Osheya 7:7 - MUKANDA WA MYIDI MUKULU

⁷ Bonsu ne tshiji tshikole, bu kapia ka mu tshioshilu, badi bashipa balombodi babu. Bakalenga babu badi babutuka ku umue ku umue. Kadi muntu nansha umue kena mumbikile to.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Buonso buabo badi batema bu nfulu, badi bamina bakokeshi babo. Bakelenge babo bonso bakubikuka mu bukelenge; kakuena umue wa munkatshi muabo udi umbikila.

Osheya 7:7 ပူးပေါင်းရင်းမြစ်များ

1 Bakalenga 15:28

Bionsu abi bivua bienzeka mu tshidimu tshisatu tshivua Asa mu bukalenga bua bena Yuda. Basha kuangata bukalenga bua bena Izrayele.

1 Bakalenga 16:18

Zimri umona ne: mbamane kukuata tshimenga tshia Tirsa, kunyemenaye mu tshibambalu tshikuabu tshia nzubu wa bukalenga. Kutuaye kapia ku tshibambalu atshi, kufuaye mu kapia.

1 Bakalenga 16:22

Kadi bantu bavua ku luseke lua Omri kutshimuna bantu bavua ku luseke lua Tibni, muana wa Nginate. Tibni kufua. Omri kushala mukalenga wa bena Izrayele.

2 Bakalenga 10:14

Yehu kuela diyi ne: — Bakuatayi ne muoyi! Bantu bavua Yehu nabu, kukuata bana babu ne Akaziya abu ne muoyi! Kabashipabu, kuimansha bitalu biabu mu tshiina tshivua ku Bete-Ekede. Bantu bavuabu bashipe abu, bavua makumi anayi ne babidi. Muntu nansha umue kavua mushale ne muoyi to.

2 Bakalenga 10:7

Balombodi bapeta mukanda uvua Yehu mubatumine, kutandishabu ndelanganyi ya mukalenga Akabe yonsu makumi muanda mutekete, kuyishipa. Kuelabu mitu yabu mu bibombu, kutumina Yehu mitu ayi mu Yizreyele.

2 Bakalenga 15:10

Nanku, muntu mukuabu dina diende Shalume, muana wa Yabeshe, kuelela Zekarya tshifufu tshibi, kumushipa ku Ibleyame, kuangata bukalenga.

2 Bakalenga 15:14

Muntu mukuabu, dina diende Menaheme, muana wa Ngadi, uvua ufumina mu tshimenga tshia Tirsa. Ubuela mu Samariya, kushipaye Shalume, kuangata bukalenga.

2 Bakalenga 15:25

Muntu mukuabu, dina diende Peka, muana wa Remalya, uvua wambuluisha Pekahiya mu mitanda. Kumuelelaye tshifufu tshibi. Nanku, ne bena mvita makumi atanu ba bena Ngilaade, kuyaye kuluisha Pekahiya mu tshibambalu kampanda tshia ku nzubu wa bukalenga. Peka mumane kushipa Pekahiya, kuangataye bukalenga.

2 Bakalenga 15:30

Muntu mukuabu, dina diende Osheya, muana wa Ela, kuelela mukalenga Peka tshifufu tshibi, kumushipa, kuangata bukalenga. Tshikondu atshi, mukalenga wa bena Yuda, Yotame, muana wa Azariya, uvua mumane kulala mu bukalenga bidimu makumi abidi.

2 Bakalenga 9:24

Yehu kuambula buta buende bua miketa, kuasa Yorame muketa pankatshi pa makaya, kubuelawu ne ku muoyi wa munda, kusompoka. Yorame kudishadila mu ditempu diende, kufua.

2 Bakalenga 9:33

Yehu kubela diyi ne: — Sakilayi mukaji awu panshi! Kusakilabu Yezabele pa dididishi. Kudishindaye panshi. Mashi ende kutampakana ku bimana ne ku nyama ya tubalu. Yehu kudiatakaja tshitalu atshi ne ditempu.

Yobe 36:13

Bantu badi babenga Mvidi Mukulu, badi bamufikisha munda, kabena bamusengelela nansha yeye mubanyoke.

Misambu 14:4

Maweja-Nangila udi wamba ne: “Bonsu badi bakengeshangana aba, kabena bumvue bualu nansha bumue. Badi badia bantu banyi bu mampa, babenga kuntendelela.”

Yeshaya 43:22

Maweja-Nangila udi wamba ne: “Wewe Izrayele, tshisamba tshia Yakobe, kuena muntendelele to. Meme nkavua mukutonde!

Yeshaya 64:4

Wewe udi wakidila bantu badi benza muudi wewe musue, badi bitaba ku diyi diebe ne disanka, badi bakeba kulonda njila iudi mubaleje. Uvua mufika munda, bualu tuvua bakutombokele. Kadi netupande, patuikala tulonda njila webe utuvua balonde kale.

Yeshaya 64:6

Kakuena muntu nansha umue udi ukeba kukulomba diambuluisha, ujinga kudilengeja, ukuitaba. Bualu wewe mene kuena musue kutumona kabidi. Ukadi mumane kutubenga bua bilema bietu.

Yeshaya 64:7

Kadi wewe, Maweja-Nangila, udi amu tatu wetu. Tuetu tudi diima. Wewe ke udi mutufumbe, tudi bonsu bintu biuvua muenze ku bianza biebe.

Yeshaya 9:13

Nenku Maweja-Nangila neanyoke bena Izrayele bonsu, bamfumu ne bantu babu, amu dituku dimue, amu mudibu bakose mutu ne mukila.

Yezekiyele 22:30

Mvua mukebe muntu uvua mua kuibaka tshimana, nansha uvua mua kuimana muaba uvuabu bakeba kushimbula, bua kunkandika bua tshibutudi tshimenga. Kadi tshiena mupete muntu nansha umue.

Danyele 9:13

Maweja-Nangila Mvidi Mukulu wetu, makenga aa mmatukuate, bilondeshile mudibu bafunde mu mikenji ya Moshe. Kadi tuetu katuvua bakusengelele, bua utufuile luse. Katuena balekele mibi yetu. Katuena bangate meyi ebe ne mushinga.

Osheya 13:10

Mukalenga wenu udi penyi? Ke yeye uvua ne bua kunusungidila! Bamfumu benu bonsu badi penyi? Ke bavua ne bua kunulombola! Nuenu ke bavua bandomba mukalenga, bandomba kabidi ne bamfumu.

Osheya 5:15

Maweja-Nangila udi wamba ne: Eyowa, nempingane kuanyi, too ne ku diba didi bena Efrayime ne bena Yuda, batonda bubi buabu, bapingana kundi. Amu dikenga nedibalongeshe mua kunkeba, kupingana kundi.

Osheya 7:10

Ditambisha dia bena Izrayele, ke didi dibasonguela. Kadi, nansha bobu bamona makenga onsu aa, kabena bapingana kundi meme Maweja-Nangila Mvidi Mukulu wabu to.

Osheya 7:14

Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Osheya 8:4

Bena Izrayele badi badilekela bamfumu, meme tshiyi muanyishe. Badi badisunguila babalombodi, meme tshiyi mumanye. Badi bangata tshiamu tshitoke tshia mushinga mukole ne tshia mpawungi, bua kudienzela mpingu. Badi benza nanku, badi bajimija bintu biabu.

Mika 2:1

Bantu badi bela meji butuku, badilongolola bua kuenza malu mabi, butshia baakumbaja, bualu badi ne bukole bua kuenza, mbena diakabi.