Osheya 5:6 - MUKANDA WA MYIDI MUKULU

⁶ Badi baya ne ngombe ne mikoku, bua kuyilambula Maweja-Nangila. Badi bakeba Maweja-Nangila, kadi kabakumusangana to. Bualu mmumane kubabenga.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Nebaye ne bisumbu biabo bia mikoko ne ngombe bua kukeba nʼabi Yehowa, kadi kabena bamusangana; yeye wakûmuka kudibo.

Osheya 5:6 ပူးပေါင်းရင်းမြစ်များ

Ekesode 10:9

Moshe kumuandamuna ne: — Tuyaya bonsu pamue: bansonga betu ne bantu bakulakaje, bana betu ba balume ne ba bakaji ne bimuna bietu bionsu, mikoku, ngombe ne mbuji. Bualu tuyaya kuenza tshibilu bua Maweja-Nangila.

Nsumuinu 1:28

Dituku adi nenumbikile bua meme kunuambuluisha, kadi tshiakunuandamuna to. Nenunkebe, kadi kanuakummona to.

Nsumuinu 15:8

Maweja-Nangila udi udiwula milambu ya bantu babi. Kadi udi wanyisha bikole dilomba dia bantu ba diyi dimue.

Nsumuinu 21:27

Bantu babi badi balambula milambu mibi, nangananga padibu bayilambula ne meji mabi.

Musambu wa Solomo 5:6

Meme kunzuluka munanga wanyi ku mbelu lubilu. Kadi ukavua mumane kuya. Kavua kabidi ku tshiibi. Mvua njinga bikole kumvua diyi diende. Meme kumuipatshila, kumukeba, kadi nansha meme kumumona. Meme kumubikila, kadi kavua mungitabe.

Yeshaya 66:3

Bualu bantu aba bua kulambula milambu, badi bashipa ngombe. Kadi badi mua kushipa kabidi muntu mene. Badi bakosa mukoku muminu, kadi badi bashipa kabidi ne mbua mene. Badi balambula mulambu wa bia pa madimi. Kadi badi amu mua kulambula nansha mashi a ngulube. Badi bosha manananshi, kadi badi banemeka kabidi mvidie ya dishima. Bualu bantu aba mbadisunguile njila udibu basue kulonda. Bidi bibasankisha ke bindi mbenga meme.

Yirmeya 11:11

Ke padi Maweja-Nangila wamba ne: “Ndi mbatumina dikenga bua kubabutula. Bobu bambikila musangu ewu bua kubambuluisha, tshiena mbateleja to.

Yirmeya 11:14

Nenku wewe Yirmeya, tshimenga etshi kuena mua kutshilombela kundi. Kuena mua kuntendelela nansha kunsengelela kabidi bualu buatshi to. Bualu padi makenga abakuata nebansengelele bua meme kubambuluisha. Kadi tshiena mua kubateleja to.

Yirmeya 14:12

Nansha bobu bajila biakudia, tshiena nteleja dilomba diabu to. Nansha bobu balambula milambu ya kuosha anyi milambu mikuabu, tshiena mua kuyanyisha to. Kadi nembashipe ku mvita, ku tshiyole tshia nzala, ne ku disanka dia tshiambu.

Yirmeya 7:4

Kanutekemenyi miaku ya dishima inudi nuamba nuambulula ya ne: ‘Tuetu tudi bimpe bitambe, bualu ewu ke nzubu udi Maweja-Nangila usomba, ke nzubu wa Maweja-Nangila, eyowa, ke nzubu wa Maweja-Nangila.’

Muadi 3:44

Wewe kuya kule, kusokoma kunyima kua divuba. Nanku kutendelela kuetu kakuvua mua kufika kuudi.

Yezekiyele 8:18

Nanku, nemfike munda, nembanyoke ne tshiji tshikole. Tshiena mua kubafuila luse, tshiena mua kulekela bilema biabu to. Nansha bobu bela mbila, balomba bua meme kubambuluisha, tshiakubateleja nansha.

Yezekiyele 8:6

Mvidi Mukulu kuamba ne: — Yezekiyele, udi mumone bimpe bidi bienzeka ebi anyi? Bena Izrayele badi benza malu mabi mapite adi mua kungumushisha mu muaba wanyi wa tshijila. Kadi, neumone malu mabi makuabu mapite.

Osheya 8:13

mBasue kundambula milambu, kadi anu bua kudia minyinyi. Kadi milambu ya mushindu ewu, kayena insankisha meme Maweja-Nangila to. Tshiena mpua buenzayi buabu muoyi. Nembalulule bilema biabu, nembanyoke, mbapingaje mu Ejipitu.

Amosa 8:12

Nebalalakane eku ne eku, nebumuke kuinshi mu ditunga, nebaye luseke ludi diba dibuelela, nebende luseke lua ku mutu, bua kupingana luseke ludi diba dipatukila. Nebakebe amu kukeba mua kumvua, muaku wa Maweja-Nangila, kabayi baupeta.

Mika 3:4

Nanku bobu badidila Maweja-Nangila bua abambuluishe, Maweja-Nangila kena ubumvuila. Kadi neabakome nyima, bua malu mabi avuabu benze.

Malaki 1:10

Bivua mua kuikala bimpe, bua muntu wa munkatshi muenu, akange biibi bia ku nzubu wa Mvidi Mukulu, bua kanutemeshi kabidi kapia pa tshilambuilu tshianyi. Bualu kanuena ne tshia nsongu tshinudi nuenzamu. Bualu meme Maweja-Nangila wa bukole buonsu ndi njadika ne: tshiena nsanka bua kunumona. Milambu inudi nundambula kayena indengelela nansha.

Luke 5:16

Kadi Yezu uvua uya miaba mipengame bua kutendelela Mvidi Mukulu.

Yowanane 7:34

Nenunkebe, kadi kanuakummona kabidi. Bualu kanuena mua kuya muaba undi to.