Osheya 7:2 - MUKANDA WA MYIDI MUKULU

² Kabena bela meji ne: meme Maweja-Nangila ndi mumanye bionsu bidibu benza. Mpindiewu, bubi buabu mbubajingile bu mionji. Ndi mmona bionsu abi.

Mukanda wa Nzambi Dihungila Dikulukulu ne Dihungila Dihia-dihia 2003

² Kabena belangana meji mu mitshima yabo ne, Yehowa udi uvuluka bubi buetu buonso, bienzedi bietu bibi bidi bitunyunguluka, bidi ku mpala kuandi.

Osheya 7:2 ပူးပေါင်းရင်းမြစ်များ

Yobe 34:21

Mvidi Mukulu udi ukenketa luendu lua bantu, bualu udi ukonkonona bionsu bidibu benza.

Misambu 10:11

Muntu mubi udi wela meji ne: “Mvidi Mukulu kena bualu ne bindi ngenza. Kena musue kubimanya, kena musue kubimona!”

Misambu 25:7

Nanku, kuvuluki bilema bianyi bia ku buana, nansha ntupakanyi yanyi. Kadi Maweja-Nangila, kumpu muoyi, bualu udi munnange. Ndi ntekemena luse luebe.

Misambu 50:22

Nuenu nukadi bampue muoyi! Kadi telejayi bimpe bindi nnuambila. Tshianana nennusunsule bu ntambue, muntu kayi mua kunkandika!

Misambu 9:16

Bisamba bia bantu mbidishinde mu tshiina, tshivuabi biumbuile bisamba bikuabu. Bukondu buvuabi biele mu musokoku mbubijingile.

Misambu 90:8

Wewe udi muleje malu etu mabi patoke, butoke buebe budi bukenkesha malu etu masokome.

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Yeshaya 26:16

Maweja-Nangila, patuvua mu dikenga, tuvua bakujinge. Pauvua mutunyoke, tuvua bakusengelela.

Yeshaya 44:19

Muntu nansha umue wa kudibu kena wela meji. Muntu nansha umue kena ne lubatshi, nansha ne lungenyi lua kuamba ne: “Mvua muoshe tshitupa tshia mutshi ewu. Mu mbabula, meme kulamba biakudia, kuosha munyinyi undi ndia ewu. Kadi ne tshitupa tshia mutshi tshidi tshishala, ndi mua kuenza mvidie udibu batendelela anyi? Akia! Nkadi nginamina tshitupa tshia mutshi!”

Yeshaya 5:12

Bisanji, lunzenze, ngoma ne nshiba, bidi bidila, padibu banua maluvu, kabayi balekela. Kadi kabena belangana meji ku bidi Maweja-Nangila wenza, kabena bavuluka mudimu udiye ukuata.

Yirmeya 14:10

Maweja-Nangila udi wamba ne: “Eyowa, bantu abu mbasue kuendakana miaba yonsu, banshiya meme.” Kadi ebi kabiena bisankisha Maweja-Nangila. Nenku tshiena mua kupua malu mabi abu muoyi. Nembanyoke.

Yirmeya 16:17

Bualu ndi ntangila bimpe tshidibu benza. Kakuena tshidi mua kunjimina. Tshilumbu tshiabu ndi mutshimanye.

Yirmeya 17:1

— Tshilema tshia bena Yuda tshidi mu muoyi wabu kashidi. Tshidi amu bu miaku idibu bafunde ne ntapu wa tshiamu, nansha ne lusongu lua dibue dia mbongu. Bavua batshifunde kabidi ne ku matumba adi ku bilambuilu biabu.

Yirmeya 2:19

Nuenu bena Izrayele, badi banunyoka bua bubi buenu. Badi banukengesha bualu nudi bantomboji! Nenku, mimanye ne: kulekela Maweja-Nangila Mvidi Mukulu wenu, kubenga kumutshina, mbualu butambe bubi. Meme Maweja-Nangila Mvidi Mukulu wa bukole buonsu, ndi njadika nanku. eku ne eku

Yirmeya 32:19

Udi wela meji ku malu manene audi musue kuenza. Kabidi udi ne bukole bua kuakumbaja. Udi utangila bimpe malu adi bantu benza. Udi ufuta muntu yonsu bilondeshile bidiye wenza.

