Osheya 5:9 - MUKANDA WA MYIDI MUKULU

⁹ Dituku dia kunyoka bantu, bena Efrayime nebabutuke bonsu, ditunga diabu nedishale anu tshipela. Bionsu bindi mmanyisha bena Izrayele, nebienzeke, kamuyi mpata.

Mukanda wa Nzambi Dihungila Dikulukulu ne Dihungila Dihia-dihia 2003

⁹ Bena Efelayima nebabutudibue mu dituku dia dikengeshibua diabo. Munkatshi mua bisamba bia Bena Isalele nakubamanyisha muanda ulualua bulelela.

Osheya 5:9 ပူးပေါင်းရင်းမြစ်များ

Yobe 12:14

Tshidi Mvidi Mukulu mupule, kabena batshibakulule kabidi. Udiye wela mu lukanu, kabena mua kumupatulamu nansha!

Yeshaya 37:3

Kuyabu kuambila muambi Yeshaya ne: “Mukalenga Izkiya udi wamba ne: — Lelu ndituku dia kutukengeshabu, dia kutunyokabu, ne kutufuishabu bundu. Bu mudibu bamba ne: muana ukadi pabuipi, kadi mamuende kena ne bukole bua kumulela to.

Yeshaya 46:10

Ku tshibangidilu tshia bionsu, ndi mudianze kuamba tshindi ngipatshila. Ndi mudianze kuamba amu ku kale, bivua kabiyi bianji kuenzeka. Ndi ngamba ne: Tshindi ngela meji, ndi ntshikumbaja. Tshionsu tshindi musue, ndi ntshienza.

Yeshaya 48:3

Mvua munumanyishe kale malu avua ne bua kuenzeka. Mvua munulayewu, mvua munumanyishewu. Pashishe musangu umue meme kuakumbaja!

Yeshaya 48:5

Meme kudianza kukuambila malu aa onsu, kaayi manji kukukuata. Meme kukulejawu, kaayi manji kumueneka. Nanku kuambi ne: “Lupingu luanyi ke ludi luenza bualu ebu. Mvidie wanyi wa mutshi, nansha wa tshiamu tshikunze, ke udi ukumbaja bualu ebu.”

Yeshaya 7:16

Bangabanga ne muana ewu kusunguluja bualu buimpe ne bubi, buloba bua bakalenga babidi baudi utshina, nebushale munda mutupu, kamuyi bantu.

Osheya 5:12

Mpindiewu, meme Maweja-Nangila ndi bu tshiuja ne tufina kudi bena Efrayime. Ndi bu mputa mubole wa lubangu kudi bena Yuda.

Osheya 5:14

Bualu meme Maweja-Nangila ndi nduisha bena Efrayime, bu mudi nyama wa ntambue. Ndi nduisha bena Yuda, bu mudi nyama wa tshikisu. Anu meme, meme nkayanyi, ke udi ubasunsula. Ndi ngambula minyinyi yabu. Kakuena udi mua kunnyenga minyinyi ayi to.

Osheya 7:12

Kadi, patshidibu baya ku bena Ashure, ndi mbateya mu bukondu buanyi. Ndi mbamatshisha panshi bu nyunyi. Ndi mbanyoka bilondeshile bubi buabu, budi bantu bambilangana.

Osheya 8:8

Bena Izrayele mbafuanangane anu ne bena bisamba bikuabu bia patupu. Munkatshi mua bisamba bikuabu badi bu luesu lubi ludi bonsu babenga.

Osheya 9:7

Tshikondu tshiakumbanyi, tshidi Maweja-Nangila ubutula bena Izrayele. Eyowa, tshikondu tshiakumbanyi, tshia kunyoka bena buenzayi. Bena Izrayele bavuluke bualu ebu. Nudi nuamba ne: “Muambi mmupale”, kabidi ne: “Muntu wa tshijila mmupote.” — Bidi nanku, kadi anu bua buenzayi buenu bupite bungi, ne bua lukinu lunudi numutekela.

Amosa 3:7

Eyowa, Maweja-Nangila Mvidi Mukulu kena wenza bualu, kayi muanji kubumanyisha bambi, bantu bende.

Amosa 7:17

“Mukajebe neenze mudimu wa ndumba mu tshimenga tshienu etshi. Bana bebe ba balume ne ba bakaji, nebabashipe mu mvita. Bantu bakuabu nebabanyangane mpangu ne madimi biudi nabi. Wewe mene neufuile kua bende, mu buloba budi ne mikiya. Bena Izrayele, nebaye nabu ku bupika, mutantshi mule ne diabu ditunga.”

Amosa 7:9

Nennyangakaje miaba yonsu ivua ndelanganyi ya Izrayele itendelela. Miaba ya tshijila ya Izrayele neishale makolu. Nenduishe ne mvita bena diku dia Yerobowame.

Mika 6:13

Nenku, ndi mubange kununyoka, nennubutule, bua malu mabi enu.

Zekâya 1:6

Kadi meyi anyi ne mikenji yanyi bimvua mumanyishe bambi, bena mudimu banyi, bivua bituishe bankambua benu kunyima kua matuku. Bobu kukudimuna nsombelu wabu, kuitaba ne: Maweja-Nangila mmutunyoke, muvuaye muambe. Mmutunyoke kabidi pa bualu, bua malu etu mabi.

Yowanane 16:4

Kadi ndi nnuambila malu aa bua padi tshikondu tshifika tshidibu benza nanku, mwuluke ne: mvua mumane kunuambila. — Tshivua munuambile malu aa ku tshibangidilu, bualu ntshivua nenu.