Osheya 7:14 - MUKANDA WA MYIDI MUKULU

¹⁴ Bena Efrayime kabena bankeba ne muoyi mujima to. Padibu balala, badi badila muadi. Badi baditapa mputa pambidi bua kupeta ntete ya kuenza bukula mu madimi abu, nansha bua kupola tumuma tuvule tua mvinyo. Kadi badi amu bantombokela.

Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kabakudia kundi ne mitshima yabo, kadi badi basa muadi ha malalu abo; badi badisangisha hohamue bua kuangata manvua ne nvinyo muhia-muhia, badi bantombokela.

Osheya 7:14 ပူးပေါင်းရင်းမြစ်များ

Ekesode 32:6

Bena Izrayele kujuka mu dinda dionsu, kufilabu milambu ya kuosha ne ya ditua ndondu. Pashishe, kudiabu, kunuabu, kutuadijabu kunaya.

Yeshaya 29:13

Maweja-Nangila uvua wamba ne: “Tshisamba etshi tshidi tshinnemeka, amu ne meyi a mukana. Badi bantendelela amu ne mishiku. Kadi muoyi watshi udi kule. Ditendelela diabu didi amu meyi ne bibidilu bia bantu, bidibu balonda.

Yeshaya 52:5

Mpindiewu tshinudi numona ntshinyi? Bena Babilone kabidi, bavua baye ne bantu banyi mu bupika tshianana, kabayi bafute kantu. Bantu aba badi bakengesha bantu banyi, badi baditambisha, basendeka amu kusendeka dina dianyi.

Yeshaya 65:14

Nebikale ne disanka dinene, nebele mbila bua diakalenga didibu nadi. Kadi nuenu, yenu mbila neikale ya dikenga. Nenukengakane ne muadi, muoyi neunushikile munda.

Yirmeya 12:2

Udi mubakune, bobu kuela miji, kusampila, kukuama bimuma. Matuku onsu badi bakutela mukana, kadi muoyi wabu kawena kuudi.

Yirmeya 3:10

Yuda ntomboji, muanabu ne Izrayele, yeye mumane kuenza bionsu ebi, kena mupingane kundi ne muoyi mujima to, kadi amu ne miaku patupu. Meme Maweja-Nangila ndi njadika nanku.

Muadi 2:18

Yerushalayime, ela mbila yebe kudi Maweja-Nangila, tuaku mikemu bikole. Puekesha binsonji munya ne butuku, bungi bu mayi a musulu. Kulekedi, kukoshi muadi nansha!

Osheya 13:6

Panuvua bafike muaba uvua ne bisosa, nzala yenu kujika diakamue. Kadi bamane kudia buukute, ke nuenu kuditambisha. Ke munuvua bampue muoyi.

Osheya 13:9

Nuenu bena Izrayele, ndi mumane kunubutula. Kakutshiena udi mua kunuambuluisha.

Osheya 3:1

Maweja-Nangila kungambila ne: “Mpindiewu, uye kunanga kabidi mukaji awu muena tshiendenda, udi mukutombokele, wenda ne balume bakuabu. Unange mukaji awu, anu bu mundi meme Maweja-Nangila munange bena Izrayele, nansha bobu batendelela mvidie mikuabu, bananga mikata mienza ne tumuma tua mvinyo.”

Osheya 8:2

Nansha bobu balengelela, bangela mbila ne: ‘Mvidi Mukulu wetu, tuetu bena Izrayele tudi bakumanye!’

Amosa 2:8

Bilamba bivua bapele bafila bu tshieya, badi babiadija panshi, balalapu miaba yonsu idibu batendelela mvidie. Mu nzubu ya mvidie yabu ayi, badi banuinamu maluvu, avuabu banyenge bantu ku bukole.

Amosa 8:3

Meme Maweja-Nangila, ndi njadika ne: dituku dindi mbanyoka, bakaji bimbi ba mu nzubu wa bukalenga, nebadile, bela tusala tua madilu. Bitalu nebikale miaba yonsu, kakuyi udi ubijika. Mu ditunga dijima mudi amu vii vii vii!

Mika 2:11

Muntu kampanda neamueneke, wamba biambamba, unudinga ne: “Ndi nnumanyisha ne: nenupete mvinyo, ne maluvu makole.” Ke muambi mubule meji, udi mukumbanyine bantu aba!

Zekâya 7:5

Andamuna batuangaji ne bena ditunga bonsu ne: “Kukadi bidimu makumi muanda mutekete, binudi nujila biakudia, nuasa miadi mu ngondu muitanu ne wa muanda mutekete, Panudi nulama bijila ebi, nudi nuela meji ne: nudi nunsankisha anyi?

Rome 16:18

Bualu bantu ba mushindu ewu kabena bakuatshila Kristu Mfumu wetu mudimu, kadi amu difu diabu! Badi bamanye mua kuakula bimpe, balongesha ne miaku ya lubombu. Ke mudibu badinga bantu badi ne lungenyi lutekete.

Filipe 3:19

Kadi nebabutuke, bualu mvidie wabu ke difu diabu. Badi baditemba mu bivua mua kubafuisha bundu. Badi bela meji anu ku bia panu.

Yakobe 4:3

Panudi nulomba, kanuena nupeta, bualu meji anudi nubilomba nawu, adi mabi. Nudi basue kubipeta bua kudisankisha amu nkayenu.

Yakobe 5:1

Mpindiewu ndi nnubela nuenu, bena biuma! Dilayi, nutue mikemu, bualu makenga neanukuate!

Balombodi 9:27

Kuyabu ku mionji yabu ya tumuma tua mvinyo. Kupolabu tumuma, kutukama. Kulongololabu tshibilu. Kuyabu mu nzubu wa mvidie wabu. Kuenzabu didia dinene dia disanka. Kushipabu Abimeleke.