Osheya 8:14 - MUKANDA WA MYIDI MUKULU

¹⁴ Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bua Bena Isalele bakuhua Mufuki wabo muoyo, bakuasa nsubu minene ya bakelenge; Bena Yuda bakuvudisha misoko ya nvita idi ne ngumbu ya mabue; kadi nentume kahia mu misoko yabo, nekoshe nsubu yabo ya bakelenge.

Osheya 8:14 ပူးပေါင်းရင်းမြစ်များ

1 Bakalenga 12:31

Yerobowame kuibaka nzubu ya tshijila pabuipi ne miaba mitumbuke kuabu batendelela mvidie kale. Kusungulaye bantu ba munkatshi mua bena Izrayele, bua kuikalabu batuangaji. Bantu abu, kabavua ba mu tshisamba tshia bena Levi to.

1 Bakalenga 16:31

Kawa muenze anu malu mabi bu avua Yerobowame, muana wa Nebate muenze to. Uvua musele kabidi Yezabele, muana wa Etbale, mukalenga wa bena Sidone. Uvua uyakukukuila kabidi mvidie Baale, umutendelela.

2 Bakalenga 18:13

Izkiya mumane kulala mu bukalenga bidimu dikumi ne binayi, Senakeribe, mukalenga wa bena Ashure, kuluisha bimenga bionsu bia Yuda bivua ne bimana bikole, kubikuata.

2 Kulondolola 26:10

Uvua muibake kabidi ne bibumba bia batentekedi mu buloba bua mu tshipela. Uvua mumbule bina bia mayi bia bungi, bualu uvua ne bimuna bivule ku muelelu wa Mayi manene, ne mu mpata. Uvua kabidi ne babidime, ne bena mudimu ba mitshi ya mvinyo pa mikuna, ne mu madimi a mvinyo, bualu uvua mupite kunanga didima.

2 Kulondolola 27:4

Uvua muase kabidi bimenga mu buloba bua mikuna ya bena Yuda. Uvua muibake kabidi nzubu mikole ne tuleya mu metu.

Misambu 106:21

Kubengabu kuvuluka Mvidi Mukulu musungidi wabu, uvua mubenzele malu manene mu Ejipitu,

Misambu 95:6

Buelayi, tuiname, tuinyike mitu, tutue binu, kumpala kua Maweja-Nangila, Mutufuki wetu.

Yeshaya 17:10

Bena Izrayele nukadi bapue Mvidi Mukulu muoyi. Yeye ke uvua munusungidile! Kanuena nuvuluka Mupandishi wenu, udi bu lubuebue luenu, muaba unudi mua kusokomena. Nukadi nukuna mitshi, bua kutendelela nayi mvidie ya bantu benyi. Nudi numiamina ntete, bua kunemeka nayi mvidie ya mu matunga a bende.

Yeshaya 29:23

Padibu bamona, bobu ne bana babu, midimu indi muenze munkatshi muabu, nebajadike mundi. Nebamanye ne: Ndi Mvidi Mukulu wa tshijila wa Yakobe. Nebatshine kuenza bindi mbenga meme, Mvidi Mukulu wa Izrayele.

Yeshaya 42:13

Maweja-Nangila udi wenda usemena kumpala, bu tshilobu tshia bukitu mu mvita. Udi udilongolola bua kuluangana. Udi utua tshisamu tshia mvita, utshimuna bena lukuna bende.

Yeshaya 42:25

Ke pavua Maweja-Nangila muleje bantu bende bunene bua tshiji tshiende, mubakengeshe ne mvita. Mvita kuosha bena Izrayele nseke yonsu. Kadi nanshabu kujingulula tshintu. Kapia kubosha, kubashidisha, kadi nanshabu kubuelela meji.

Yeshaya 43:21

Nenku bantu bandi muenze, nebumvuije bakuabu malu manene andi muenze.”

