Osheya 7:5 - MUKANDA WA MYIDI MUKULU

⁵ Dituku dia tshibilu tshia mukalenga wabu, balombodi badi banua maluvu. Padi maluvu abakuata, badi bakula tshiakulakula.

Mukanda wa Nzambi Dihungila Dikulukulu ne Dihungila Dihia-dihia 2003

⁵ Mu dituku dia disanka dia mukelenge wetu bakokeshi bakadisamisha ku luya lua maluvu a nvinyo; yeye wakolola tshianza tshiandi diatshimue ne baseki.

Osheya 7:5 ပူးပေါင်းရင်းမြစ်များ

Genese 40:20

Matuku asatu akumbana, mukalenga kuenza tshibilu tshia diledibua diende. Kulambishilaye balombodi ba mu bukalenga buende bonsu biakudia. Mukalenga kubandisha bena lukanu babidi abu milongu, bantu bonsu aba batangile: ke mutangidi wa balongolodi ba maluvu a mukalenga, ne mutangidi wa balambi ba biakudia bia mukalenga.

1 Bakalenga 13:4

Mukalenga Yerobowame umvua bionsu bivua muambi wamba, muvuaye ubenga tshilambuilu atshi tshivua mu Betele, kuololaye diboku pa mutu pa tshilambuilu, wela diyi ne: — Kuatayi muntu ewu! Kadi, diboku diende kushala ditandabala, diuminyine, kayi ne mushindu wa kuditunya kabidi to.

Misambu 1:1

Muena diakalenga ngudi ubenga meji adi bantu babi bamuambila, kayi ulonda tshidi bantu bapambuke benza, kayi usomba pamue ne bantu badi baseka Mvidi Mukulu!

Misambu 69:12

Mvua muvuale bilamba bia madilu, bobu kunsaka mu misambu.

Nsumuinu 13:20

Udi wenda ne bena meji, udi upeta meji. Kadi udi wenda ne bidingidingi neashale kabidi tshidingidingi.

Nsumuinu 20:1

Mvinyo udi ufikisha muntu ku matandu. Maluvu makole adi asaka muntu ku mutoyi. Muntu yonsu udi ubinua ukuatshika, kena ne meji.

Yeshaya 28:1

Nuenu bena Efrayime, nuenu badi bakuathika maluvu, nudi bena diakabi. Nudi nuditambisha bua tshimenga tshienu tshia Samariya, tshidi bu tshikata tshia lumu, tshinuvua base kulu, tshitangilangane ne tshibandabanda tshidi ne madimi mimpe. Kadi tshiotshi tshidi amu bu tshifulu tshienza ne bilongu bimpe. Bilongu ebi bidi bifubidile pa mitu ya bakuatshiki ba maluvu.

Yeshaya 28:14

Nuenu basekianganyi, badi balombola bantu aba ba mu Yerushalayime, umvuayi bidi Maweja-Nangila wamba ne:

Danyele 5:23

Wakupetula Mvidi Mukulu wa mu diulu, pauvua muele diyi bua bakutuadile makopu a tshijila a mu nzubu wa Mvidi Mukulu. Nuakunuinamu maluvu, wewe, bantu banene ba mu bukalenga buebe, bakaji bebe ba biuma, ne baudi mubanjije. Kabidi udi mutumbishe mvidie idibu bafula ne tshiamu tshitoke tshia mushinga mukole, tshia mpawungi, tshiamu tshikunze ne tshifiike, ne mvidie idibu basonga ne mabaya, kabidi ne mabue. Ke mvidie idi kayiyi imona, kayiyi yumvua, kayiyi mimanye tshintu. Uvua mubenge kutumbisha Mvidi Mukulu, udi mukulame, mumanye malu ebe onsu.

Osheya 7:3

Maweja-Nangila udi wamba ne: Badi basankisha mukalenga wabu, eku bamusokoka meji mabi adibu nawu. Badi baseka ne balombodi ba mu bukalenga, eku babasokoka bidibu basue kuenza.

Matayi 14:6

Kadi dituku dia mufikilu wa diledibua dia Erode, muana wa bakaji wa Erodiyade uvua uja maja, bantu bonsu batua Erode mubikile batangile. Nsongakaji awu uvua mupite kusankisha Erode.

Marke 6:21

Kadi ku ndekelu, Erodiyade kututa dikasa dimpe, musangu uvua Erode wenza tshibilu tshia diledibua diende. Erode uvua muenzele bena mu bukalenga buende didia dinene, kabidi ne bamfumu ba basalayi ne bantu baneme ba mu Ngalileya.

Efeze 5:18

Kanukuatshiki maluvu. Bualu bunuavi budi bunufikisha anu ku buenzavi. Kadi ikalayi ne Mueyelu wa Tshijila munda muenu tente.