Osheya 5:7 - MUKANDA WA MYIDI MUKULU

⁷ mBabenge Maweja-Nangila, mbalele bana ba mu tshiendenda. Mpindiewu, kakuakukumbana nansha ngondu umue to: nembabutule, ne bionsu bidibu nabi.

Mukanda wa Nzambi Dihungila Dikulukulu ne Dihungila Dihia-dihia 2003

⁷ Bobo bakutungila Yehowa tshitungu, bualu bua bakulela bana ba mu masandi. Mpindiu ngondo muhia-muhia neabashihe mene ne bintu biabo.

Osheya 5:7 ပူးပေါင်းရင်းမြစ်များ

Misambu 144:11

Umpandishe ku muele wa lufu unsungidile kudi bantu ba bisamba bikuabu, badi ne dishima mukana, buupula ne bianza biabu mutshipu udibu baditshipa.

Misambu 144:7

Oluela tshianza tshiebe mu diulu, umpandishe, unsungidile ku njiwu, ku bianza bia bantu ba bisamba bikuabu,

Yeshaya 1:14

Tshiena musue bibilu bienu bia ngondu mipiamipia. Masanka onsu anudi nulongolola, tshiena nawu bualu. Bidi bujitu bundi tshiyi mua kuambula kabidi to.

Yeshaya 48:8

Bushuwa kanuvua bateleje, kanuvua basue kumanya, kanuvua bateye matshi bua kumvua. Ndi munumanye ne: nudi bena lunsonge, biangatshile ku buana buenu. Bonsu badi bamanye munudi “bantomboji”.

Yeshaya 59:13

Tuvua bakutombokele. Tuvua bakutonuene mesu. Tuvua babenge kukulonda, wewe Mvidi Mukulu wetu. Tuvua bakule amu bua kukengeshangana, ne bua kutomboka. Tshitudi tuelangana meji munda, tshitudi natshi mu lungenyi, tshidi amu dishima.

Yirmeya 3:20

Kadi nuenu bena Izrayele, nuvua bantombokele mudi mukaji utombokela bayende. Meme Maweja-Nangila ndi njadika nanku.

Yirmeya 5:11

Maweja-Nangila udi wamba ne: Bulelela, bena mu bukalenga bua Yuda, ne bena mu bukalenga bua Izrayele, bonsu mbantombokele!

Yezekiyele 12:28

Nanku, ubambile ne: meme Maweja-Nangila Mvidi Mukulu, ndi njadika ne: nenkumbaje lukasa dilaya dijima dimvua mubalaye bua kubanyoka.

Osheya 2:11

Nanku, tshikondu tshia dinowa, nemmunyenge ntete yanyi ya kuenza bukula imvua mumupeshe. Tshikondu tshia kupola tumuma tua mvinyo, nemmunyenge maluvu anyi a mvinyo, amvua mumupeshe. Nemmunyenge kabidi bilamba bia ndanda, ne bia boya bua nyama, bimvua meme mumupeshe bua kuvualaye.

Osheya 2:4

Maweja-Nangila udi wamba ne: Bana banyi, fundayi mamuenu Izrayele ku tshilumbu. Numudiwule! Kanutshinyi to! Bualu katshiena kabidi muena kuanyi, meme tshiena kabidi bayende. Umushe bimanyinu bia buendenda, bidi bimueneka mu mpala muende. Umushe bimanyinu bia kutombokela bayende, bidi bimueneka pa tshiadi tshiende.

Osheya 6:7

Kadi, nuenu bena Izrayele, panuvua mu tshimenga tshia Adame, nuvua bambenge, banyangakaje ndondu utuvua batue nenu.

Osheya 7:13

Bena Efrayime mbena diakabi, bualu badi bannyema. mBena dikenga dipite, bualu badi bantombokela. Meme mvua musue kubasungidila, kadi padibu bayukila nanyi, badi bangambila malu a dishima.

Zekâya 11:8

Meme kuipata ku mudimu balami basatu ba mikoku, munkatshi mua ngondu umue. Kadi tshivua mulame mikoku ne lutulu, bualu ivua imbenga.