Yeshaya 9:10

Nenku Maweja-Nangila mmujule Resine, muluishi wabu; mmusonsole baluishi babu nseke yonsu:

Yeshaya 9:9

“Nzubu ya tushole ivuabu bupule, nebibakulule ne mabue masonga! Nansha bobu bashimbule makunji a mitshi ya sikomore, ki mbualu to. Netupingaje pa mutu pawu makunji a mitshi ya sedre!”

Yirmeya 17:27

Kadi nuenu kanuyi banteleje, nuenu balengulule dituku dianyi dia Dikisha, nuenu bapitshile ku biibi bia mu Yerushalayime dituku adi ne bujitu panyima, nengoshe tshimenga. Kapia nekabutule nzubu mimpe yonsu, kabayi mua kukajima.”

Yirmeya 2:32

Nsongakaji udi mua kupua muoyi bilengejilu ne mabue a mushinga mukole anyi? Mukaji udi ku dibaka udi mua kupua muoyi mukaba muimpe muluka, uvuaye muvuale mu tshibilu tshia dibaka anyi? Nansha kakese. Kadi nuenu bantu banyi bena Izrayele, nudi bampue muoyi matuku a bungi kaayi mua kubala to.

Yirmeya 23:27

Padibu balondelangana malu adibu bamone, badi bakeba bua bantu banyi kabavuluki kabidi ne: meme ndi nganyi, amu muvua bankambua babu bampua muoyi, batendelela mvidie Baale.

Yirmeya 3:21

Meyi adi umvuika pa mikuna. Bena Izrayele ke badi badila, batendakana. Bualu bavua bambenge, bapambuke mu njila. Bavua bampue muoyi, meme Maweja-Nangila Mvidi Mukulu wabu.

Yirmeya 5:17

Bena tshisamba atshi nebadie bintu bienu bionsu, binudi nunowa, ne binutshidi nabi mu mayeba, bana benu ba balume ne ba bakaji, bimuna bienu binene ne bikese, mionji yenu ya mvinyo ne mitshi yenu ya bimuma. Bena mvita nebanyangakaje bimenga bienu bivuabu bakoleshe ne bimana, muaba unudi nuela meji ne: njiwu kayena mua kutukuata munemu to.”

Yezekiyele 23:35

Ndi ngamba ne: bu muudi mumpue muoyi, mumbenge, nenkunyoke bua tshiendenda ne bua buenzavi buebe.”

Osheya 13:6

Panuvua bafike muaba uvua ne bisosa, nzala yenu kujika diakamue. Kadi bamane kudia buukute, ke nuenu kuditambisha. Ke munuvua bampue muoyi.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Amosa 1:10

Nengoshe tshimenga tshia Tire, kapia nekashidishe nzubu yatshi mimpe.”

Amosa 1:12

Nengoshe tshimenga tshia Temane. Kapia nekashidishe nzubu mimpe idi mu Bosra.”

Amosa 1:14

Nengoshe tshimenga tshiabu tshia Raba. Kapia nekashidishe nzubu yatshi mimpe. Dituku adi, nebele mbila ya mvita, mikole bu tshiona tshia lupepele lua mvunde.

Amosa 1:4

Nengoshe nzubu wa mukalenga Azayele, kabidi ne nzubu munene wa mukalenga Benadade.

Amosa 2:5

Nengoshe ditunga dia bena Yuda. Kapia nekashidishe nzubu milenga idi mu Yerushalayime.”

Efeze 2:10

Bualu amu Mvidi Mukulu ke udi mutufumbe, mutufuke bua tuetu kudisanga ne Yezu Kristu, bua tukumbaje malu mimpe akavuaye mudianze kulongolola bua tuetu kuenza.

Dielulula 32:18

“Eyowa, bena Izrayele, nudi balengulula Maweja-Nangila, mulami wenu uvua munupeteshe muoyi. Yeye ke udi munufikishe ku bantu.”