboka ku mabaka. Nennunyoke anu nuenu batuangaji, bualu nuenu mene nudi nuenda tshiendenda ne bana ba bakaji ku luseke. Nudi nuabanyangana bintu bia milambu, ne bakaji bena tshiendenda mu nzubu ya mvidie. Bu mudibu bela lusumuinu ne: “Bantu badi kabayi ne lungenyi, nebabutuke.”

Osheya 4:18

Padibu bajikija kunua kua maluvu, badi batuadija kuenda tshiendenda. Bamfumu babu badi babafikisha ku malu mabi mapite.

Amosa 4:5

Nudi nuoshila pa tshilambuilu mampa mela buanga, bua mulambu wa kuela tuasakidila. Nudi nubikila bantu ku milambu ya budisuile inudi nulambula. Ke binudi nunanga bikole, kadi nudi amu nuntombokela. Meme Maweja-Nangila ndi njadika nanku.

Mika 7:1

Eyi! Ndi muena diakabi! Ndi bu muntu udi uya kupola bimuma, ku mitshi idibu bamane kupola, bajikija, bu muntu udi uya kukeba tumuma tua mvinyo, bena mudimu bamane kutupola tuonsu. Tshiena musangane nansha kamuma, ku mionji ya mvinyo, nansha ku mutshi wa mfiku. Eku nzala ya kudia tumuma, mvua nayi mipite!

Dibadika 15:39

Nanku, nuvuale bilamba bitela ne malenda. Panuikala numona malenda awu, nenuvuluke mikenji yanyi bua kuyikumbaja. Kabidi kanuakutendelela mvidie, bua kulonda majinga enu mabi ne lukuka luenu.

Dibadika 18:13

Bintu bionsu bidi bena Izrayele bandambula bia mu ditunga diabu mbiebe wewe ne bia bena diku diebe bonsu badi kabayi ne mikiya.

Rome 6:21

Kadi panuvua benze malu adi anufuisha bundu mpindiewu, tshinuvua bapete ntshinyi? Malu a nanku adi afikisha ku lufu!

Dielulula 32:10

Maweja-Nangila kusangana bena Izrayele mu tshipela, munkatshi mua miadi ya mibuabua. Kubakubaye, kubalongeshaye, kubalamaye bu mudi muntu ulama disu.

Dielulula 32:17

Kulambulabu bifukibua, kabiyi nansha mvidie, milambu. Mvidie mipiamipia ayi, kabavua bayimanye. Bankambua kabavua bayinemeka.

Dielulula 4:3

Nuvua badimuene nkayenu, muvua Maweja-Nangila Mvidi Mukulu wenu, mubutule bantu, bavua batendelela mvidie Baale-Peyore.

Balombodi 6:32

Kutuadija tshikondu atshi, kuinyikabu Ngideyone dina dikuabu ne: Yerubaale — mmumue ne: Baale adisungidile nkayende — bu muvua Yowashe muambe ne: “Baale nkayende adisungidile, bualu tshilambuilu tshidibu bupule ntshiende!”