Yirmeya 4:18

Yerushalayime, bionsu ebi bikuenzekela, bua buenzavi buebe, ne bua bubi buonsu buudi muenze. Udi umvua dikenga edi dikutonda, difika too ne ku muoyi webe wa munda. Didi bu muele udi mubuele mu muoyi webe.

Yirmeya 44:21

— Mu bimenga bia Yuda ne mu misesu ya mu Yerushalayime nukavua balambule milambu eyi, nuenu, bankambua benu, bakalenga benu, balombodi benu ba mu bukalenga ne bana benu. Kadi binuvua benza ebi Mvidi Mukulu kavua mubimanye anyi? Nudi nuela meji ne: mmubipue muoyi anyi?

Yezekiyele 21:29

Ke pandi meme Maweja-Nangila mbambila ne: “Nudi numvuluija bubi buenu matuku onsu, ku malu mabi anudi nuenza patoke. Malu onsu anudi nuenza, adi amvuluija munudi bena tshibawu. Nanku, bu munudi kanuyi basue kudilengeja, nenubuele mu bianza bia baluishi!

Osheya 12:2

Bena Efrayime badi benza malu a tshianana, bu bantu badi bipata lupepele, bakeba kulukuata. Matuku onsu badi bipata lupepele lua luya, bashimangana, bakengeshangana. Badi batua ndondu ne bena Ashure, bafila mafuta abu mimpe kudi bena Ejipitu.

Osheya 4:9

Batuangaji ne bena Izrayele, nembanyoke mushindu umue. Nembanyoke bua buenzayi buabu, nembakengeshe bua bubi buabu.

Osheya 6:2

Papita matuku abidi nansha asatu, neatufululule. Netuende ne muoyi kumpala kuende.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 9:15

— Maweja-Nangila kuamba kabidi ne: Tshikisu tshia bena Efrayime, tshivua tshimane kumueneka ku Ngilgale. Ke mumvua mutuadijile kubabenga. Nembipate ku nzubu kuanyi, bua buenzayi buabu. Tshiena mbananga kabidi to. Bualu bamfumu babu bonsu badi anu bantombokela.

Osheya 9:9

Nudi benza buenzayi bapitshishe, anu bu munuvua benze ku Ngibeya. Kadi, Maweja-Nangila kena mupue buenzayi buenu muoyi, neanunyoke bua malu mabi anuvua benze.

Amosa 8:7

Maweja-Nangila mmuditshipe ne: “Bena Izrayele badi baditambisha bua ditunga diabu, kadi kashidi tshiena mua kupua malu abu mabi muoyi.”

Yona 1:2

— Juka, uye mu tshimenga tshinene tshia Ninive. Ukanyine bena tshimenga atshi mu dina dianyi, bualu tshiena musue kumona kabidi buenzayi bua bantu abu.

Dibadika 32:23

Kadi numanye ne: Nuenu kanuyi bakumbaje bionsu ebi, nenuikale bena tshibawu. Maweja-Nangila neanunyoke.

Luke 12:2

Bualu buonsu budi busokome, nebumueneke patoke. Bualu budi bantu kabayi bamanye, nebabumanye!

1 Korente 4:5

Nanku kanulumbuluishi muntu, diba kadiyi dianji kufika. Indilayi Mfumu. Afike! Yeye nealeje patoke bidibu basokoka mu miidima. Neasokolole bidi bisokome mu mioyi ya bantu. Diba adi muntu yonsu neapete kudi Mvidi Mukulu lumu ludiye ne bua kupeta.

Dielulula 32:29

Bobu bele meji kakese, bavua mua kutshinka kudi buenzayi buabu mua kubafikisha.

Ebrewu 4:13

Kakuena kantu nansha kamue kadi mua kusokoma Mvidi Mukulu. Bintu bionsu, bifukibua bionsu bisanga bidi bimueneka patoke ku mesu kuende. Yeye ke utudi ne bua kuambila malu etu onsu.