Osheya 4:6 - MUKANDA WA MYIDI MUKULU

⁶ Bantu banyi nebafue, bualu kabena bammanye meme to. Wewe kabidi uvua mundengulule. Nanku, nenkubenge, nkumushe ku mudimu wanyi wa butuangaji! Bualu mikenji yanyi meme Mvidi Mukulu webe, udi muyipue muoyi. Nanku meme tshiakuvuluka kabidi bana bebe to.

Mukanda wa Nzambi Dihungila Dikulukulu ne Dihungila Dihia-dihia 2003

⁶ Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Osheya 4:6 ပူးပေါင်းရင်းမြစ်များ

2 Kulondolola 15:3

Bena Izrayele bavua basomba matuku a bungi kabayi ne Mvidi Mukulu mulelela, kabayi ne mutuangaji bua kubalongesha, kabayi ne mikenji.

Yobe 36:12

Kadi padibu babenga kumuitaba, nebapitshile amu mu njila wa ku kandondu ka bafue. Nebabutuke bualu bavua bapange meji.

Misambu 119:139

Tshiji tshidi tshinkuata pandi mmona baluishi banyi, bapue biudi muambe muoyi.

Misambu 119:153

Mona dikenga dianyi, unsungidile, bualu tshiena mpua mikenji yebe muoyi.

Misambu 119:61

Bantu babi nebankuate mu buteyi, kadi tshiena mpua mikenji yebe muoyi.

Misambu 18:27

Badi ne muoyi mutoke, udi ubaleja muoyi muimpe, ubenga ba muoyi mubi.

Nsumuinu 10:21

Miaku ya muntu muakane idi iludika bantu ba bungi. Kadi bapote badi bafue bua dibenga kuela meji.

Nsumuinu 19:2

Muaba udi kauyi dimanya, disuminyina kadiena ne bua nsongu. Kudia lukasa nkupia mukana.

Yeshaya 1:3

Nyama wa ngombe udi mumanye mfumuende, nyama wa mpunde mmumanye udi umudisha. Kadi bena Izrayele kabena basue kummanya. Tshisamba tshianyi katshiena tshinteleja.”

Yeshaya 17:10

Bena Izrayele nukadi bapue Mvidi Mukulu muoyi. Yeye ke uvua munusungidile! Kanuena nuvuluka Mupandishi wenu, udi bu lubuebue luenu, muaba unudi mua kusokomena. Nukadi nukuna mitshi, bua kutendelela nayi mvidie ya bantu benyi. Nudi numiamina ntete, bua kunemeka nayi mvidie ya mu matunga a bende.

Yeshaya 27:11

Matamba a mitshi adi uma, atshibuka. Bakaji nebaangule bua kutemesha nawu kapia. Bulelela, bantu aba kabena bumvua bualu nansha bumue. Ke padi mubafuki wabu, kayi kabidi ubafuila luse. Uvua mubafumba kena musue kubalama ne muoyi to.

Yeshaya 28:7

Nansha batuangaji ne bambi, badi batenkakana, bakuatshika maluvu makole. Bavua banua maluvu makole mapite bungi, kabayi nansha mua kuimana kulu, lungenyi luabu lujimina. Bambi badi bamona malu, kabayi mua kuajingulula. Batuangaji badi bakosa bilumbu, batatakana, badishinda panshi.

Yeshaya 29:12

Badi baupesha kabidi muntu udi kayi mumanye mua kubala ne: “Tubadileku mukanda ewu.” Kadi yeye neandamune ne: “Tshiena mumanye mua kubala mukanda to.”

Yeshaya 3:12

Maweja-Nangila udi wamba ne: Bantu badi bamfumu ba tshisamba tshianyi, badi amu bu nyunyu midianganyi. Badi bashala mu bumfumu badi amu bena lukuka. Tshisamba tshianyi, bantu badi bakulombola, badi amu bakupambula, baya nebe mu njila mubi.

Yeshaya 45:20

Nuenu bena matunga makuabu, bavuabu kabayi bashipe, semenayi, nudisangishe, nusemene popamue. Bonsu bavua bafike ne mpingu yabu ya mitshi, nansha badi batendelela mvidie udi kayi mua kubasungidila, kabena ne lungenyi to.

Yeshaya 5:13

Ke padi Maweja-Nangila wamba ne: “Tshisamba tshianyi, nebaye natshi mu bupika, bualu katshiena tshiumvua bualu nansha bumue. Bamfumu batshi nebafue nzala, bantu batshi bonsu nebafue nyota.”

Yirmeya 2:8

Batuangaji kabena bankeba ne: ‘Maweja-Nangila udi penyi?’ Bantu bavua bamanye mikenji bikole, kumpangabu. Balombodi ba bantu kuntombokela meme Maweja-Nangila. Bambi kuambila bantu malu mu dina dia Baale. Bantu bonsu kutendelela mvidie ivua kayiyi ne bukole.

Yirmeya 4:22

Maweja-Nangila udi wamba ne: “Bantu banyi bena Izrayele kabena ne lungenyi to, kabena bammanye. Mbana badi kabayi ne meji. Mbamanye amu mua kuenza malu mabi. Kadi, kabena bamanye mua kuenza malu mimpe to.”

