Osheya 4:4 - MUKANDA WA MYIDI MUKULU

⁴ Dimukayi! Kabena ne bua kufunda amu bantu bakuabu ku tshilumbu, nansha kubatandisha. Kadi, nangananga wewe mutuangaji munene, ndi nebe tshilumbu. Meme Maweja-Nangila, ndi ngamba nanku.

Mukanda wa Nzambi Dihungila Dikulukulu ne Dihungila Dihia-dihia 2003

⁴ Kadi muntu kabambakashi mei ne mukuabo, kabandi mukuabo; bualu bua bana benu badi benza bu bantu badi batanda ne muakuidi.

Osheya 4:4 ပူးပေါင်းရင်းမြစ်များ

Yirmeya 18:18

Bantu bakuabu bavua bamba ne: “Tuyayi, tuelela Yirmeya tshitungu amu mpindiewu. Bualu batuangaji badi mua kutulongesha, tudi amu nabu. Tudi ne bena meji, bua bafile ngenyi. Tudi ne bambi badi mua kutumanyisha tshidi Mvidi Mukulu wamba. Tumufunde ku tshilumbu, katuteleji kabidi tshidiye wamba.”

Yezekiyele 3:26

Nendamakaje ludimi luebe mu tshilakalaka, ushale kamama, upange bukole bua kubela bantu bena tshitunu aba.

Osheya 4:17

Bena Efrayime mbanange mvidie. Nubalekele, mbapambuke kashidi.

Amosa 5:10

Ku tshilumbuluilu nudi nukina muntu udi unuvuluija munudi mua kukosa nsambu pa yoyi; nudi nutshina bikole udi ujadika malu amu muvuawu menzeke.

Amosa 5:13

Tshikondu etshi ntshibi. Ke padi muntu mudimuke upuwa vii.

Amosa 6:10

Muanabu ne bantu bafuila mu nzubu amu neafike bua kupatula bitalu pambelu. Bu muntu mua kuebeja muntu, udi mushale mu tshibambalu tshia munda menemene mua nzubu, ne: “Nutshidi ne muntu mukuabu mu nzubu anyi,” nebamuandamune ne: “To, muntu nansha umue!” Neasakidile ne: “Puwa! Ki ndiba dia kutela Maweja-Nangila.”

Dielulula 17:12

Pikala muntu musue kuditambisha, kayi ulonda tshidi balumbuluishi ne batuangaji, badi benza mudimu mu nzubu wa Maweja-Nangila Mvidi Mukulu wenu, bamba, muntu awu numushipe, bua kujikija buenzayi munkatshi mua bena Izrayele.