Osheya 6:9 - MUKANDA WA MYIDI MUKULU

⁹ Bu mudi benzedianganyi ba bibi balamina bantu mu njila, batuangaji mbashipe bantu mu njila wa ku Shekeme. Ebu bualu mbubi butambe!

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bu mudi bisumbu bia banyengi balamina muntu, mbu mudi tshisumbu tshia bakuidi bashiha bantu; mu nshila wa ku Shekeme bakushiha bantu, e, bakulonda malu mabi.

Osheya 6:9 ပူးပေါင်းရင်းမြစ်များ

Genese 12:6

kupitshilabu mu ditunga adi too ne ku mutshi wa tshijila uvua mu Moreya pabuipi ne musoku wa Shekeme. — Bena Kenaane batshivua mu ditunga adi. —

1 Bakalenga 12:25

Yerobowame kukoleshisha tshimenga tshia Shekeme ne bimana, mu buloba bua mikuna bua Efrayime. Kusombaye mu tshimenga atshi. Pashishe, kumukaye mu Shekeme, bua kuya kukolesha kabidi tshimenga tshia Penuyele ne bimana.

Ezela 8:31

Mu matuku dikumi ne abidi a ngondu wa kumpala, tuetu kumuka ku mukidi wa Akava, bua kuya mu Yerushalayime. Mu luendu alu, Mvidi Mukulu wetu uvua molole tshianza tshiende, bua kutulama ku baluishi ne bena buivi, bua kabatutatshishi.

Yirmeya 11:9

Pashishe, Maweja-Nangila kuamba kabidi ne: — Bena Yuda ne bena Yerushalayime mbangelele tshifufu tshibi.

Yezekiyele 22:25

Bu mudi nyama ya ntambue mikuate nyama ikungula, ke mudi balombodi benu bashipe bantu, bangata ne bintu bia bantu ba bende, bashipesha balume ba bungi, bua bakaji babu bashale bakamba.

Yezekiyele 22:27

Balombodi benu badi bashipangana anu bua kunema, bu mudi nyama ya lonji ishipa nyama, iyipandabipese bipese.

Yezekiyele 22:9

Muebe, bantu badi bashiminyina bakuabu malu bua babashipe. Pa mikuna bantu bebe badi badia bintu bia ku milambu idibu balambule mvidie. Badi benza malu a bundu bupite.

Yezekiyele 23:27

Nenkutekeshe malu a bundu ne a buendenda auvua mutuadije kuenza mu Ejipitu. Kuakualakana kabidi muntu, kuakujinga kabidi bena Ejipitu to.

Osheya 2:10

Mukaji awu kavua muitabe ne: meme Maweja-Nangila ke uvua umupesha ntete ya kuenza bukula, maluvu a mvinyo, ne mafuta mapiamapia. Meme ke uvua mumunemeshe ne nkanu ya tshiamu tshitoke tshia mushinga mukole, ne ya mpawungi, bivuaye utendelela nabi mvidie Baale.

Osheya 4:2

Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Osheya 5:1

Telejayi bimpe, nuenu batuangaji, nuenu kabidi bamfumu ba bena Izrayele, ne nuenu bonsu badi basombe mu lubanza lua mukalenga, nuenu ke bavua mua kulumbuluisha bantu bimpe. Kadi, ku Mispa nuvua bateye bantu banyi. Ku mukuna wa Tabore, nuvua nubamuenekela bu bukondu bumana kuela.

Osheya 5:2

Kadi ku Shitime, nuvua nubamuenekela bu dijimba dile. Nanku, Maweja-Nangila udi unuambila ne: “Nennunyoke bonsu.

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Sefanya 3:3

Bamfumu ba tshimenga etshi badi bu nyama ya ntambue idi ikungula. Balumbuluishi babu badi bu bimungu, bidi bikeba biakudia dilolu. Kadi kabiena bishiya tshintu tshia kudia mu dinda.

Marke 14:1

Kutshivua kushala matuku abidi bua tshibilu tshia Dipita dia Maweja-Nangila ne tshia mampa kaayi mela buanga kuenzekatshi. Bamfumu ba batuangaji ne balongeshi ba mikenji bavua bakebela pa kukuatshila Yezu mu musokoku ne kumushipa.

Yowanane 11:47

Baparushe ne bamfumu ba batuangaji kudisangisha mu Tshipangu tshiabu tshikulu. Kuebejanganabu ne: — Netuenze tshinyi? Bualu muntu ewu udi wenza bishima bivule!

Bienzedi 4:24

Bena ditaba bumvua nanku, kutendelelabu Mvidi Mukulu ne muoyi umue, bamba ne: — Mukalenga, wewe ke udi mufuke diulu, buloba, mayi manene, ne bionsu bidimu.