Osheya 6:6 - MUKANDA WA MYIDI MUKULU

⁶ Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bualu bua ndi musue kudifila kuenu, kankufila kua milambu; ndi musue kumanya kuenu kua Nzambi, kankuosha kua milambu.

Osheya 6:6 ပူးပေါင်းရင်းမြစ်များ

1 Kulondolola 28:9

“Wewe, muananyi, Shelomu, ukebe mua kumanya bimpe Mvidi Mukulu, undi muenzele mudimu. Umutendelele ne muoyi webe mujima, kuyi wabakana, kabidi ne lungenyi luebe luonsu. Bualu Maweja-Nangila udi umona mu mioyi ya bantu, udi kabidi usunguluja meji adibu bela. Paudi umukeba, udi udileja kuudi. Kadi paudi umubenga, udi ukulekela kashidi.

Misambu 50:8

Tshiena nkudiwila bua milambu yebe nansha, bualu utu uyindambula matuku onsu.

Nsumuinu 21:3

Muntu udi ulonda njila wa buakane, muikale kabidi ne muoyi wa kalolu, udi usankisha Maweja-Nangila, mupite muntu udi umulambula milambu.

Muambi 5:1

Kuambi bualu, kuyi muanji kuela meji. Kulayi Mvidi Mukulu malaya ebe lukasa lukasa. Mvidi Mukulu udi mu diulu, wewe udi pa buloba. Nanku miaku iudi wamba ikale mikese.

Yeshaya 1:11

“Milambu yenu mipite bungi ayi, tshindi ngenza nayi ntshinyi? Milambu yenu ya mikoku miosha, ne ya manyi a bana ba ngombe, idi intonda. Mashi a ngombe milume, a bana ba mikoku ne a mpumbu, kaena ansankisha.

Yeshaya 58:6

Nudi bamanye tshijila tshindi musue. Tshidi nunku: kulekela bantu bavuabu bakuate mu lukanu kapayi bualu, kumusha majitu adi manemenene pa makaya abu, kupikula bantu badibu bakengesha, kumusha pambidi pa bantu bionsu bidi bibabueja mu bupika,

Yirmeya 22:16

Uvua wakuila bapela ne bena dikenga. Nanku bantu bonsu bavua basombe amu bimpe. Muntu udi wenza nanku, ke udi uleja mudiye mummanye meme Maweja-Nangila.

Yirmeya 7:22

Pamvua mupatule bankambua benu mu Ejipitu, tshiena mubambile bualu, tshiena mulombe bua bandambule milambu eyi ya mishindu ibidi.

Danyele 4:27

Mukalenga kuela lubila ne: — Ewu mBabilone, tshimenga tshinene tshimvua muibake, bua tshikale muaba wa mukalenga kusomba. Tshimenga etshi tshidi tshileja mudi bukole buanyi, ne mudi lumu lua bukalenga buanyi!

Osheya 14:2

Nuenu bena Izrayele, pinganayi kudi Maweja-Nangila Mvidi Mukulu wenu. Panudi nudishinda, ke tshipeta tshia bubi buenu.

Osheya 2:20

Dituku adi mu dina dia bena Izrayele, nentue ndondu ne nyama, nyunyi ne bilandadi. Mu ditunga adi, nengumushe bia mvita bionsu: buta bua mbale, miele, ne bia mvita bikuabu. Nengambuluishe bantu banyi, bua bapete dikisha, balale tulu bimpe mu nzubu.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Amosa 5:21

Maweja-Nangila udi wamba ne: Ndi mbenga bibilu bienu, tshiena musue kubimona kabidi to. Ndi ngumvua muenge, panudi nusangila bua kuntendelela,

Mika 6:6

“Tufike ne mulambu kaayi, patudi tuya kutendelela Maweja-Nangila, Mvidi Mukulu Muena Kulu? Tufike ne milambu ya kuosha, ya bana ba ngombe ba tshidimu tshimue anyi?

Mika 6:8

Mbanulongeshe binudi ne bua kuenza, bidi Maweja-Nangila ujinga kudi bantu: udi unulomba bua nunemeke bantu ne bintu biabu, nuenzele bakuabu bimpe, nubanange, nuende bimpe mu njila udi Mvidi Mukulu wenu unuleja.

Matayi 12:7

Bu nuenu bumvue mene tshidi miaku ya mu Mukanda wa tshijila yamba ne: “Ndi njinga bua nuikale ne luse, tshiena ndomba bua nundambule milambu nansha,” kanuvua mua kudiwula bantu badi kabayi ne bualu.

Matayi 5:7

Bantu badi bafuila bakuabu luse, ke bena diakalenga, bualu Mvidi Mukulu neabafuile luse!

Matayi 9:13

Nuye kuela meji bua kumvua tshidibu bafunde mu Mukanda wa tshijila ne: “Ndi musue bua nufuilangane luse. Tshiena njinga bua nundambule nyama nansha.” Bualu tshiena umvue bua kubikila bantu bimpe, kadi anu babi.

Marke 12:33

Nenku, muntu udi ne bua kunanga Mvidi Mukulu ne muoyi wende onsu, ne lungenyi luende luonsu ne bukole buende buonsu. Udi ne bua kunanga kabidi muntu nende bu mudiye mudinange yeye mene. Kuenza nanku nkupita kuoshila Mvidi Mukulu nyama pa tshilambuilu ne kumulambula milambu ya mishindu yonsu.

Yoshua 5:5

Nanku bana ba balume bonsu ba-vuabu balelela mu tshipela kudi bena Izrayele, kabawa babateke panshi to. Ke pavua Yoshuwa ne bua kubateka panshi.

1 Yone 2:3

Patudi tutumikila mikenji ya Mvidi Mukulu, ke patudi mua kujadika ne: tudi bamumanye.

1 Yone 3:6

Nanku muntu udi ushala nende mu bobumue, kena wenza kabidi bibi. Kadi muntu udi wenza amu bibi, kena mumumone, kena mumumanye.

1 Samuele 15:22

Samuwele kukonka Shawule ne: — Maweja-Nangila udi usanka bua milambu ya bungi idibu bamulambula, anyi udi usanka bua mikenji yende idibu batumikila? Milambu kayena imusankisha to. Bualu, kutumikila Maweja-Nangila, kuenza tshidiye muambe, nkupite milambu ya nyama, nansha yoyi ne mafuta a bungi.