Osheya 4:2 - MUKANDA WA MYIDI MUKULU

² Kadi, nudi nutshipa mukuenu, numudinga, numushipa, numuiba, nuenda tshiendenda. Ditunga dionsu ndinyanguke ne dishipangana.

Mukanda wa Nzambi Dihungila Dikulukulu ne Dihungila Dihia-dihia 2003

² Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Osheya 4:2 ပူးပေါင်းရင်းမြစ်များ

Genese 4:8

Kayine umvua nanku, kuambila muanabu Ebele ne: — Tuye kuendakana. Bafika mu budimi, Kayine kukuata muanabu Ebele kumushipa.

Yeshaya 24:5

Bantu bavua banyanga buloba, bualu bavua babenga mikenji ya Maweja-Nangila, batupa ku diyi diende, bupula ndondu uvua ubasuikakaja ne Mvidi Mukulu wa kashidi.

Yeshaya 48:1

Nuenu tshisamba tshia Yakobe, telejayi. Nudi nudisua, bua panudi ne dina dia Izrayele, bua panudi ndelanganyi ya Yuda. Nudi nutshipa, nutela dina dia Maweja-Nangila, nutela Mvidi Mukulu wa Izrayele. Kadi kanuena nuditshipilamu, kanuena ne muoyi wa kukumbaja tshinudi nulaya ne mutshipu.

Yirmeya 51:5

Bualu Maweja-Nangila Mvidi Mukulu wabu wa bukole buonsu, ki mmubenge bena Izrayele ne bena Yuda. Kadi bena Babilone mbenzele Maweja-Nangila wa tshijila wa Izrayele bibi bitambe.

Yirmeya 6:7

Badi baleja lonji luabu kabayi bashikila, mudi mpokolu usukumuka mayi. Mu tshimenga atshi, badi bakula anu bua kushipangana ne bua kukengeshangana. Ndi mumone amu makenga ne mputa.

Muadi 4:13

Tshipupu etshi ntshienzeke bua bilema bia bambi, ne bua mibi ya batuangaji. Bavua bashipe bantu bakane munkatshi mua tshimenga.

Yezekiyele 7:23

Longolola lukanu. Bualu bashipianganyi badi mu ditunga tente. Mu tshimenga mmuwule tente ne bena tshinyangu.

Osheya 10:13

Kadi, nuenu bena Izrayele, nuvua benze malu mabi. Ke munuvua bapete malu mabi. Nuvua nukinangana, ke munuvua bapete lukinu. Nuenu bena Izrayele, nuvua batekemene matempu enu a mvita, ne bena myita ba bungi banudi nabu.

Osheya 10:4

Bena Izrayele badi bakula amu kuakula; badi baditshipa mitshipu ya mashimi, batua ndondu. Kadi dikosa diabu dia nsambu, didi bu bisosa bibi bia lulengu, bitoloka mu budimi budibu bamane kusekuna.

Osheya 12:14

Kadi Maweja-Nangila uvua mupatule bena Izrayele mu Ejipitu, ku mudimu wa muambi. Muambi awu, ke uvuaye mutume, bua ikale mulami wa tshisamba tshiende tshia bena Izrayele.

Osheya 5:2

Kadi ku Shitime, nuvua nubamuenekela bu dijimba dile. Nanku, Maweja-Nangila udi unuambila ne: “Nennunyoke bonsu.

Osheya 6:8

Ngilaade ntshimenga tshia benzedianganyi ba bibi, badi bela mashi a bantu panshi.

Osheya 6:9

Bu mudi benzedianganyi ba bibi balamina bantu mu njila, batuangaji mbashipe bantu mu njila wa ku Shekeme. Ebu bualu mbubi butambe!

Osheya 7:1

dituku dindi nkeba kuondapa bena Izrayele, bubi bua bena Efrayime ne tshikisu tshia bena Samariya, bidi bimueneka tshiakabidi. Bualu badi badinga bantu, biba bintu biabu mu nzubu. Badi bakengeshangana mu njila.

Osheya 7:3

Maweja-Nangila udi wamba ne: Badi basankisha mukalenga wabu, eku bamusokoka meji mabi adibu nawu. Badi baseka ne balombodi ba mu bukalenga, eku babasokoka bidibu basue kuenza.

Osheya 7:4

Bonsu badi bena tshiendenda. mBafuanangane ne tshioshilu tshia mampa, tshidi tshitema kapia kakole. Muoshi wa mampa kena mua kukasonsola, katshia usopa mampa too ne muabandawu.

Mika 3:2

Kadi, nudi nukina malu mimpe, nunanga malu mabi! Nudi nuvula bantu too ne ku dikoba dia pambidi! Nudi nutula too ne minyinyi idi ku mifuba yabu.”

Mika 3:9

Ndi nnubela nuenu, bamfumu ba ndelanganyi ya Yakobe, ne bakoshi ba nsambu ba bena Izrayele. Nudi nubenga kuenza malu mimpe, nukosa bilumbu bibi.

Mika 6:10

Ndi mua kutangila ne mesu patupu bantu babi, badi buwuja nzubu yabu, ne bintu bivuabu bapete ku dishima, ne ku bipimu bia buivi, bisendame, — ke bindi mbenga — anyi?

Mika 7:2

Mu ditunga kamutshiena muntu, udi witaba Mvidi Mukulu, kamutshiena muntu wa nsongu. Bonsu badi bakeba amu kushipangana, baalaminangana mu njila.

Sefanya 3:1

Yerushalayime udi muena diakabi. Udi tshimenga tshia bantomboji, tshia bena tshikisu, ne bena tshinyangu.

Zekâya 5:3

Ke yeye kungambila ne: — Mu mukanda ewu mudi miaku ya mulawu wa kuela ditunga dijima: luseke lumue lua muvungu wa mukanda mbafunde ne: nebipate bivi bonsu mu ditunga, luseke lukuabu mbafunde ne: nebipate kabidi bonsu badi baditshipa mitshipu ya dishima.

Zekâya 7:9

“Kosayi nsambu pa yoyi, nuenzelangane malu mimpe, ne muoyi muimpe wa dinanga.

Matayi 23:35

Nanku nenupie tshibawu tshia bantu bonsu ba pa buloba, bavuabu bashipe kapayi bualu, bituadije ku Abele, muntu muimpe uvua muitabe Mvidi Mukulu, too ne ku Zekarya, muana wa Barakiya, unuvua bashipele pankatshi pa muaba wa tshijila ne tshilambuilu.

Bienzedi 7:52

Kudi muambi uvua bankambua benu kabayi bakengeshe anyi? Bavua bashipe bantu bavua babamanyishe ne: Muena buakane neafike. Ke Yeye unudi bapangile, bashipe kabidi mpindiewu!

Dielulula 5:11

“Kanutedi dina dianyi meme Maweja-Nangila Mvidi Mukulu wenu tshitelatela, bualu meme nennyoke muntu yonsu udi kayi unemeka dina dianyi.

Dielulula 5:18

“Nubenge tshiendenda.

Dielulula 5:19

“Kanuibi.

1 Tesalonike 2:15

Bena Yuda bavua bashipe Mfumu Yezu, ne bambi kabidi. Ke muvuabu batukengeshe ne tuetu. Kabena basankisha Mvidi Mukulu. Badi bena lukuna ba bantu bakuabu bonsu.

Didimanyisha 17:6

Ke meme kumona mukaji awu, mukuatshike mashi a bantu ba Mvidi Mukulu. Uvua mukuatshike mashi a bonsu bavuabu bashipe bualu bavua bitabe Yezu. Pamvua mumumone nanku, meme kukuatshika buowa bunene.