Yirmeya 5:21

Telejayi, nuenu bantu tshianana, badi kabayi bumvua bualu, kabayi ne lungenyi. Nuenu nudi ne mesu, kadi kanuena numona to. Nudi ne matshi, kadi kanuena numvua.

Yezekiyele 44:23

“Batuangaji nebalongeshe bantu banyi mudibu mua kusunguluja tshintu tshia tshijila, ne tshintu tshia patupu, tshintu tshidi ne mikiya ne tshidi katshiyi ne mikiya.

Osheya 13:6

Panuvua bafike muaba uvua ne bisosa, nzala yenu kujika diakamue. Kadi bamane kudia buukute, ke nuenu kuditambisha. Ke munuvua bampue muoyi.

Osheya 2:13

Nemmukandike masanka ende onsu: a ngendu ya kuya mu nzubu wa Mvidi Mukulu ku tshidimu tshionsu, a bibilu bia ngondu mupiamupia, a matuku ende a Dikisha, ne a matuku a bibilu bikuabu bia kutendelela.

Osheya 4:1

Maweja-Nangila udi umanyisha bena ditunga tshilumbu tshidibu natshi kudiye. Nuenu bena Izrayele, telejayi: Maweja-Nangila udi unuambila ne: “Nuenu bena ditunga edi, kanuena nulamatangana kabidi ne muoyi umue, kanuena nuenzelangana kabidi bimpe to. Kanuena bamanye Mvidi Mukulu. Kanuena nuenza tshidiye musue.

Osheya 4:12

Bena Izrayele badi bakonka mpingu ya mitshi malu. Katupa ka mutshi ke kadi kabambila malu. Bena Izrayele mbapambuke mu njila, mbambenge, anu bu mudi mukaji wenda tshiendenda. mBatendelele mvidie mikuabu, bashiye Mvidi Mukulu wabu.

Osheya 4:14

Kadi, tshiena nnyoka bana benu ba bakaji, badi benda tshiendenda, nansha bakaji ba bana benu ba balume, badi batomboka ku mabaka. Nennunyoke anu nuenu batuangaji, bualu nuenu mene nudi nuenda tshiendenda ne bana ba bakaji ku luseke. Nudi nuabanyangana bintu bia milambu, ne bakaji bena tshiendenda mu nzubu ya mvidie. Bu mudibu bela lusumuinu ne: “Bantu badi kabayi ne lungenyi, nebabutuke.”

Osheya 5:4

Buenzayi bua bena Izrayele mbupite. Nanku kabena mua kupingana kabidi kudi Mvidi Mukulu wabu to. Meji a bena Izrayele, adi anu ku tshiendenda. Kabena bamanye Maweja-Nangila.

Osheya 6:6

Tshindi nkeba ndinanga, ki mmilambu to. Ndi musue bua bantu benze tshindi njinga. Kadi, tshiena musue bua bandambule anu milambu ya nyama nansha.”

Osheya 7:11

Bena Efrayime mbafuanangane ne nyunyi wa nkudimba mupale udi kayi ne lungenyi. Badi babikila bena Ejipitu bua babambuluishe. Pashishe badi banyema baye ku bena Ashure.

Osheya 7:9

Bantu benyi mbamane kubanyenga bukole. Kadi bena Efrayime kabena bamanya nanku to. Bena Efrayime bakadi ne nsuki mitoke, kabayi bamona bu bualu.

Osheya 8:1

Maweja-Nangila udi ungambila ne: Ela mpungi ya myita! Ela bibingu! Baluishi badi babuela mu ditunga dia Maweja-Nangila, bu nyunyi ya tshiminyi. Bualu Maweja-Nangila udi wamba ne: “Bena Izrayele mbanyange ndondu umvua mutue nabu. Kabena balonda mikenji yanyi.

Osheya 8:12

Nansha meme mubafundile mikenji binunu ne binunu, kabena bayangata ne mushinga to.

Osheya 8:14

Bena Efrayime mbase nzubu minene, bapue Mufuki wabu muoyi. Bena Yuda mbase bimenga bia bungi babikolesha ne bimana. Kadi meme Maweja-Nangila nengoshe bimenga abi. Kapia nekabutule nzubu yonsu mimpe ya mu bimenga abi.”

Osheya 9:17

— Mvidi Mukulu wanyi, kena munange kabidi bena Efrayime to, bualu kabena bamuteleja. Nebikale balalakanyi munkatshi mua bisamba bikuabu.

Matayi 1:6

Ishayi kulela mukalenga Davide. Davide ne mukaji wa Uriya kulela Shelomu.

Matayi 15:14

Balekelayi! Bampofu, badi balombola bampofu! Kadi padi mpofu ulombola mpofu nende mu njila, bonsu babidi nebadishinde mu tshiina.

Matayi 15:8

“Bantu aba badi bannemeka amu ne miaku patupu, kadi muoyi wabu udi kule, kawena kundi.

1 Samuele 2:12

Bana ba balume ba mutuangaji Eli bavua bantu babi. Kabavua batshina Maweja-Nangila to.