Osheya 7:11 - MUKANDA WA MYIDI MUKULU

¹¹ Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Mukanda wa Nzambi Dihungila Dikulukulu ne Dihungila Dihia-dihia 2003

¹¹ Bena Efelayima badi bu nyunyu wa nkutshi muhote udi kayi ne lungenyi; badi bela dî diabo ku Ejipitu, badi baya ku Ashû.

Osheya 7:11 ပူးပေါင်းရင်းမြစ်များ

2 Bakalenga 15:19

Pashishe, Pule, mukalenga wa bena Ashure kubuela mu buloba bua bena Izrayele. Ke Menaheme kumupesha tshiamu tshitoke tshia mushinga mukole kilo binunu makumi asatu, bua Pule amuambuluishe bua kushindika bukalenga buende bimpe.

2 Bakalenga 16:7

Akaze kutuma bantu bua kuambila mukalenga wa bena Ashure, Tiglate-Pilesere ne: “Meme ndi bu mupika webe, nansha bu muanebe wa balume. Luaku, unsungidile mu bianza bia bakalenga ba bena Arame ne ba bena Izrayele badi banduisha aba.”

Nsumuinu 15:32

Muntu udi kayi musue kulonga malu, neadikengeshe yeye nkayende. Kadi udi uteleja mibelu neasombe biakane.

Nsumuinu 17:16

Makuta adi mua kuambuluisha muntu mutatakane ku tshinyi? Bua kusumba nawu meji anyi? Kena nansha welaku meji to!

Nsumuinu 6:32

Muntu udi wambisha mukaji, mmubule lungenyi. Udi udikebela yeye nkayende kabutu.

Yirmeya 2:18

Mpindiewu, nudi nuya kuenza tshinyi mu Ejipitu? Nudi nuya kunua mayi a musulu wa Nile anyi? Nudi nuya kudi bena Ashure bua tshinyi? Bua kunua mayi a mu musulu wa Perate anyi?

Yirmeya 2:36

Nudi nutua eku ne eku, nukeba kutua ndondu ne matunga a bende. Kadi bena Ejipitu nebanufuishe bundu, muvua bena Ashure banufuishe bundu.

Osheya 11:11

Nebafumine kabidi ku Ejipitu bu mudi nyunyi ya mishamisha, ne ku bena Ashure, bu mudi tshisaku tshia nyunyi ya nkudimba. “Nembapingaje mu ditunga diabu.” Ke mudi Maweja-Nangila wamba nanku.

Osheya 12:1

Maweja-Nangila udi wamba ne: Bena Efrayime badi bandinga, banshima nseke yonsu. Bena Yuda kabidi batshidi amu bantombokela, meme Mvidi Mukulu wabu wa tshijila.

Osheya 12:2

Bena Efrayime badi benza malu a tshianana, bu bantu badi bipata lupepele, bakeba kulukuata. Matuku onsu badi bipata lupepele lua luya, bashimangana, bakengeshangana. Badi batua ndondu ne bena Ashure, bafila mafuta abu mimpe kudi bena Ejipitu.

Osheya 14:3

Pinganayi kudi Maweja-Nangila, numulomba ne: “Utufuileku luse. Wanyishe bua tukutumbishe.

Osheya 4:11

Bundumba ne dikuatshika dia maluvu bidi binyanga lungenyi lua muntu.

Osheya 4:6

Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Osheya 5:13

Bena Efrayime mbamane kumanya disama divuabu nadi. Bena Yuda mbamane kumanya dikenga diabu dipite bunene. Ke bena Efrayime kuya ku Ashure. Kutuminabu mukalenga munene mikenji. Kadi mukalenga ewu kena ne mushindu wa kujikija dikenga diabu, kena mua kuondapa mputa yabu.

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Osheya 9:3

Bena Efrayime kabena mua kushala mu ditunga dia Maweja-Nangila. Nebapingane mu Ejipitu, nansha mu bena Ashure, bua kudia biakudia bidi ne mikiya.

Osheya 9:6

Panuanyema mu ditunga dienu, didibu bamane kunyangakaja, bena Ejipitu nebanuakidile. Kadi, amu bua kunuteka mu nkita ya mu tshimenga tshia Memfise. Mionji ya mpese neibuikile tshiamu tshienu tshitoke tshia mushinga mukole. Meba ne mingonga nebitoloke mu nzubu yenu.

Obadya 1:7

Bonsu banuvua batue nabu ndondu, mbanubenge. Badi banuipata mu ditunga dienu. Bavua balunda benu, badi banukuate ku bupika. Banuvua nudia nabu ku mesa, badi banuteya. Badi banuamba ne: ‘mBantu batatakane!’

Matayi 10:16

— Telejayi! Ndi nnutuma bu mikoku munkatshi mua nkashama. Nanku nuikale ne budimu bu bua nyoka, kabidi ne muoyi mulenga bu wa nyunyu wa nkudimba.