Osheya 7:4 - MUKANDA WA MYIDI MUKULU

⁴ Bonsu badi bena tshiendenda. mBafuanangane ne tshioshilu tshia mampa, tshidi tshitema kapia kakole. Muoshi wa mampa kena mua kukasonsola, katshia usopa mampa too ne muabandawu.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Buonso buabo badi bena masandi; badi bu nfulu udi mulambi mutemeshe, udi ulekela kusonsola kahia, ku tshikondo tshidiye uhanga kuenza mampa tô ne hatuntumukau.

Osheya 7:4 ပူးပေါင်းရင်းမြစ်များ

Yirmeya 23:10

“Ditunga ndiuwule tente ne bantu bena tshiendenda. Badi benza bibi ne disanka dionsu. Badi ne muoyi mukole anu bua kuenza malu mabi. Ke padi buloba mu madilu. Ke padi bisosa bionsu bia kudisha nabi nyama biume mu ditunga.

Yirmeya 9:1

Eyi, bu meme mu tshipela, muaba udi bena luendu bikishila, mvua mua kubenga bantu banyi bena Izrayele, mvua mua kubashiya kashidi. Bualu mbantu batomboke. Bonsu badi amu babenga Maweja-Nangila.

Yirmeya 9:2

Maweja-Nangila udi wamba ne: “Ndimi ya bantu aba idi anu minana bu buta, miaku yabu ke mikete ya kudinga nayi bantu. Badi ne bukole mu ditunga edi, ki mbua malu malelela adibu bamba to, kadi anu bua dishima didibu bashima bantu. Badi benza malu mabi misangu ne misangu. Kadi kabena bammanye meme to.

Osheya 4:10

Nansha bobu badia, kadi kabakuukuta to. Nansha benda tshiendenda, kadi kabakulela to. Bualu mbambenge meme Maweja-Nangila, bua kutendelela mvidie mikuabu.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

1 Korente 5:6

Tshinudi mua kuditambishila ntshinyi? Nudi bamanye lusumuinu lua ne: “Buanga bukese bua mampa budi butuntumuna tshitapitapi tshionsu.”

Yakobe 4:4

Nuenu nudi bantu badi babenga Mvidi Mukulu! Kanuena bamanye ne: kunanga bia panu nkubenga Mvidi Mukulu anyi? Udi unanga bia panu, udi musue kudienza muluishi wa Mvidi Mukulu.